12 Yanvar 2018, 13:24 | Ana Səhifə - Yazılar - Turistlər ağlaşır
Turistlər ağlaşır

Hidayət Elvüsal


Və gördüm ki, bir yapon “Tarqovı” dediyimiz Nizami küçəsində, yəni Bakının göbəyindəki skamyaların birində oturub, zülüm-zülüm ağlayır. Yaxınlaşıb, hal-əhval tutdum. Ceni Çakı-zadı soruşdum. Sonra dedim:

- Ay evini sunami aparmasın, bu qərib ölkədə niyə gözünün qarasını axıdırsan?

Yapon birtəhər özünə gəlib, hıçqıra-hıçqıra:

- Şız şənnətdə zazıyırsış.

- Yox aaa?!

- Ona bax. Kim siqaretin kötüyünü hara istəyir, ora da tullayır. Boş butılka, içəcək qabları, hər şey küçələrə səpələnib. Amma bizdə, Yaponiyada… Tokioda yox e, kənddə də belə şey olsa bələdiyyə bir tərəfdən, polis o biri tərəfdən yaxamızdan tutub, ya həbs eləyər, ya da cərimə ödətdirər. Amma siz… Gör nə qədər azad, gözəl yaşayırsız. Mən ölkəmin halına ağlayıram.

Bir ingilis də söhbətə qoşuldu:

- Bura çox gözəldir. Hamı deyir-gülür. Televiziya proqramlarına baxıram. Elə bil toyxanadasan. Oynayan kim, gülməkdən özündən gedən kim. Biz ingilislər kimi soyuqqanlı deyilsiniz. Torpağınız işğal olunur, deyib-gülürsünüz. Sel gəlib kənd-kəsəyi basır. Saz götürüb, ortada süzürsünüz. Bina uçur, yanğın olur, şpaqat açırsınız. Üç-dörd aparıcıdan savayı ekranda heç kimi görmürsünüz. Aparıcı onlar, aktyorlar onlar, tamaşaçılar onlar, sizə ağıl verən, yeri gələndə danlayan da onlar. Amma Londonda… Gündə birini tapıb ekrana çıxarırlar. Oynayan yox, oxuyan yox, ya elmdən danışırlar, ya da siyasətdən. Bezdiriblər.

Bir amerikalı:

- Halal olsun. Bizimkilər göydə həyat axtarırlar. Astronavtların biri gedir, biri gəlir. Amma sizdə ən azı əlli ildir ki, gəlin-qayınana müsibətləri müzakirə olunur.

Yapon: 

- Bizdə məktəblilərə zülm eləyirlər. Oxudurlar, elm öyrədirlər. Amma burada hər şey yolundadır. Müəllimin cibinə beş-on manat salıb, rahat olurlar.

Amerikalı:

- Təhsili olmayanı heç qarovulçu da götürmürük. Amma burada qəssab kefi istəyəndə baş redaktor olur. Əlifbanı bilməyən şeir yazır. Gözəl ölkədir, çox gözəl. Biz dünyanın xəritəsini dəyişmək istəyirik, siz isə uzaqbaşı mebelinizi.

Yapon yenə zırıldadı:

- Bizim heç nəyimiz yoxdur, hər şeyimiz var. Sizin hər şeyiniz var, heç nəyiniz yoxdur.

İngilis:

- Hələ maşınlar. Marka bizimdir. Amma üzünü də görməmişik. Bakıda isə belədən-belə şütüyür, həm də kimini kefi necə istəyir elə sürür.

Yapon:

- Bax biz təsadüfən avtomobil qəzalarında ölürük. Siz isə təsadüfən yaşayırsınız.

Ölkəmizi o qədər təriflədilər ki, məni də ağlamaq tutdu. Sən demə bu yerlərin qədrini hələ də bilməmişik. Və mən yaponun boynunu qucaqlayıb, ağladım. İkimiz də ağladıq.

İngilis pıçıldadı:

- O qədər humanist millətsiniz ki, insan heyrətə gəlir. Ermənilər sizin körpələrinizi, qocalarınızı, qadınlarınızı o qarlı yerlərdə, o şaxtalı havalarda güllələyib, öldürdülər. Amma siz bu vəhşiliyin ideya yuvaları olan erməni kilsələrinə pulsuz qaz verirsiz. Gürcüstantanlı ermənilər sizdən çox razıdırlar. Kilsəyə gedən boru xəttinə “sasok” qoyub, evlərinə də qaz çəkiblər. Pulsuz-parasız yandırırlar və o evlərdə gələcəkdə sizinlə vuruşacaq erməni əsgərləri böyüdürlər. Bu dünya sizin qədər humanist bir millət görməyib, görməyəcək də.

Daha nələrə ağladığımızı deməyə dilim gəlmir.

Kəsərlər…

 

 

 

MÜƏLLİFİN DİGƏR YAZILARI
Növbəti həftələrdə ənənəvi tədris tam bərpa oluna bilər - Nazir 2 Dekabr 2021, 13:18 Prezidentin köməkçisi helikopter qəzasından DANIŞDI 2 Dekabr 2021, 13:14 ATƏT xarici işlər nazirlərinin iclası başladı 2 Dekabr 2021, 13:09 Fuad Muradov Britaniyada səfərdədir 2 Dekabr 2021, 13:04 Bu dövlət qurumlarına yeni səlahiyyət VERİLDİ 2 Dekabr 2021, 13:00 AFFA millinin baş məşqçisi De Byazi barədə QƏRAR VERDİ 2 Dekabr 2021, 12:54 Son 1 həftədə yol qəzalarında 14 nəfər ölüb 2 Dekabr 2021, 12:48 Rusiyada 1221 nəfər virus qurbanı oldu 2 Dekabr 2021, 12:43 Qarabağın azad olunması hər kəsdə özünəinam yaratdı - Nobel mükafatçısı 2 Dekabr 2021, 12:38 “Walt Disney”ə ilk dəfə qadın rəhbərlik edəcək 2 Dekabr 2021, 12:34 Belarus və Rusiya Ukrayna sərhədində təlimlər keçirəcək 2 Dekabr 2021, 12:31 İlham Əliyev ərəb Şeyxini TƏBRİK ETDİ 2 Dekabr 2021, 12:27 Noyabrda 9 nəfər mina qurbanı olub - FAKTLAR 2 Dekabr 2021, 12:25 Sabahın hava proqnozu 2 Dekabr 2021, 12:20 Metroda telefon oğurladı - TUTULDU 2 Dekabr 2021, 12:16 İcra hakimiyyətlərinin ləğvi gündəmdə - Cəmi 14 regional icra başçısı ola bilər - SİYAHI 2 Dekabr 2021, 12:11 İcra başçısı şəhidin evində 2 Dekabr 2021, 12:07 Diaspor nümayəndələrinin Şuşaya növbəti səfəri  2 Dekabr 2021, 12:03 Saakaşvilinin məhkəməsi keçirilir 2 Dekabr 2021, 12:00 Xocavənddə ermənilərin atıb qaçdığı silah-sursat aşkarlandı 2 Dekabr 2021, 11:57 Hikmət Hacıyev: “Azərbaycan bölgənin geosiyasi mənzərəsini dəyişdi” 2 Dekabr 2021, 11:53 ABŞ Dövlət katibi Lavrovla görüşəcək 2 Dekabr 2021, 11:50 2022-ci ilin bayram GÜNLƏRİ açıqlandı 2 Dekabr 2021, 11:45 Üçtərəfli işçi qrup yenidən görüşəcək 2 Dekabr 2021, 11:40 Ermənistandan qənimət götürdüyümüz texnikalar ordumuzun istifadəsinə verilib 2 Dekabr 2021, 11:34 Distant təhsil real təhsili əvəz edə bilmir - Nazirdən etiraf 2 Dekabr 2021, 11:28 Ermənistanda YOLUXMA 2 Dekabr 2021, 11:22 Şəhid pilot Beyləqanda dəfn edilir - FOTO 2 Dekabr 2021, 11:18 30 il UNESCO-dan rəy gözlədik - Prezidentin köməkçisi 2 Dekabr 2021, 11:13 Kamran Əliyev Ukraynadadı 2 Dekabr 2021, 11:10 Türkiyədə 6 PKK-çı saxlanıldı 2 Dekabr 2021, 11:08 Bakıda Tərəfdaşlar Forumu keçirilir 2 Dekabr 2021, 11:05 Piyadanı vuran avtomobil “AA” seriyalı deyil – RƏSMİ 2 Dekabr 2021, 11:02 Mətbuat Şurası jurnalistə güc tətbiq edən DSX mayoru ilə bağlı BƏYANAT YAYDI 2 Dekabr 2021, 11:00 “Azəriqaz”da jurnalistlər üçün “Açıq qapı” 2 Dekabr 2021, 10:57
SORĞU Kommunal xərciniz ən çox hansı xidmətə gedir?