1 Avqust 2017, 15:18 | Ana Səhifə - Yazılar - Yarımaçıq qapı... - “Həyatın özü və üzü” sislsiləsindən
Yarımaçıq qapı... - “Həyatın özü və üzü” sislsiləsindən

Abbas Əliyev

 

...Dünyalar qədər sevdiyi neftçi oğlunun vaxtsız ölümündən sonra “öləcəm” dedi. Amma ölmədi. Ölə də bilməzdi. Yoxluğuna inanmadığı insanın gəlişini gözləməliydi. Gözləyirdi də... 

...Oğlunun ölümündən sonra həyət qapısını bağlı görən olmamışdı. Həmişə yarımaçıq vəziyyətdə idi balaca həyət qapısı. Özü isə evdən bir addım da aralanmaz, qonşuya belə, keçməzdi. Oğlu qayıdıb onu evdə tapmazdı deyə... 

...Yeganə oğlunun dostu, yaxın sirdaşı olmuş Rəsul hər dəfə Mina anaya baş çəkmək, könlünü almaq istəsə də, fikrindən vaz keçmişdi. İki il keçsə də, qaysaq bağlamayan yaranı, ana üçün ən böyük dərdi təzələmək istəmirdi. Ancaq bu gün dözməmişdi. Gəlmişdi yarımaçıq qapının önünə... 

...Uzun-uzadı balaca qapıya baxdı Rəsul. Tam açmağa ürək eləmədi. Qapının yarımaçıq hissəsindən keçmək istədi. Nə qədər ehtiyatla tərpənmək istəsə də, qapıya toxundu. Çox açılıb-örtülməyən qapının səsinə eyvanda oturub onsuz da bir şey seçməyən (oğlunu itirəndən sonra ağlamaqdan kor olmuşdu ana gözləri) gözlərini qapıya dikmiş Mina ana diksindi. Yerindən qalxdı və geniş açılsa da, qaraltıdan başqa bir şey seçməyən gözlərini yarımaçıq qapının önündə dayanmış kölgəyə dikdi. Və birdən hündür eyvanın pilləkəninə atdı özünü: 
“Bilirdim ki, gələcəksən, ay oğul".

Güclə pillələri enməyə çalışan Mina ananın yıxılacağından qorxan Rəsul pilləkənə sarı qaçdı və sonuncu pilləkəndə yaşı o qədər də çox olmayan, saçları dümağ ağarmış, gözlərinin altı tutuqlansa da, işığı sönməmiş anaya çatdırdı özünü. Yıxılacağının fərqinə belə varmayan Mina ana özünü Rəsulun üstünə atdı və “Can bala, nə gec gəldin” - deyə onu aramsız öpməyə, oxşamağa başladı. “Mən Rəsulam ay ana, Rəsulam” – pıçıldadı Rəsul. Ancaq ananın onu eşitmədiyini, ümidinin zirvəsində olduğunu görüb susdu. .

...Xarici görünüşləri də oxşayırdı. Hər ikisi hündürboylu, saçları vaxtından əvvəl çallaşmış idi. ...Rəsul isti göz yaşlarından sir-sifətinin islandığını hiss etdi. Ananın isti, bir az da balaca qucağından ayrılmaq istədi. Ancaq kövrək ana hisslərini soyutmaq istəmədi. Bu balaca yuva ona çox isti, doğma gəldi. İri əllərini ananın ağ saçlarında gəzdirdi. Anasını xatırladı. Onu əzizlədiyi, oxşadığı bəxtəvər günlər yadına düşdü. Bərk-bərk Ananı qucaqladı. Ona elə gəldi ki, Ananı buraxsa, bir də bu isti yuvanı görməyəcək, anasızlığı bir də yaşayacaqdı. 

...Uzun müddət elə beləcə qaldılar. İsti göz yaşları bir-birinə qarışdı. Ara-sıra Ananın “can bala, səni bir də o zəhirmar dənizə buraxmayacam. Gedirsən, gəlib çıxmırsan” – sözlərindən və hıçqırıqlardan başqa heç nə eşidilmirdi. 

...Rəsul Ananın kövrək əllərini ehmalca özündən kənarlaşdırdı və asta addımlarla yarımaçıq qapıya yaxınlaşdı. Bir müddət qapıya baxdı və birdən qapını bərk-bərk örtdü. Aralanıb yenidən bağlı qapını süzdü və iti addımlarla Anaya yaxınlaşıb boynuna sarıldı və ürəyinin verdiyi qərarı - “Mən də sənsiz darıxmışdım, ay ana, daha heç yerə getməyəcəyəm” - pıçıldadı. 

Elmar Məmmədyarov Rövnəq Abdullayevin yanına gəldi - FOTOLAR 2 Dekabr 2021, 13:50 Prezidentin köməkçisi Azərbaycan-Ermənistan sərhədindəki son vəziyyətdən DANIŞDI 2 Dekabr 2021, 13:45 Hikmət Hacıyevdən jurnalistlərə tövsiyə: “Ermənistan mediasına istinadları minimuma endirək” 2 Dekabr 2021, 13:35 Milli komandamızda yeni baş məşqçi TƏYİNATLARI 2 Dekabr 2021, 13:30 Nazir istilik problemi olan məktəblərin sayını AÇIQLADI 2 Dekabr 2021, 13:26 Dünənki aksiyada saxlanılanların məhkəməsidi 2 Dekabr 2021, 13:22 Növbəti həftələrdə ənənəvi tədris tam bərpa oluna bilər - Nazir 2 Dekabr 2021, 13:18 Prezidentin köməkçisi helikopter qəzasından DANIŞDI 2 Dekabr 2021, 13:14 ATƏT xarici işlər nazirlərinin iclası başladı 2 Dekabr 2021, 13:09 Fuad Muradov Britaniyada səfərdədir 2 Dekabr 2021, 13:04 Bu dövlət qurumlarına yeni səlahiyyət VERİLDİ 2 Dekabr 2021, 13:00 AFFA millinin baş məşqçisi De Byazi barədə QƏRAR VERDİ 2 Dekabr 2021, 12:54 Son 1 həftədə yol qəzalarında 14 nəfər ölüb 2 Dekabr 2021, 12:48 Rusiyada 1221 nəfər virus qurbanı oldu 2 Dekabr 2021, 12:43 Qarabağın azad olunması hər kəsdə özünəinam yaratdı - Nobel mükafatçısı 2 Dekabr 2021, 12:38 “Walt Disney”ə ilk dəfə qadın rəhbərlik edəcək 2 Dekabr 2021, 12:34 Belarus və Rusiya Ukrayna sərhədində təlimlər keçirəcək 2 Dekabr 2021, 12:31 İlham Əliyev ərəb Şeyxini TƏBRİK ETDİ 2 Dekabr 2021, 12:27 Noyabrda 9 nəfər mina qurbanı olub - FAKTLAR 2 Dekabr 2021, 12:25 Sabahın hava proqnozu 2 Dekabr 2021, 12:20 Metroda telefon oğurladı - TUTULDU 2 Dekabr 2021, 12:16 İcra hakimiyyətlərinin ləğvi gündəmdə - Cəmi 14 regional icra başçısı ola bilər - SİYAHI 2 Dekabr 2021, 12:11 İcra başçısı şəhidin evində 2 Dekabr 2021, 12:07 Diaspor nümayəndələrinin Şuşaya növbəti səfəri  2 Dekabr 2021, 12:03 Saakaşvilinin məhkəməsi keçirilir 2 Dekabr 2021, 12:00 Xocavənddə ermənilərin atıb qaçdığı silah-sursat aşkarlandı 2 Dekabr 2021, 11:57 Hikmət Hacıyev: “Azərbaycan bölgənin geosiyasi mənzərəsini dəyişdi” 2 Dekabr 2021, 11:53 ABŞ Dövlət katibi Lavrovla görüşəcək 2 Dekabr 2021, 11:50 2022-ci ilin bayram GÜNLƏRİ açıqlandı 2 Dekabr 2021, 11:45 Üçtərəfli işçi qrup yenidən görüşəcək 2 Dekabr 2021, 11:40 Ermənistandan qənimət götürdüyümüz texnikalar ordumuzun istifadəsinə verilib 2 Dekabr 2021, 11:34 Distant təhsil real təhsili əvəz edə bilmir - Nazirdən etiraf 2 Dekabr 2021, 11:28 Ermənistanda YOLUXMA 2 Dekabr 2021, 11:22 Şəhid pilot Beyləqanda dəfn edilir - FOTO 2 Dekabr 2021, 11:18 30 il UNESCO-dan rəy gözlədik - Prezidentin köməkçisi 2 Dekabr 2021, 11:13
SORĞU Kommunal xərciniz ən çox hansı xidmətə gedir?