8 Oktyabr 2016, 09:58 | Ana Səhifə - Yazılar - Məzən olsun, Osman qağa
Məzən olsun, Osman qağa

Akif Cabbarlı


“Olur , olur, belə işlər də olur” silsiləsindən


Bir tanışım var, yalan danışmaqdan, el arasında deyildiyi kimi, hapa-gopa basmaqdan ötrü sinov gedir. Osman qağa ağıla belə gəlməyənləri elə bəzəyib-düzəyib danışır ki, fantast yazıçılar belə ona qibtə edərlər. Xəyali obrazlar, yalançı qəhrəmanların Don Kixotu geridə qoyan əfsanəvi tryuklari, hadisələrin pik nöqtəsinə qədər ardıcıllıqla izlənməsi, olub-keçənlərin paralellərlə təqdimatı populyar bir əsərin say-seçmə təsvir və motivləri ilə rəqabətdə udar ki, uduzmaz.

  Bu yalançı və gopçunun söylədiklərindən, daha doğrusu üyüdüb-tükdüklərindən bir-iki nümunə göstərmək kifayətdir ki, adamın əsl mahiyyətindən xəbər tutasan. Onu da deyim ki, danışdıqları əsasən həyatdan köçmüş insanlarla bağlı olur. Dirilərdən nə danışsın axı, kimsə şübhələnib hər hansı söhbətin axrına çıxmaq istəsə əsl həqiqət üzə çıxar və dostumuzun yalanları ifşa oluna bilər... O, bunu yaxşı dərk etdiyindən yalan-palanına qəhrəman kimi həmişə dünyasını dəyişən insanları seçir ki, yanmasın, üzü danlanmasın. Sözün düzü, hələ də anlaya bilmirəm ki, qardaş bu gopçuluqdan nə qazanır, hansı ləzzəti alır.

 Günlərin birində danışır ki, akademik Şirbala Nuhbalayevlə ( adlar şərtidir – A.C.) uçurlar Moskvaya. Aeroportda onları şəhər merinin müavini və Elmlər Akademiyasının vitse-prezidenti qarşılayır.

 -Apardılar bizi düz Kremlin yaxınlığındakı restorana. Xeyli yeyib-içdik, çıxdıq gördük qara “Jeep” pişvazımızdadır. Yollandıq Moskva çayının qırağındakı nəhəng “Mejdunarodnoye-1” otelinə. Hərəmizə bir lyuks otaq verdilər. Dedilər ki, dincəlin iki saatdan sonra aşağıda saunada sizi iki sarışın gözəl gözləyəcək. Düşdük. Qızlara söz ola bilməzdi, heç kinoda da belələrini görə bilməzsiniz. Nə isə, ləzzətli dincəldik, üç gün-üç gecə bu oteldə qaldıq. Sonra merin muavini dedi ki, bəlkə yerinizi dəyişək, bura sizin üçün adiləşib. Dedik ki, yox, qalsın gələn dəfəyə.

  Məzən olsun, ay Osman qağa, bir dəfə də danışır ki, gömrük sistemində çalışan dostu Saleh Salehovla gedib çıxıblar Belorusun paytaxtı Minsk şəhəri ətrafında sanotoriyada dincəlməyə. Hökumət rəhbərləri, jurnalistlər onları elə qarşılyaıblar ki, ağızları açıla qalıb. Azərbaycandan apardıqları ceyran balasını qarşılayanlardan birinə - nazir qızı Svetlana Petrovnaya bağışlayanda xanımın ürəyi tab gətirmir və ceyranı buraxır şəhərin küçələrinə. Ceyran qaçır, dostum qovur, zavallı heyvan haradasa yoxa çıxır, dostumun ürəyi tutur, yıxılır yerə. Xəstəxanada gözünü açanda başının üstündə Svetanı görür. Qız ağlaya-ağlaya nə desə yaxşıdır – Allah məni öldürsün Osmançik. Sənin bu gününü görməkdənsə elə gözlərim tutulaydı kaş. Mən isə hələ bu günədək Svetanın bu sözləri rusca necə ifadə etməsini beynimə yerləşdirə bilmirəm.

 Osman bir gün də məşhur polis rəislərindən olan Qulu Mamedoviçlə ova çıxmasını nağıl elədi bizə.

 -Getmişik Kür qırağına, Tuqay meşələrinə. Rəisin qoşalüləsi vardı, məndə də “Vinçester”. Amma silahım xoşuma gəlmirdi, gözümdən düşmüşdü. Bunu hiss edən rəis tabel silahını çıxardıb verdi mənə, dedi ki, Osman qağa, qoy elə həmişə səndə qalsın. Burada da hansı heyvanı, kimi istəyirsən aşır getsin. Qulu Mamedoviç bir dovşan, iki turac vurdu. Mənim girimə heç nə keçmədi. Əsəbiləşdim, meşəbəyini çağırıb qıçlarının arasından bir güllə vızıldatdım. Yaxşı ki, yaralanmadı, Allah balalarına bağışladı.

Osman qağanın sərgüzəştləri barədə yenə deyim? Yox, indi tələsiklikdir, həm də ki, axşamüstü Cavid bağında yığışıb çay içəsi, mırt vurasıyıq. Bəlkə lap təzə bir söhbət eşitdim Osman qağadan. Söz verirəm ki, yenə də oxucu qardaşlarımıza nağıl edəcəyəm onun qırıldatdıqlarını...

 

MÜƏLLİFİN DİGƏR YAZILARI
Ter-Petrosyan Rusiya səfiri ilə görüşdü 27 Sentyabr 2021, 18:04 Şəhidlər Memorial Abidə Kompleksinin açılışı olub - FOTO 27 Sentyabr 2021, 18:03 Xarici İşlər Nazirliyində şəhidlər yad edilib 27 Sentyabr 2021, 17:59 Zakir Həsənov Muhsin Dereni təltif etdi - FOTO 27 Sentyabr 2021, 17:58 “Azərsu”da şəhid ailələrin iştirakı ilə tədbir keçirilib - FOTOLAR 27 Sentyabr 2021, 17:57 Azərbaycan-Türkiyə hərbi əməkdaşlığı müzakirə olundu   27 Sentyabr 2021, 17:55 İlham Əliyev Rusiyanın Ermənistanı silahlandırmasından DANIŞIB 27 Sentyabr 2021, 17:54 “Kiçik Ürəklərdə Böyük Xatirələr” yaddaşlarda həkk olunacaq 27 Sentyabr 2021, 17:48 Şuşada anım tədbiri keçirildi - FOTOLAR   27 Sentyabr 2021, 17:43 Ərdoğan İlham Əliyevə ZƏNG ETDİ 27 Sentyabr 2021, 17:40 Azərbaycan vətəndaşları doğuş üçün ən çox bu ölkəyə ÜZ TUTUR 27 Sentyabr 2021, 17:36 Nərimanovda Anım Günü tədbirləri keçirilib - FOTOLAR   27 Sentyabr 2021, 17:30 Şəhid övladlarımız heç vaxt unudulmayacaq - FOTO 27 Sentyabr 2021, 17:26 Azad olunan ərazilərdə daha 78 mina tapıldı 27 Sentyabr 2021, 17:22 Baş Prokurorluqdan VİDEOMÜRACİƏT 27 Sentyabr 2021, 17:17 İran Azərbaycanla quru sərhədlərini açır 27 Sentyabr 2021, 17:12 Almaniyada bu partiyalar koalision hökumət qurmağa HAZIRLAŞIR 27 Sentyabr 2021, 17:06 Ağsaqqallar Şurasından xalqa müraciət 27 Sentyabr 2021, 17:03 Bakıda qadın meyiti tapıldı 27 Sentyabr 2021, 16:59 “Azəriqaz”dan növbəti “Açıq mikrofon” aksiyası 27 Sentyabr 2021, 16:54 “Prezident Azərbaycanın dünya üçün əhəmiyyətini göstərdi” 27 Sentyabr 2021, 16:48 Şəhid Mübariz İbrahimov məktəbi İstanbulda QAZİLƏRİMİZLƏ 27 Sentyabr 2021, 16:44 1 gündə 630 nəfərə peyvənd vurulub 27 Sentyabr 2021, 16:40 Daha 1241 nəfər koronavirusdan sağaldı, 19 nəfər öldü 27 Sentyabr 2021, 16:39 Ordumuz 30 illik Qarabağ həsrətinə 44 gündə son qoydu 27 Sentyabr 2021, 16:37 Avronest PA-nın Büro iclası keçirildi 27 Sentyabr 2021, 16:34 Azərbaycanda vaksin sınağı: Koronavirusdan müdafiə 4 dəfə artdı 27 Sentyabr 2021, 16:32 Yol polisi sürücülərə müraciət etdi 27 Sentyabr 2021, 16:28 Naxçıvanda şəhidlərin xatirəsi yad edilib 27 Sentyabr 2021, 16:24 Bakının Baş Planından yeni xəbər var - RƏSMİ 27 Sentyabr 2021, 16:20 Şəmkirdə 27 sentyabr Anım Günü tədbiri keçirilib - FOTOLAR 27 Sentyabr 2021, 16:17 Şəhidlər Memorial Abidə Kompleksinin açılışı oldu 27 Sentyabr 2021, 16:13 Prezident və birinci xanım yürüşdə iştirak etdi - FOTOLAR - YENİLƏNİB 27 Sentyabr 2021, 16:11 Antrim şəhərində şəhidlərimiz anıldı - FOTO 27 Sentyabr 2021, 16:08 Füzulidə “27 sentyabr - Anım günü” qeyd edilib 27 Sentyabr 2021, 16:05
SORĞU Hansı vaksinə etibar edirsiniz?