17 May 2018, 12:43 | Ana Səhifə - Yazılar - Şahlara məktub yazdım
Şahlara məktub yazdım

Hidayət Elvüsal

 

Dünyanın işini bilmək olmur, qarldaşım. Sabah nə olacağı məlum deyil. Sənə bir məktub da yazmaq ehtiyacı duydum. Bilirəm ki, çatacaq.

Yəqin yenə o dağlara bahar gəlib, Şahlar. Oralarda ilk çiçəukləyən zoğal ağaclarıdır. Bənövşələr kol dibində  küskün-küskün, boynubükük gizləniblər. Birazdan maralçiçəkləri Kəlbəcərə tərəf boylanacaq. Qonaqsız-qarasız bulaqlar bir ayrılıq nəğməsini gecə-gündüz, dönə-dönə oxuyacaq. Tərtərin, Tutqunun səsi qayalara əks-səda verəcək. Düşmən hənirtisindən ürkən quşlar göylərdə qanad açacaq.

Deyirlər daha qartallar göy üzündə görünmürlər. Neynəsinlər? Onların  da qüruru sınıb. Məğrur, yenilməz görkəmləri ilə kimin gözləri önünlə öyünsünlər?

Darıxırsan bilirəm. Yenə bahar gəlib o dağlara, biz gəlməmişik. Libasını dəyişən çəmənlərdə gəzib-dolaşanımız yoxdur. Buralarda fəsillər insanların geyüim-geçimində dəyişir, Şahlar. Buralar o dağlar kimi fəsillənmir, ayı-günü xəbər vermir. Göylərə baxırsanmı? O dağtlarda ulduzlar daha parlaq, daha gözəl, daha romantik bir biçimdədir. Buralarda beş-altı ulduzu güc-bəla tapıb baxırsan. Oralardakı ulduzlar yanır, qərq vurur, buralarda sönür onlar solur, sozalır.

Məzarın üstündə güllər bitibmi? Bilirəm ki, var. Arzuların qədər təmiz, gözəl, ilahi güllər. Həm də dağ gülləri, dağ çiçəkləri. Ətirli, təmiz, boy-buxunlu, lap özün kimi. Buralardakı gül-çiçyin ətri olmur, görkəmi olur. Yalançı, süni görkəmi.

Elə toylarımızda da bu güllər görünür. Süni, dərmanlı, yalançı güllər. Yadımdadır, o zaman qohumlardan biri oğlunu nişanldadı. Və dedi ki, inşallah, toyunu Kəlbəcərdə eləyəcəyik.  İndi həmin oğlanın da oğlu var. Yəqin o da fikirləşir ki, oğlunun toyunu Kəlbəcərdə edəcək.

Bizim toylarımız yadındamı? Təbii, şux, dəbdəbəli. Buralarda da arabir gedirəm toylara. Bu toylarda sanki protokol hazırlanır, iclasa bənzəyir.

Səni həmişə xatırlayırıq. Səni də Sərdarı da unutmuruq. Siz bu ölkənin Milli Qəhrəmanlarısınız. Biz kimik? Oturub-duranda, söz alıb danışanda ağızdolusu «Qarabağ bizimdir!» - deyib alqış qazanırıq. Biz vuruşmuruq, danışırıq. Biz sizin kim  qəhrəman ola bilmirik . Biz düşmən gülləsinin qəzəbini ürəyimizdə soyutmağı bacarmırıq. Sizə bənzəmirik, qardaşım! Çünki biz qəhrəman deyilik. «Torpağımızı qaytaraq!»dan çox, «Torpağımızı qaytarsınlar!» deyirik. Kim qaytarsın? ATƏT, BMT, kim axı?

Amma dərslərini Aprel döyüşlərində vermişik, Şahlar. Sən də oradaydın. Görürsənmi, bəzən inamla, ümidlə danışırıq.

Yaşlanmışam, qardaşım! Ömrüm çatacaqmı deyə düşünürəm. Amma təsəllim də var. Heç olmasa ruhumuz görüşəcək. Həm də oralarda, o uca, gözəl dağlarda. Tədbirlərdə, məclislərdə arabir qardaşlarını görürəm – Malik həkimi, Adil həkimi. Ləyaqətlə yaşayırlar – atanız Əvəz Şükürov kimi! Elə bacılar da.

Dədə Şəmşir yadigarı Çimnaz bacını da xatırladım. O qanlı hadisədə o da həlak olmuşdu. Vətən namusu, qadın namusu sənin üçün ən ümdə hisslər idi. Mən o döyüşün şahidi olmamışam. Amma sənin məhz «qadınlarımız namusumuzdur» üsyanı ilə döyüşə atıldığını təsəvvür edirəm. Çünki səni tanıyıram. Dəfələrlə görüşüb söhbət etmişik. Yeyib-içib, ötənləri xatırlayıb, gələcəkdən danışmışıq. Həmişə qarşımda Əvəz kişiyə layiq bir oğul, bir igid, bir zabit görmüşəm.

Hə, qardaşım, səni heç unutmuruq. Bax, yenə bir yerə yığışıb yad elədik.  Bilirəm küskünsən, darıxırsan, o məğrur dağlarla, yalçın qayalarla, dəlisov qayalarla bölüş dərdini. Gəcəyik! Mütləq gələcəyik!

Bəlkə mənim ruhum özümdən qabaq gəldi. Görüşərik, darıxma!

Biz gələnə kimi dağlar sənə əmanət!

 

MÜƏLLİFİN DİGƏR YAZILARI
Bakıda Formula 1 ilə bağlı tikinti işləri yekunlaşır 18 May 2021, 11:38 Qasparyan Koçaryanın tərəfinə keçdi 18 May 2021, 11:35 Kişinyovda Heydər Əliyevə həsr edilmiş tədbir keçirilib 18 May 2021, 11:29 Ləki-Qəbələ dəmir yolunun turizm üçün əhəmiyyəti nələrdi… 18 May 2021, 11:25 “Sputnik” agentliyi Azərbaycanla bağlı növbəti YALAN YAYDI - FOTOFAKT 18 May 2021, 11:24 İtkin düşən tələbə TAPILDI 18 May 2021, 11:18 Azərbaycanda 5 ulduzlu otellərə tələbat daha çoxdur 18 May 2021, 11:13 Azərbaycanlı jurnalist Ərəb mediasında ermənilərin məscidlərimizi təhqir etməsindən YAZDI 18 May 2021, 11:10 Belarusun müdafiə naziri Bakıya gəldi 18 May 2021, 11:06 Bakı-Qəbələ qatarı sənişinlərin istifadəsinə verilməyəcək 18 May 2021, 11:00 İşğaldan azad olunan ərazilərdə turizm marşrutları hazırlanır 18 May 2021, 10:54 Sonuncu buraxılış imtahanlarının nəticələri bu tarixdə AÇIQLANACAQ 18 May 2021, 10:48 Xırdalanda vaqon yanır 18 May 2021, 10:43 Azərbaycan ordusu bölgədə sülhün və təhlükəsizliyin qarantıdır 18 May 2021, 10:40 Stress pozuntularının aradan qaldırılması xaricdəki azərbaycanlı mütəxəssislərlə müzakirə edilib 18 May 2021, 10:35 “Mətbuat Dmanisidəki insidentlə bağlı informasiyalara diqqət etməlidir” - "Lider Media”nın rəhbəri 18 May 2021, 10:30 Bakıdan Qəbələyə ilk qatar yola düşdü 18 May 2021, 10:24 Qırğızıstan lideri Putinlə görüş üçün izolyasiya olundu 18 May 2021, 10:18 Bu gün “Avroviziya -2021”də Azərbaycan ifaçısı da ÇIXIŞ EDƏCƏK  18 May 2021, 10:12 Daha Laçının işğal gününü QEYD ETMİRİK - 28 illik həsrətə SON! 18 May 2021, 10:06 PUA-lar kəşfiyyat əməliyyatlarına cəlb olundu - VİDEO 18 May 2021, 10:00 Heydər Əliyev Fondu Goranboyda məktəb tikdirir 18 May 2021, 09:57 İlham Əliyev Co Baydenin müşaviri ilə sərhəd mübahisəsindən danışdı - Rəsmi MƏLUMAT 18 May 2021, 09:53 Saatlı sakini tüfəngini polisə təhvil verdi 18 May 2021, 09:48 Bakıda dizayneri tok vurub öldürdü 18 May 2021, 09:42 Səxavət Məmmədovun qardaşı vəfat etdi 18 May 2021, 09:36 Neft yenidən bahalaşdı 18 May 2021, 09:30 Manatın xarici valyutalara qarşı MƏZƏNNƏSİ 18 May 2021, 09:24 Bakıda və Xaçmazda mağaza YANDI 18 May 2021, 09:18 Türkiyədə terrorçular məhv EDİLDİ 18 May 2021, 09:12 “Eurovision-2021”Azərbaycanın səsverməsini onlar elan edəcək 18 May 2021, 09:06 Ərdoğandan Baydenə sərt mesaj - "Ermənilərin tərəfində oldunuz, indi də qanlı əllərinizlə tarix yazırsınız!" 18 May 2021, 09:00 ABŞ-ın milli təhlükəsizlik müşaviri Əliyevlə Paşinyana zəng etdi - Ağ Ev sərhəd mübahisəsindən narahatdır 18 May 2021, 08:55 Qadağalarla bağlı bir sıra məhdudiyyətlər götürüləcək - Deputat açıqladı 18 May 2021, 08:44 Hacıqabulda ağır qəza - 1 ölü, 3 yaralı 18 May 2021, 08:35