16mart | Ana Səhifə - Yazılar - Çirkinləşdirilmiş şəfqət
Çirkinləşdirilmiş şəfqət

Vəfa Allahverdiyeva

Bəzən yoxsul və ortabab ailələr inzibatçı dairələrin elə təşəbbüsləri, qərarları arxasınca sürüklənir, onların soyğunçu  ideyalarına şərik, həm də  məcbur edilir ki , fikirləşirsən, görəsən, bunun gerçək, əsl mənbəyi hardan, kimdən gəlir?!

İstəyirsən, əsl mənbəni, niyyəti tanıya, milli valyutanın dəyərsiz kağız parçasına çevrildiyi, bahalıq hökm sürən bu günlərdə yaşam yolları arayan  insanların üzərindən aparılan xeyriyyə, şəfqət  aksiyalarına görə radikal bir sual verəsən ki, məgər sosial kəsim özü alıb-yeyə bilirmi, nankor övladlar ucbatından atılan özgə ata-ananı da, yalnız öz hisslərini düşünən gənc anaların küçəyə tulladığı yad körpələri də, orduda hərbi xidmət keçən əsgərlərin də ehtiyaclarını himayəsinə götürsün-epizodik bir dəstəklə olsa da?!

Mart ayının maddi ağırlığını yetimə, atılmışa bayram sovqatı, əsgərə üzqırxan, diş pastası, corab kampaniyası ilə bir az da kəskinləşdirib, məktəbin üzərinə bu yükü qoyanların ünvanındakı zəncirvarilik ən başdakı halqanın kimliyini qeyri-müəyyən edir və bu səbəbdən suallar havada qalır.

Çünki müəllim göstərişi öz rəhbərindən, məktəb direktoru da təlimatı tabeçi instansiyadan alır; Nazirlik üzərində də bəlkə ayrı bir mötəbər əl hökmlülük daşıyır; Bəlkə də çevrə lap dardır-naməlum.
 

Beləcə qaranlıqdan kimsənin başı görünmür ki, xeyirxahlıq tədbirlərində niyə dövlət büdcəsini talan edənlərə, mövqeyi sayəsində biznes imperiyası quranlara deyil, iki uşağının təhsil xərclərini zorla çatdıran pul sıxıntılı  sosial ailələrə məktəb sferasında məcburi səxavətlilik rolunun verildiyini xəbər alasan. 
  

Yardımlaşmaq, paylaşmaq, kimisə sevindirməyi bacarmaq gözəl əxlaq, gözəl tərbiyə deməkdir.

 

Bunun məktəb müstəvisində nümunəsi gəncliyi yaxşı dəyərlərlə formalaşdıran əxlaqi qəlib yaradır. Lakin xeyirxahlıq aksiyası tam leqal və məqsədyönlü piar xarakterli aparılanda.

Kütləvi könüllü təşəbbüskarlıq pıçıltılı tənqid, təşkilatçıya ünvanlanan bəd dua, aşkaranə etiraz yaratmır. Verdiyin qərara mənən, maddiyən hazırsan, ona görə.

 

Sosial durumu zəif insanların yerinə, başqaları qərar verəndə, ailə büdcəsinə əllər uzananda, adı şəfqət olan missiya ikrah müstəvisinə gəlir, təşkilatçılara bəd dualar yönəlir və dediyimiz “qəlib” artıq gəncliyə də yaxşı istiqamət verə bilmir.

Çünki ünvanlı sosial yardım üçün dəridən-qabıqdan çıxan təbəqədən xeyirxahlıq, başqa ünvanlara maddi dəstək ummaq əməlli paradoks yaradır.  

 

İlin-günün bu vaxtında pul dərdi çəkən ailələri bayram xonçasına, məbləğı böyük olmasa da, bu missiya üçün toplanan vəsait kampaniyasına cəlb etmək şəfqət anlayışını çirkinləşdirməkdən başqa bir şey deyil.

Kasıbdan sponsor, xeyriyyəçi ola bilərmi! 

 

Cəmiyyətin günahlar içərisində itib-batan mədəni- ictimai oğruları öz günahlarını savabla yumalı olduğu halda, humanist təşəbbüslərdən kənarda qalsın, qarğış qazanmayan ehtiyaclı insan, sanki qüsurlarının əfvinə sığınmalıdır deyə, sədəqə versin, insanpərvər, əl tutan olsun, hansı günahları üçün?!       

 

Niyə xeyriyyə kampaniyasında bir məktəb, yaxud bir sinfə yardım ərzağı konkret kiloqramla, digərinə “Allah verən”lə, başqasına dəqiq pul məbləği ilə təyin edilir?

 

Bəs bu, ümummilli kampaniyaya müəllimin, direktorun, nazirin əmək haqqının  heç olmasa, bir faiz töhfəsi varmı?

 

Kim zəmanət verə bilər ki, sovqat ünvanına gedib çıxdığı kimi, pulun da məqsədi, adresi sovqata, qocalar evlərinə, yetimxanalara, hərbi hissələrə bağlıdır...       

 

Səfər Əbiyevdən sonra ordunun başına keçən gül kimi nazir-Zakir Həsənovun vaxtında orduya üzqırxan?!

Sadəcə gülməlidir!

Xarakterini, işindəki məsuliyyətini yetərincə isbat etmiş Zakir Həsənov öz cibindən əsgərə üzqırxan alar, amma qısa müddətdə zəhmət qoyduğu ordunun pozitiv imicini ucuz bir əşyanı dilənçilik psixologiyası ilə toplamaq kampaniyasına qurban verməz!

Bu kampaniyanın arxasında ondan savayı, yetərincə isim tapmaq mümkündür.   
  

Pakistanın,  İsrailin, Rusiyanın silah sənayesinin bahalı məhsullarını   alan ölkə ordusunun fiziki-maddi çəkisi olmayan üzqırxana, bir boz corabamı ehtiyacı var?!

Üstəlik, əsgər analarının yollarda qaldığını biliriksə,  mahiyyəti bir şey olmayan diş pastaları, diş şotkaları, corabların məktəblərdə hansı niyyətlə topladığının izinə düşmək lazımdır.

Pul yığılan yerlər təftiş zərurəti yaradır ki, bu pullar, vacib ləvazimatlar kimlərin maraq dairəsindədir.  

Bəlkə bu ləvazimatlar gizlicə satış masalarına yol alır!

Azərbaycanda rüşvət bir yana, qalmaqallı kasetlərlə imici ləkələnən, şəxsi hissləri ilə mənliyini bir qəpiklik edən o qədər məktəb direktoru gördük ki, çirkinləndirilmiş bu şəfqət aksiyasına görə şübhəli baxışlar onların da üzərində gəzir.

Yuxarıdan basılan xeyriyyəçilik düyməsi fərdi ciblər üçün bir fürsət yaradır. Kim bu kampaniyadan öz nəfinə nə qazandı-qazandı, - lap yol tikintisinə ayrılan dövlət vəsaitinə xain baxışların fürsətcilliyi kimi.   

Dövlət büdcəsi bu qədərmi kasadlaşdı, zənginlər bu qədərmi müflis oldu, bank borcları içində itib-batan, kirayə mənzillərdə çürüyən, iş yerlərini itirən, sosial cəhənnəmin ortasında, dəyərsiz pul kütləsinin əlində aciz qalan ailələr yetimlərə, qocalara, əsgərlərə sponsorluq etsin! Özünə umac ova bilməyən başqasının xəmirinin qulpundan necə yapışa bilər?!

Təhsilin başındakı mötəbər beş-on insanın öz cibindən etmədiyi yardım aksiyasına imkansız çevrə necə töhvə verə bilər?!

Bayram xonçası nədir ki, onu beş-on yetimxanaya, qocalar evinə nazirlik özü verə bilməsin?!

 

Amma bölüşəndə tox, bölünəndə yox olmaq hikmətini yaşatmağı bacaranlar sosial cənnətin başında yer alanlar deyil,  sosial cəhənnəmin ortasında inləyən insanlar oldu ki, təknəsindəkini bölüb, bu gözəl bayram günlərində özləri kimi qəlbi qırıqları  tox,  toplumun kasıb hissəsini bütöv etməyi bacardı.

Əgər o xonçalar mənzilinə çatdısa.

O pullardan yetimlər faydalandısa.

O corablar əsgərin ayağını qızdırdısa...     

Tanrı ruzunu ürəkliyə, səxavətliyə, dar məqamda bir tikəsini bölüşmək böyüklüyü olanlara versin!

 

MÜƏLLİFİN DİGƏR YAZILARI
Ermənistanda silahlı insident 26 Yanvar 2020, 00:47 Azərbaycanlı tələbələr zəlzələ zonasından Naxçıvana təxliyə olunur - RƏSMİ 26 Yanvar 2020, 00:31 Uğursuz Daşaltı əməliyyatından 28 il ötür 26 Yanvar 2020, 00:12 Naxçıvani küçəsinin seçiciləri Azay Quliyevi hərarətlə qarşıladı - FOTO, VİDEO 25 Yanvar 2020, 23:57 Vüqar Bayramov Qəhrəmanlar parkında Horadiz sakinləri ilə görüşdü - FOTO 25 Yanvar 2020, 23:39 Türkiyədə yenə zəlzələ oldu 25 Yanvar 2020, 23:18 Qüdrət Həsənquliyev seçicilərlə növbəti görüşünü keçirib - FOTO 25 Yanvar 2020, 22:36 Kərimbəylililər də Vüqar Bayramov deyir - FOTO 25 Yanvar 2020, 22:29 Türkiyədə zəlzələ qurbanlarının sayı 29-a çatdı: 1466 yaralı var 25 Yanvar 2020, 22:11 Cavanşir Paşazadənin seçicilərlə izdihamlı görüşü - FOTOLAR 25 Yanvar 2020, 21:53 Çindən Azərbaycana gələnlər ciddi yoxlanılır - RƏSMİ 25 Yanvar 2020, 21:34 Həmişə  yanımızda olan deputatımıza yenə səs verəcəyik - FOTOLAR 25 Yanvar 2020, 21:19 Etiraz aksiyalarında 4 nəfər öldürüldü 25 Yanvar 2020, 21:02 Azər Kərimli seçicilərini evlərində ziyarət edir - FOTOLAR 25 Yanvar 2020, 20:47 Cəbrayıllılardan Ceyhun Məmmədova böyük dəstək - FOTOLAR 25 Yanvar 2020, 20:29 Şənbə etüdləri - Şöhrət Eyvazov yazır 25 Yanvar 2020, 20:14 Əhliman Əmiraslanova  ağır itki 25 Yanvar 2020, 20:00 Seçicilər hə” dedilər... -  Turanda görüşlər 25 Yanvar 2020, 19:33 Zobcuq sakinləri Vüqar Bayramovu böyük təntənə ilə qarşıladı - FOTO 25 Yanvar 2020, 18:00 Sumqayıtda mənzildə qadın meyiti tapılıb 25 Yanvar 2020, 17:58 Gürcüstan vətəndaşının Bakıda bank hesabı qarət edildi 25 Yanvar 2020, 17:45 Çindəki azərbaycanlı doktorant: “Çıxış bağlanıb, övladımın virusa yoluxacağından çox qorxuram” 25 Yanvar 2020, 17:29 “5 rayon qaytarılır, Kəlbəcərlə Laçın keçid status alır” – Paşinyandan SENSASİON AÇIQLAMALAR 25 Yanvar 2020, 17:23 Rövşən Sadıxov iki kəndin seçiciləri ilə görüşüb - FOTOLAR 25 Yanvar 2020, 17:11 “Dünyanın ən gözəl, ziyalı və qayğıkeş qadınları Azərbaycan xanımlarıdır” - TAHİR MİRKİŞİLİ - FOTOLAR 25 Yanvar 2020, 17:00 Musa Qasımlı seçicilərlə bir arada - FOTOLAR 25 Yanvar 2020, 16:45 Prezident Avstraliyanın General-Qubernatorunu təbrik edib 25 Yanvar 2020, 16:39 Azərbaycanlıların ən çox çalışdığı sahələr hansıdır? 25 Yanvar 2020, 16:31 Qobu Parkda məskunlaşmış laçınlılardan Mahir Abbaszadəyə dəstək - FOTO 25 Yanvar 2020, 16:26 XİN-dən Çindəki azərbaycanlılarla bağlı  YENİ AÇIQLAMA 25 Yanvar 2020, 16:24 Lalə Abbasova seçiciləri ilə izdihamlı görüşlər keçirib - FOTOLAR 25 Yanvar 2020, 16:19 Gəncədə hərbi şəhərçiyin sakinləri Pərvin Kərimzadəni dəstəkləyirlər-VİDEO   25 Yanvar 2020, 16:16 Çinin karantin edilən şəhərində azərbaycanlı tələbələr də var - ÖZƏL 25 Yanvar 2020, 16:08 Heydər Əliyev Fondu Salyanda yeni məktəb binası inşa etdi - FOTOLAR 25 Yanvar 2020, 16:03 “Azərenerji” ASC-nin sədrinə ağır itki üz verdi 25 Yanvar 2020, 15:51
SORĞU Yeni parlamentdə kimlər olsun?