14 Oktyabr 2016, 15:12 | Ana Səhifə - Yazılar - Müvəqqəti çətinlik
Müvəqqəti çətinlik

Hidayət ELVÜSAL


Belə-belə işlər

Elə anadan olanda da ölkə müvəqqəti çətinlik keçirirmiş. Yəni İkinci Dünya və Böyük Vətən Müharibəsi deyilən müsibətlərin yaraları sarınırmış. Sarıyıblar-sarıyıblar və deyiblər ki, bu müvəqqəti çətinlik qurtaran kimi, hoppanıb düşəcəyik kommunizmin qucağına.

Müvəqqəti çətinliklərlə yavaş-yavaş böyüyürdük. Düşünürdük ki, böyüyən kimi hər şey düzələcək. Bir-birimizin pal-paltarını geyinib müvəqqəti çətinliyə  sinə gərirdik.

Və günlərin birində gördük ki, əməlli-başlı böyümüşük. Ali məktəbə də daxil olmuşuq. Amma pul-paramız… Təqaüd bəs eləmirdi. Evdən az-maz göndərirdilər ki, müvəqqəti çətinlikdir, döz! Dözürdük!

Birtəhər diplom aldıq. İş verdilər. Dedilər ki, hələlik maaş azdır, amma düzələcək, müvəqqəti çətinlikdir. Pencək alanda şalvar, şalvar alanda da pencək əldən gedirdi. Amma hər gün bizə işıqlı sabah vəd edirdilər. Biz də xəyallar quraraq yuxumuzda o sabahı görürdük. Deyirdilər ki, «vot-vot» kommunizm gəlir, ayaqlarının səsi eşidilir. Maaşımızdan çıxılan «subaylıqpulu» kommunizmin qədəmlərinə qurban kəsilirdi.

Evləndik. Pahooo… Ev yox, eşik yox, kommunizm şoğərib də hələ gəlib çıxmayıb, qalmışıq kirayələrdə. Müvəqqəti çətinlik bizi salıb təmiyin altına, dəli inək balasını çığnayan kimi çığnayır. Mənzil növbəsinə baxanda gözümüz qaralırdı.

Nəhayət, bir səhər o sabahdan xəbər gətirdi. Dedilər ki, «pəpiş», kommunizm-zad nağıl idi. SSRİ dağıldı, partiya getdi işinin-gücünün dalınca və pulları da özü ilə aparıb yığdı xarici  banklara. İndi azadlıqdı. Əlbəttə, müvəqqəti çətinliklər olacaq. Dözün!

Müharibə başladı. Torpaqlar əldən getdi. Dedilər fikir eləməyin, lazım olsa alacağıq. Almadılar. Hələ biri dedi ki, müvəqqəti çətinlikdi torpaqları əlborcu vermişik, qaytaracağıq. Qaytarmadılar.  Dörddə bir əsrdir ki, o torpaqlar müvəqqəti olaraq işğal altında, biz də müvəqqəti çətinliklər içərisində.

Bir başqası da dedi ki, onların hamısı düşmən deyil. Buna görə də kilsələrinə pulsuz qaz veririk. Biz isə soyuqdan titrəyəndə dedilər dözün, müvəqqəti çətinlikdi, keşişləri qızdırandan sonra sizə də qazdan-zaddan verəcəyik. Deyirik ki, axı, biz o qazın pulunu veririk. Deyirlər ki, susun, sizi qaz kimi yolarıq, qazda ütərik, qazanda qaynadıb qarnımıza dolduraraq. Susuruq.

Amma o gün qanım qaraldı. Dedilər ki, sizin eviniz olacaq, maaşınız artacaq. Elə bil başıma bir qazan qaynar su tökdülər. Necə yəni… ev… maaş… Axı, müvəqqəti çətinlik olmasa ürəyim partlayar. Şəxsən  mən özgə cür yaşaya bilmərəm. Müvəqqəti çətinlik həyat tərzimdir. Hər şeyimizi aldılar. Heç olmasa bu müvəqqəti çətinliyimizə toxunmasınlar. Müəllimlər qul bazarından, alimlər çörək qazandıqları taksi maşınlarından məhrum olsalar, müvəqqəti çətinlik əbədi xoşbəxtliyəmi təslim olacaq. Axı, adət-ənənəmiz var – yüzü işlər, biri, ya da biri işlər, yüzü dişlər – yəni toplananların yeri dəyişəndə cəm dəyişməz.

Əbədi komfort bir zümrənin, müvəqqəti çətinlik qalanların alın yazısıdır. Bax, gör orada nə yazılıb – sən onların yediyini yeyə, geyindiyini geyinə, aldıqlarını qazana, yığdıqlarını  saya… bilməzsən.

Bilirəm!

Buna görə deyirəm ki, heç olmasa müvəqqəti çətinliyimizə toxunmayın. Onsuz da yaşamırıq, sürünürük…

Bu da oğlum. O gün deyir ki, qonşumuz deputat oğluna «Mersedes» alıb. Hər gün saxlayırlar öz marketlərinin qarşısında, camaata acıq verirlər. Hələ icra başçısının qardaşı binanın qarşısındakı ağacları kəsdirib sauna tikdirmək istəyir. Amma biz…

Dedim oğlum, darıxma, müvəqqəti çətinlikdir…

 

MÜƏLLİFİN DİGƏR YAZILARI
İsrail qırıcıları Fələstin DİN-in binasını vurdu 14 May 2021, 23:59 Çində yeni koronavirus ocağı aşkarlandı 14 May 2021, 23:49 Suriyanın İsrailə atdığı raket öz ərazisinə düşdü 14 May 2021, 23:37 Kainat genişlənir 14 May 2021, 23:23 Xırdalanda piyadanı maşın vurdu 14 May 2021, 23:10 Bolton ABŞ-ı Qafqazda Rusiyaya cavab verməyə çağırdı 14 May 2021, 22:56 Cozep Borrelldən Azərbaycan-Ermənistan sərhədindəki vəziyyətlə bağlı bəyanat 14 May 2021, 22:41 Quterreş İsrail və Fələstini hərbi əməliyyatları dayandırmağa çağırdı 14 May 2021, 22:29 Rusiyaya dost olmayan dövlətlərin siyahısı təsdiqləndi 14 May 2021, 22:15 Azərbaycan çempionu son turda bilinəcək 14 May 2021, 22:02 Ukraynada hökumət böhranı - iki nazir istefa verdi 14 May 2021, 21:48 "Facebook" və "İnstagram"ın işində problem yarandı 14 May 2021, 21:35 “Türk Hava Yolları” Tel-Əvivə uçuşları dayandırdı 14 May 2021, 21:23 Masallıda ər keçmiş arvadını bıçaqladı 14 May 2021, 21:08 ÜST-dən koronavirusla bağlı təhlükəli XƏBƏRDARLIQ 14 May 2021, 20:54 Erməni əsgərin asılmış meyiti tapıldı 14 May 2021, 20:40 “İyunda məhdudiyyətləri ciddi şəkildə yumşaltmağı planlaşdırırıq” - Ərdoğan 14 May 2021, 20:28 Mehriban Əliyeva Qarabağdan növbəti paylaşım etdi - VİDEO 14 May 2021, 20:14 Şentop Sahibə Qafarovaya zəng etdi 14 May 2021, 20:05 Apreldə bahalaşan və ucuzlaşan MƏHSULLAR 14 May 2021, 18:31 Şuşada keçirilən "Xarıbülbül" festivalı heç vaxt yaddaşlardan silinməyəcək 14 May 2021, 17:52 Bakıda restoranda partlayış: 4 nəfər yaralandı 14 May 2021, 17:30 Azərbaycan vasitəsilə 10 milyon tondan artıq yük daşınıb 14 May 2021, 17:14 Ceyhun Bayramov avropalı diplomatla sərhəddəki gərginliyi müzakirə etdi 14 May 2021, 16:57 Azərbaycanda COVID-19-a qarşı peyvənd olunanların SAYI 14 May 2021, 16:49 Daha 326 nəfər koronavirusa yoluxdu: 12 nəfər vəfat etdi 14 May 2021, 16:36 “Düşmən Qarabağ şikəstəsinin avazını əbədi olaraq eşitməyə məhkum olacaq” - Deputat 14 May 2021, 16:23 Ceyhun Bayramov ABŞ Dövlət katibi ilə danışıqlar apardı                                         14 May 2021, 16:07 Azərbaycan övladlığa verilən uşaqların sayı açıqlandı 14 May 2021, 15:55 Dost ölkə prezidentindən İlham Əliyevə ZƏNG 14 May 2021, 15:43 AVRO-2020: Bakıdakı oyunların biletləri satışa çıxarılır 14 May 2021, 15:30 Yasamalda 26 yaşlı gəncin ölümü ilə bağlı cinayət işi AÇILDI 14 May 2021, 15:22 Türkiyənin COVID-19-a qarşı vaksini bu tarixdə HAZIR OLACAQ 14 May 2021, 15:06 Məsciddə partlayış: 12 ölü, 20 yaralı 14 May 2021, 14:48 “Paşinyan Azərbaycanla sərhəd mübahisəsinə görə Putindən....” - Kremldən AÇIQLAMA 14 May 2021, 14:26