Modern.az

Palata yoldaşını öldürən şəxsə hökm oxundu

Palata yoldaşını öldürən şəxsə hökm oxundu

Aktual

Bu gün, 10:02

Gəncədə xəstəxanada palata yoldaşını öldürməkdə təqsirləndirilən Zaur Mustafayevin cinayət işi üzrə məhkəmə prosesi keçirilib.

Modern.az  APA-ya istinadən xəbər verir ki, Gəncə Ağır Cinayətlər Məhkəməsində hakim Bəhruz Müslümovun sədrliyi ilə keçirilən prosesdə hökm oxunub.

Hökmə əsasən, təqsirləndirilən şəxs cinayət əməlini anlaqsız vəziyyətdə törətdiyindən cinayət məsuliyyətindən azad edilib. Onun barəsində “ixtisaslaşdırılmış psixiatriya stasionarında intensiv müşahidə altında məcburi müalicə” növündə tibbi xarakterli məcburi tədbir təyin olunub.

Qeyd edək ki, hadisə bu ilin aprel ayında Səhiyyə Nazirliyinin tabeliyindəki Gəncə Psixiatriya Xəstəxanasında baş verib.

İttihama görə, Zaur Mustafayev palata yoldaşı Miri İsmayılovu aldadaraq qolları arxadan bağlanmış vəziyyətdə çörək yeyə biləcəyini yoxlamaq istədiyini deyib. O, iki gün əvvəl palatadakı çarpayıların üzərindəki iki döşəyin kənarlarından götürdüyü ipdən kəndir kimi istifadə edərək Miri İsmayılovun əl-qolunu bağlayıb və onu çarpayıya uzadıb.

Daha sonra kəndirin bir hissəsini Miri İsmayılovun boğazına dolayıb, digər ucunu isə dəmir çarpayıya keçirib. Bir əli ilə onun ağzından tutan Zaur Mustafayev digər əli ilə boğazına doladığı kəndiri çəkərək palata yoldaşını öldürüb.

Zaur Mustafayev Cinayət Məcəlləsinin 120.2.2-ci (xuliqanlıq niyyəti ilə adam öldürmə) maddəsi ilə ittiham olunub.

Instagram
Gündəmdən xəbəriniz olsun!
Keçid et
Rusiyaya dəhşətli zərbə - Strateji yer BOMBALANDI!