25Fervral | Ana Səhifə - Yazılar - “Böyüməyən uşaqlar” – Ermənistana sillə kimi CAVAB
“Böyüməyən uşaqlar” – Ermənistana sillə kimi CAVAB

Namidə BİNGÖL

 

Ermənistan hakimiyyəti quruda can verən balığa bənzəyir. Qarabağlı olmayan erməni əsgərləri Qarabağ uğrunda ölür. Rəsmi İrəvan isə beynəlxalq sənədləri təhrif etməklə erməni xalqının ölən ümidlərinə can verməyə çalışır.

 

Həftənin hesabatını təqdim edirəm.

 

Ölkədə seçki ab-havası davam edir. Namizədliyi qeydə alınanlar imzatoplama kampaniyasına başlayıb. Yeni namizədlərin də sayı artır.

Türkiyənin Afrində başladığı “Zeytun budağı” əməliyyatı davam edir. Türkiyə Silahlı Qüvvələri bu günə kimi 2018 terrorçunu zərərsizləşdirib.

Gürcüstanın sabiq prezidenti Saakaşvilinin oyunları hələ də davam etməkdədir. Sonluq hər kəsə çox maraqlıdır.

 

Ermənistanın xarici işlər naziri elə düşünür ki….

 

Yola saldığımız həftəyə hansı prizmadan yanaşmaq istəsək də, Xocalı həftəsi olduğunu unuda bilməzdik. Çünki Xocalı dəhşətlərini yaşayan şahidlər üçün fevral ayı həmişə qan ağlayır. Hətta, fevralda çalınan vağzalıya qol qaldıra bilməyənlərin gözlərinə baxmağa cəsarətimiz belə çatmır.

 

Faciənin 26-cı ildönümü ərəfəsində acılarını o günkü kimi xatırlayanlardan  fərqli olaraq Ermənistan hakimiyyəti real faktları, beynəlxalq hüquq normalarını təhrif etməyə çalışır. Belə ki, cinayətkar rəhbərlik növbəti hədyan açıqlamaları ilə aranı qatmaq həvəsinə düşüb. Ermənistanın xarici işlər naziri Eduard Nalbadyan Avropa Parlamentində Dağlıq Qarabağla bağlı özlərinə sərf edən şəkildə  danışıb. Bir halda ki, işğalçı ölkənin başında Xocalı faciəsinin təqsirkarları oturub, deməli, onların komandasında təmsil olunanlardan  beynəlxalq normalara zidd açıqlamalar eşitmək məcburiyyətində qalacağıq.

 

Onsuz da Ermənistan rəhbərliyi sərsəm açıqlamaları ilə yaddaşlarda qalıb. Bu dəfəki açıqlamaların mərkəzində qisasçılıq dayanır. Yəni siz tarixi torpaqlarınız olan İrəvana, Göyçəyə qayıtmaq barədə düşünürsüzsə, o zaman bizim də danışmağa sözümüz var. Əslində, Ermənistan hakimiyyəti üçün danışmağa sözün olması anlamı,digər xalqlara məxsus olan dəyərlərə sahiblənmək müqəddəratı üzərində həll olunur. Tarixdən bu yana qonşu xalqların ərazi bütövlüyünə göz dikə-dikə Cənubi Qafqazda dövlət kimi formalaşan Ermənistan üçün kritik günlər mütləq var. Məsələn, Nalbandyanın Avropa Parlamentindəki çıxışı Xocalı həftəsinə təsadüf edirdi. Digər tərəfdən Azərbaycan prezidentinin qətiyyətli torpaq açıqlaması düşmənin narahatlığını soyutmayıb. Bir qədər də irəli getsək, aprelin 11-dəprezident seçkilərinin keçirilməsi rəsmi İrəvanın təlatümlərin içində sıxılmasına dair fikirlərin aktual olduğunu ortaya qoyur.

 

Rəsmi İrəvan elə düşünür ki, 26 illik Xocalı faciəsi beynəlxalq arenada hüquqi mahiyyətini, Azərbaycanda isə mənəvi bağlılığını itirmək üzrədir. Yenə də rəsmi İrəvan unudur ki, Xocalı faciəsi yaxın tarixin soyqırımı siyasətidir. Hansı tərəfdən proseslərə çirkli əllərini salıb bulamaq istəsələr, mütləq damğalanacaqlar. Xocalıdan olan şahidlərin hafizəsi qocalmayıb. Onların yaşadıqları dəhşətlər heç vaxt unudulmayacaq.

 

İndi Ermənistan hakimiyyəti beynəlxalq hüquq normalarını təhrif etməklə kimi aldadacağını düşünür?!  Azərbaycanın ərazi bütövlüyü bərpa olunmayınca, faciənin miqyası hər dəqiqə bir az da genişlənəcək. Bu baxımdan da Azərbaycanın Dağlıq Qarabağla bağlı hər addımı rəsmi İrəvanı narahat duruma salır. Beləliklə,  siyasi-iqtisadi blokadaya məruz qalan Ermənistan üstəlik özünü uçuruma aparmaqla məşğuldur. Hər halda, Azərbaycanın iştirakı ilə həyata keçirilən beynəlxalq iqtisadi layihələrdən kənarda qalan Ermənistan məsələnin detallarını araşdırır. Sadəcə, günahkar olduğunu qəbul edə bilmir.

 

Bu arada Azərbaycan  Xarici İşlər Nazirliyi Nalbadyanın cəfəng iddialarına tutarlı cavab verib.

“Biz yenə də Ermənistan xarici işlər nazirini beynəlxalq hüquq və Helsinki Yekun Aktı barəsində maarifləndirmək məcburiyyətindəyik. Ermənistan nəhayət, başa düşməlidir ki, Azərbaycan ərazisinin hərbi işğalı münaqişənin həlli deyil və heç vaxt Ermənistanın arzuladığı siyasi nəticəni verməyəcəkdir. Münaqişənin həlli yalnız və yalnız Azərbaycanın beynəlxalq səviyyədə tanınmış sərhədləri çərçivəsində suverenliyi və ərazi bütövlüyü əsasında mümkündür”.

 

Azərbaycan hakimiyyəti Dağlıq Qarabağın geri qaytarılması ilə bağlı lazımi addımlarını atmaqda davam edir. Xocalı soyqırımı faciəsi dünya parlamentlərinin bir çoxunda tanınıb və bu iş davam etdirilir. Fevralın 22-də Bosniya və Herseqovinanın Sarayevo şəhərində Xocalıda hər iki valideynini itirən gənclərdən Murad Hüseynov və Səbinə Məhərrəmova Srebrenitsa soyqırımı zamanı hər iki valideynini itirən şəxslərlə görüşüb. Görüş Parlament Jurnalistləri Birliyinin sədri Elşad Eyvazlının boşnak dilinə tərcümə edilən “Böyüməyən uşaqlar”  kitabının təqdimatı zamanı baş tutub. 

 

Əslində, bu kitab erməni vəhşiliyini şahidlərin dilindən təqdim edir. Muradın, Səbinənin, Mehtinin və digər “25-lər”in gözlərində erməni vəhşilikləri iri şriftlərlə yazılıb. Amma Ermənistan hakimiyyətinin təmsilçisi Nalbandyan  Ermənistanın xarici işlər naziri ola-ola bu faktları görə bilmir. İş beynəlxalq hüquq normalarının təhrif edilməsinə gəlincə, gözünü dünyaya dörd açır. Ona görə ki, Xocalı şahidləri, hər iki valideynini itirmiş “25-lər” yaşadıqca Nalbandyankimilər beynəlxalq hüququn prinsiplərini pozmağa cəhd edəcəklər.

 

Üstəlik, ortada hər gün ölən erməni əsgərinin cəsədinə tamaşa etmək də var. Ermənistan xalqı hakimiyyətdən itkilərinin hesabını soruşur. Başını itirən Ermənistan rəhbərliyi hər mənada gözdən pərdə asmağa çalışır. Dağlıq Qarabağ münaqişəsinin hər gün bir az uzanması Ermənistana əlavə xal qazandırmır. Sadəcə, böyük xal fərqilə uduzur. Vəssalam!

Azərbaycana Qarabağda antiterror əməliyyatı aparmağa nə MANE OLUR… 16 Oktyabr 2019, 08:46 Jurnalistlərin axtardığı yaxşı sosioloqlar 10 nəfərə belə çatmır - ADLAR 16 Oktyabr 2019, 08:29 Azərbaycanda qadınlarının doğuşunu izləmək istəyən kişilər az deyilmiş 16 Oktyabr 2019, 08:18 Avro-2020nin seçmə mərhələsində 8-ci tur yekunlaşdı - NƏTİCƏLƏR 16 Oktyabr 2019, 08:05 Daha bir ölkə Türkiyəyə silah satışını dayandırdı 16 Oktyabr 2019, 00:34 Paşinyan Qarabağı geri qaytarmağa hazırdır - Generaldan şok açıqlama 16 Oktyabr 2019, 00:21 Suriyada 611 terrorçu məhv edilib 16 Oktyabr 2019, 00:04 Bakıda qadınlar arasında əlbəyaxa dava  15 Oktyabr 2019, 23:49 Dünya çempionatında 7 medal qazanan cüdoçular vətənə qayıdıblar 15 Oktyabr 2019, 23:30 Zəngəzurun Ermənistana verilməsi... 15 Oktyabr 2019, 23:16 Koreya rəsmisi Azərbaycana gəldi 15 Oktyabr 2019, 22:59 Bakıda marşrut avtobusu piyada qadını vurdu 15 Oktyabr 2019, 22:38 Nazir Avropa İttifaqı ilə əməkdaşlığı müzakirə etdi 15 Oktyabr 2019, 22:23 Gürcüstanda zəlzələ oldu 15 Oktyabr 2019, 22:04 Azərbaycan - İsveçrə oyununda yanğın 15 Oktyabr 2019, 21:44 Türkiyə ordusu Suriyada iki şəhid verdi - FOTO 15 Oktyabr 2019, 21:29 Leyla Əliyeva görkəmli şair Andrey Dementiyevin xatirəsinə həsr edilən tədbirdə - FOTO 15 Oktyabr 2019, 21:12 Ramil Usubov təhlükəsizlik məsələlərini müzakirə etdi 15 Oktyabr 2019, 20:57 Azay Quliyev seçicilərini qəbul edib - FOTO 15 Oktyabr 2019, 20:43 Prezident 2019-cu ilin 9 ayının sosial-iqtisadi yekunları ilə bağlı müşavirə keçirdi 15 Oktyabr 2019, 20:28 Hərbi helikopter qəzaya uğrayıb 15 Oktyabr 2019, 20:15 Yasamalda ağac qırılıb avtobus dayanacağına düşdü: Yaralılar var 15 Oktyabr 2019, 20:02 Azərbaycan millisi San Marinonu məğlub edib 15 Oktyabr 2019, 19:52 Azərbaycan Rusiyaya NOTA verib 15 Oktyabr 2019, 19:20 Nəsimidə ikimərtəbəli ev yanıb 15 Oktyabr 2019, 19:03 Rövşən Rzayev vətəndaşları qəbul etdi 15 Oktyabr 2019, 18:59 Ceyhun Bayramov dünya çempionu olan məktəbli ilə görüşüb 15 Oktyabr 2019, 18:57 Əli Əhmədov: “Bu günə qədər 300 minə qədər köçkün mənzillə təmin olunub” 15 Oktyabr 2019, 18:46 Deputat: “Bu görüş tarixi əhəmiyyətə malikdir” 15 Oktyabr 2019, 18:43 ƏDV nə zaman qaytarılacaq? - RƏSMİ 15 Oktyabr 2019, 18:33 Ərdoğan Bakıdan getdi - FOTO 15 Oktyabr 2019, 18:19 Ərdoğanın “bir millət, altı dövlət” fikri alqışlandı: “Qardaşların bir arada olması hamını güclü edər” 15 Oktyabr 2019, 18:09 “Volkswagen” Türkiyədə avtomobil zavodunun tikintisindən imtina etdi 15 Oktyabr 2019, 17:48 Bir neçə məktəb direktorunun işi məhkəmədədir” - Nazir müavini 15 Oktyabr 2019, 17:45 Azərbaycanın kəndli qadınları - 15 oktyabr onların GÜNÜDÜR 15 Oktyabr 2019, 17:40