6 Fevral 2018, 15:35 | Ana Səhifə - Yazılar - Növbədənkənar seçkidə İlham Əliyevin real rəqibi kimdir…
Növbədənkənar seçkidə İlham Əliyevin real rəqibi kimdir…

Sahib Alıyev,
Milli Məclisin deputatı

Növbədənkənar Prezident seçkisiylə bağlı xəbəri dünən Tərtərdə ötən ilin yekunları və qarşıda duran vəzifələrə həsr edilən hesabat yığıncağında eşitdim. Hesabat başa çatandan sonra saytlara, eləcə də sosial şəbəkəyə diqqət yetirəndə artıq saysız-hesabsız şərhlərlə rastlaşdım ki, bunun da əksəriyyəti insayder informasiyası olmadan, sadəcə zənn etmələr və fəhmə dayanılaraq irəli sürülən versiyalar idi. Belə versiyalarda isə ancaq onları irəli sürənlərin özləri haqda müəyyən informasiya olur, başqa heç nə. 

Artıq Azərbaycan Prezidentinin İctimai-siyasi məsələlər üzrə köməkçisi Əli Həsənovun bu haqda açıqlaması var. Birincisi, cənab Həsənov "“Növbədənkənar Azərbaycan Respublikası Prezidenti seçkilərinin elan edilməsi haqqında” Sərəncamda nəzərdə tutulmuş məsələlər Konstitusiyanın və ölkə qanunvericiliyinin tələblərinə tam uyğundur", -deyir ki, bu, məhz belədir. Prezidentin İctimai-siyasi məsələlər üzrə köməkçisi ardınca da dünya təcrübəsinə dayanaraq, Azərbaycanda da seçkilərin ilin müxtəlif fəsillərində keçirilməsinin daha məqsədəuyğun olduğunu bildirir. Doğrudan da, bizdə seçkilərin keçirilməsi ardıcıllığı və zamanıyla bağlı müəyyən düzəlişlər edilməliydi və bu yöndə də ilk addım 2016-cı ilin sentyabrında keçirilən refendumla atıldı. 

Refendumda Konstitusiyanın 101-ci maddəsinə dəyişiklik edilərək, prezidentlik müddəti 5 ildən 7 ilə kimi uzadıldı ki, bununla da 5 ildə 3 müxtəlif seçki keçirmək kimi bir hal aradan qaldırıldı. Əlbəttə, o zaman keçirilən referendum təkcə bu məqsədə xidmət etmirdi. Və ümumiyyətlə, böyük dövlətlər kimi təcrübəli dövlət adamları da hər hansı mühüm addımı bir neçə hədəfə birdən çatılmasını nəzərə alaraq atırlar. Biz cənab İlham Əliyevin atdığı bir sıra addımlarda da bunu görmüşük. İndi də bu qəbildən olan bir addımın atıldığı heç şübhəsizdir. 

Bəli, Əli Həsənovun da qeyd etdiyi kimi, bu il ölkəmizdə bir sıra mühüm, eyni zamanda da beynəlxalq səviyyəli tədbirlərin keçiriləcəyi gözlənilir. Bundan başqa, 2025-ci ildə həm Prezident, həm də parlament seçkilərinin eyni vaxtda, hətta eyni ayda keçirilməsi kimi bir reallıqla üzləşmək ehtimalımız vardı. Bunun müəyyən çətinliklər yaradacağı isə hər kəsə aydındır. 

Belədə istər-istəməz ya Prezident, ya da parlament seçkisinin vaxtını dəyişmək lazım gələcəkdi. 2016-ci il referendumunda dövlət başçısının səlahiyyət müddətinin 5 ildən 7 ilə uzadılmasının ona növbədənkənar Prezident seçkisini elan etmək hüququ tanıdığını nəzərə alan cənab İlham Əliyev məhz birinci varianta üstünlük verdi və belə bir addımı indi atdı. 
Bununla da belə demək mümkünsə, əslində 2013-cü ildə keçirilən seçkinin nəticəsində qazandığı prezidenlik səlahiyyətinin vaxtını yarım il azaltdı. Niyə, nə üçün? Təkcə yuxarıda sadaladığımız səbəblər üzündənmi? Zənnimcə, yox.

Səbəb daha nə ola bilər? Burada ilk növbədə rəqibləri zərərsizləşdirmək versiyası ortaya atılır. Bu, mümkündür. Ancaq “rəqib” deyəndə mən içi həbsdəki bəlli şəxslər qarışıq ölkədəki çoxsaylı müxalifətçi dərnək başçılarını və digər bosları nəzərdə tutmuram. Hazırda elə bir reallıq var ki, nə onlar, nə də bu ölkədə prezidenlik arzusundakıların heç biri cənab İlham Əliyev üçün rəqib deyillər və ola da bilməzlər.
Niyə ola bilməzlər? Müxtəlif faktlar və arqumentlər gətirmək olar. Mən çox vaxt almadan sadəcə birinin, açıq dənizə çıxışı olmayan Azərbaycanın nəinki regionda, bütövlükdə materikdə nəqliyyat qovşağına çevirilməsinin üzərində dayanacam. 

Coğrafiyaya, coğrafiyadan da çox geosiyasi reallıqlara rəğmən bu reallaşdırıldı. Söhbət o layihədən gedir ki, yəqin xatırlayırsınız, qərbdəkilər Azərbaycan bu haqda təşəbbüslə çıxış etdikdə yumşaq desək, heç də onu dəstəkləmədilər. Təkcə ona görə yox ki, Bakı-Tbilisi-Qars dəmir yolu layihəsinin reallaşdırılması bölgəmizdəki bəzi böyük qonşularımız kimi onların da havadarlıq və himayədarlıq etdikləri Ermənistanı tam təcrid vəziyyətində saxlayacaqdı. Həm də və daha çox ona görə ki, bundan sonra ökləmizin müstəqil siyasət yeritmək potensialı bir az da artırdı. Bunu da cənab Prezidentin özünün də dəfələrlə vurğuladığı kimi, nə onlar, nə də digər böyük dövlətlər elə də asanlıqla həzm etmirlər. 

Bu bir yana, "Bakı-Tbilis-Qars"ın çəkilməsi, açığını demək gərəkirsə, regionun iki böyük dövləti Rusiya və İranın əleyhinə yönəlmiş bir addım kimi qiymətləndirilir və başlanığıcda hər ikisindəki bəlli çevrələrdə də möhkəm qıcıq doğururdu. 

Bəs nə baş verdi? Azərbaycan Prezidenti düşünülmüş, dəqiqi hesablanmış addımlarıyla hər iki potensial əleyhdarı ölkəmizin regionun nəqliyyat qovşağının olmasının tərəfdarına çevirdi.

Baxın, biz indi elə bir dövrdə yaşayırıq ki, hətta yüz illər dövlətçilk təcrübəsi olan böyük ökkələrin liderləri belə digərləri tərəfindən aldandıqlarını deyirlər. Məsələn, biriləri bildirir ki, qərbdə onları aldadıblar, soyuq savaşa son, Almaniyanın birləşməsinə razılıq qarşılığında NATO-nun şərqə genişənməsinə getməyəcəklərini desələr də, buna əməl etməyiblər. Bilirsiniz, adama deyərlər ağlınız vardı aldanmayaydınız. Dövlətin başında duran şəxsin belə bir perspektivlə üzləşəcəyini bilməməsi, görməməsi onun aldadanlardan çox özünün suçudur. 

Bunu nəyə görə deyirəm, həmən qərbdəkilər bizə tutaq ki, qonşu İrana qarşı plasdarm olmamız üçün müəyyən şirnikləşdirici təkliflər verir, yaxud da təzyiqlər etmirdilərmi? Yenə də eyni metodlara əl ataraq Rusiyaya qarşı bəzi geosiyasi avantüralara qoşulmamızı istəmidirlərmi? İstəyirdilər və belə cəhdlər indi də davam edir. Azərbaycan buna getsə idi, İranla Rusiya hətta özlərinin tranzit ölkə olaraq maralaqlarına qarşı yönəlmədiyi halda belə, bilə-bilə ki, atılan bu addım çox sıx əlaqə qurduqları Ermənistanın daha da təcrid edilməsinə yönəlir, Şimal-Cənub dəhlizinin məhz bizim ölkədən keçməsinə razılıq verəcəkdilərmi? Bu bir yana, Azərbaycanda indiki əmin-amanlıq olacaqdımı? İndi bu suallar ritorik görünür deyilmi?

Əgər cənab İlham Əliyevin yerinə Azərbaycanda Prezident postuna açıq və ya gizli iddialılar arasından hər hansı biri olsaydı, o, dövrümüzün ən böyük geosiyasi və geoiqtisadi önəm daşıyan bu addımı ata bilcəkdimi? Təbii ki, yox.
Bunun üçün gərək İlham Əliev kimi böyük dünyagörüşün, böyük təcrübən, böyük iradən, böyük səbrin və genində genini daşıdığın Böyük Müəllimin olmuş olsun. 

O üzdən də bir daha vurğulayıram ki, İlham Əliyev kimi liderin hər hansı müxalifətçi dərnək rəhbərindən çəkinərək növbədənkənar Prezident seçkisi keçirdiyini demək üçün ya həddən artıq qərəzli, ya da ağılsız olmalısan. 

Belə bir versiya irəli sürmək təqribən ona bənzəyir ki, deyəsən apreldə Ermənistanda keçirilən seçki başa çatan kimi Qarabağ probleminin həllinə start verilir, Sərkisyan bunun qarşılığında özünün törətdiyi cinayətlərin bağışlanmasını, keçmişdəki kimi Azərbaycan vətəndaşı olmasını və oktyabrda öz namizədliyinin də irəli sürülməsini istəyib. Ona belə bir şans verilərsə, güclü rəqibə çevriləcəyi nəzərə alınaraq secki oktyabrda deyil, məhz indi keçirilir. Cəfəngiyyatdır, deyilmi? Bəli, ancaq bax o versiyalar da təqribən eyni qəbildəndir.

Amma bayaq dediyimizi təkrarlayırıq ki, cənab İlham Əliyev heç də rəqibsiz deyil. Və seçkinin vaxtının irəli çəkilməsində bir çox məsələlər kimi, həm də daha çox gərginlik yaranmasına yol açmadan bu rəqibin zərərsizləşdirlməsi, hansısa bir məkrli planın qarşısının alınması da gözdən keçirilə bilər. 

Biz dəflələrlə görmüşük ki, bu rəqib hər hansı bir məqsədinə çatmaq, ən azından müəyyən güzəştlər qoparmaq üçün daha çox məhz seçki dönəmlərindən faydalanmağa cəhd edir. 

Kimdir həmən rəqib? O, nə şəxsdir, nə dövlət. Çoxbaşlı, çoxsifətli, çoxqiyafəli, çoxüzlü, çoxcoğrafiyalıdır- ilk baxışda mücərrəddir, ancaq mücərrəd olduğu qədər də təhlükəlidir bu “rəqib” dediyimiz. Onun adına qlobal, hegemon, dominant meyil və siyasət də deyə bilərik. Elə bir meyil və siyasət ki, onu yeridənlər dövlətlərin başında əsl Liderlərin dayanmasını arzulamır, milli maraqlarından çıxış edən ölkələrin bir çoxu kimi Azərbaycanın da uğurlarını, müstəqilliyini gözü götürmür, atdığı iddialı və təşəbbüskar addımlardan qıcıqlanır, dörd bir tərəfə səpdikləri xaos toxumunun burada da cücərməsinə çalışırlar. 

Bəli, ola bilər ki, belə bir təhlükəli rəqibin zərərsizləşdirilməsinin bir yolu da dediyimiz kimi seçkinin vaxtında təşkilindən və təbii ki, düzgün seçim etməkdən keçir. Seçkinin vaxtı artıq dəqiqdir. Elə Seçim özü də!

Yaponiya silkələndi 19 Sentyabr 2021, 17:02 Ötən gün peyvənd olunanların sayı - STATİSTİKA 19 Sentyabr 2021, 16:50 Azərbaycanda yoluxanların sayı açıqlandı 19 Sentyabr 2021, 16:38 Somalidə hava limanı partladıldı 19 Sentyabr 2021, 16:25 Şəhid övladı Şuşada ad gününü qeyd etdi 19 Sentyabr 2021, 16:11 ABŞ-da qızılın qiyməti rekord vurdu 19 Sentyabr 2021, 16:01 İrandan Zəngəzurda həbs olunan sürücülərlə bağlı AÇIQLAMA 19 Sentyabr 2021, 15:49 Türk ordusu daha 10 terrorçunu məhv etdi 19 Sentyabr 2021, 15:39 Baydendən Makrona söhbət təklifi 19 Sentyabr 2021, 15:26 Rusiyada parlament seçkilərinin seçici statistikası 19 Sentyabr 2021, 15:15 Dövlət qulluğuna qəbul üçün test imtahanı başa çatdı 19 Sentyabr 2021, 15:07 Tennisçimiz beynəlxalq turnirin qalibi oldu 19 Sentyabr 2021, 14:51 Ərdoğan Zəngəzur dəhlizindən danışdı: "...Çətinlik aradan qalxacaq" 19 Sentyabr 2021, 14:38 Ərdoğan Paşinyanın görüş istəyinə belə CAVAB VERDİ 19 Sentyabr 2021, 14:24 Misirdə fironlara aid ayin alətləri tapıldı 19 Sentyabr 2021, 14:21 Deputatdan işğaldan azad olunmuş ərazilərdə abidə TƏKLİFİ 19 Sentyabr 2021, 13:59 Çempionlar Liqasında yer almayan ən bahalı futbolçular - SİYAHI 19 Sentyabr 2021, 13:45 ABŞ-ın baş infeksionisti pandemiyanın bitəcəyi tarixdən danışdı 19 Sentyabr 2021, 13:34 Berlində Almaniya azərbaycanlıları ilə görüş olub 19 Sentyabr 2021, 13:25 Qanunsuz sərnişin daşıyanlar cərimələndi - FOTOLAR 19 Sentyabr 2021, 13:25 Samux sakini yıxılaraq öldü 19 Sentyabr 2021, 13:15 Gorus-Qafan yolunda iki erməni İTİB 19 Sentyabr 2021, 13:12 Deputat şəhid ailələrini ziyarət etdi - FOTOLAR 19 Sentyabr 2021, 13:05 “Mossad” iranlı nüvə alimini robot-pulemyotla güllələyib 19 Sentyabr 2021, 12:59 Koronavirusa yoluxan cərrah reanimasiyaya yerləşdirildi 19 Sentyabr 2021, 12:51 Hindistanda koronavirusdan ölüm sayı yarım milyona çatdı 19 Sentyabr 2021, 12:49 Qaradağda gənc oğlan bıçaqlandı 19 Sentyabr 2021, 12:37 Paşinyanı ələ saldılar: “Ermənistanın selfi çempionu”... 19 Sentyabr 2021, 12:35 ABŞ dünya ölkələrinə 500 milyon doz "Pfizer" paylayacaq 19 Sentyabr 2021, 12:28 Tehran: "Qonşu ölkələrin ərazi bütövlüyü hər şeydən üstündür" 19 Sentyabr 2021, 12:20 Sabahın havası: bir külək əsəcək ki... 19 Sentyabr 2021, 12:12 Cəlilabadda qədim məzarlıq aşkarlandı 19 Sentyabr 2021, 12:08 Azərbaycanlı qadınlar bir ildə bu qədər aborta gediblər - Aralarında 15-17 yaşı olanlar da var 19 Sentyabr 2021, 12:01 Şuşa ETÜDLƏRİ 19 Sentyabr 2021, 12:00 Gürcüstanda koronavirusdan ölənlərin sayı artdı 19 Sentyabr 2021, 11:43
SORĞU Hansı vaksinə etibar edirsiniz?