9 Avqust 2018, 21:11 | Ana Səhifə - Yazılar - Nəfəsimiz kəsilir
Nəfəsimiz kəsilir

Hidayət Elvüsal


Yox, istini demirik. İstiyə-soyuğa birtəhər dözmək olar. Söhbət doğrudan da nəfəsimizdən gedir.


Bakı böyüyür, gözəlləşir, göz oxşayır. Amma bəzi fürsətçilər bu gözəlliyə balta çalır, şəhərin ciyərlərini - ağaclarını doğrayıb-tökür. Artıq prezident də bu problemi vurğuladı. Ağaclıqları, parklardakı yaşıllıqları göz görə-görə məhv edən qulyabanılar var.


Neçə vaxtdır ki, telekanallarda da göstərirlər - təbiət düşmənləri açıq qətliama keçiblər. Ağacların dibinə hansısa kimyəvi maddə tökməklə onu qurutmaq, kəsilməsinə səbəb yaratmaq üçün gecələr bu naqis əməllərini həyata keçirirlər. Nə üçün? 5-10 manat qazanmaq üçün! Bunlar bizim, hamımızın, hətta öz uşaqlarının gələcəyini beləcə məhv edirlər. Şəhəri betona döndərmək, yaşıllıqlarda bir köşk, bir kafe, bir ticarət obyekti açmaq üçün dərindən-qabıqdan çıxırlar.


Əgər heç olmasa dənizə üz tutmaq, orada nəfəs almaq istəsək… Bu da müşküldür. Dənizin xeyli hissəsi sahil boyunca iri, hündür hasarlara alınıb. Bir neçə açıq yer var ki, oranı da… pullu eləyiblər. Ayaq basdınmı, xərac verməlisən. Elə bil gömrük postundan keçirsən. Qanuni, qanunsuz dəniz işbazlar tərəfindən əsir alınıb. Elə biz də. Nə biz Xəzərə yetişə bilirik, nə Xəzər bizə. Bir-birimizə həsrət qalmışıq.


Bu hələ harasıdır? Turistlərin, yəqin elə bizim də üz tutduğumuz meşələr də əlimizdən alınıb. Kimin kefi haranı istəyir, oranı qamarlayır və Allahın meşəsində bir hovur dincəlmək istəyəndən pul alırlar. Özü də yüksək məbləğdə. Qanunsuz olaraq. Quldurcasına, oğurluq yolla. Hamının gözü qarşısında.


Yəni polisin, sahə rəisinin, Ekologiya və Təbii Sərətlər Nazirliyinin ərazi üzrə əməkdaşlarının, bələdiyyənin, icra hakimiyyətin, prokurorun… gözləri qarşısında. Niyə dinmirlər? Yoxsa torbada pişik var? Yəqin ki, var. Yoxsa bu həyasızlığa, bu qanunsuzluğa nəyə görə göz yumurlar?


Bax belə! Nəfəsimiz kəsilir. Nəfəsimizi kəsirlər göz önündə, hamı baxa-baxa. Bir ciddi yanaşan, qarşısını alan yoxdur. Əgər yoxdursa o qədər idarə, təşkilat nəyə lazımdır? Nəyə görə onlar bizim ödədiyimiz vergilər hesabına yaranan büdcədən maaş almalıdırlar? Nəfəsimizi kəsmək üçün?


Bu yazı da heç kəsin qarşısını almayacaq. Amma biz sözümüzü deməliyik. Bu istilaçıları sözlə döyməliyik. Bir SOS siqnalı səslənməlidir ki, millətin nəfəsinin kəsildiyini eşitsinlər, bilsinlər.


Bax belə! Şəhərdə, dənizdə, meşələrdə… “xozeyinlər” peyda olub. Görmürsünüzmü, ay dövlət adamları?! Nəfəsiniz necə? Hələlik gəlib-gedir?


Elə isə dərindən nəfəs alın. Sabah hava olmaya bilər…

MÜƏLLİFİN DİGƏR YAZILARI
Qafqazda uzunmüddətli sülh üçün yeni fürsətlər yaranır - Çavuşoğlu 2 Dekabr 2021, 14:33 ATƏT PA sədri Ermənistan və Azərbaycana çağırış etdi 2 Dekabr 2021, 14:28 “SOCAR Petroleum”da yeni baş direktor TƏYİNATI 2 Dekabr 2021, 14:22 Bakcell abunəçiləri üçün “Asan İmza”nı SMS vasitəsilə yeniləmək imkanı 2 Dekabr 2021, 14:17 Nazirdən təhsil kreditləri ilə bağlı narazılıqlara CAVAB 2 Dekabr 2021, 14:12 “Bayraktar”lar havaya qaldırıldı - VİDEO 2 Dekabr 2021, 14:06 Azərbaycanda qəzalı vəziyyətdə olan məktəblərin sayı AÇIQLANDI 2 Dekabr 2021, 14:00 Narkokuryerə hökm oxundu 2 Dekabr 2021, 13:55 Elmar Məmmədyarov Rövnəq Abdullayevin yanına gəldi - FOTOLAR 2 Dekabr 2021, 13:50 Prezidentin köməkçisi Azərbaycan-Ermənistan sərhədindəki son vəziyyətdən DANIŞDI 2 Dekabr 2021, 13:45 “Dədə Ələsgər irsinə olan möhtərəm ehtiram” 2 Dekabr 2021, 13:40 Hikmət Hacıyevdən jurnalistlərə tövsiyə: “Ermənistan mediasına istinadları minimuma endirək” 2 Dekabr 2021, 13:35 Milli komandamızda yeni baş məşqçi TƏYİNATLARI 2 Dekabr 2021, 13:30 Nazir istilik problemi olan məktəblərin sayını AÇIQLADI 2 Dekabr 2021, 13:26 Dünənki aksiyada saxlanılanların məhkəməsidi 2 Dekabr 2021, 13:22 Növbəti həftələrdə ənənəvi tədris tam bərpa oluna bilər - Nazir 2 Dekabr 2021, 13:18 Prezidentin köməkçisi helikopter qəzasından DANIŞDI 2 Dekabr 2021, 13:14 ATƏT xarici işlər nazirlərinin iclası başladı 2 Dekabr 2021, 13:09 Fuad Muradov Britaniyada səfərdədir 2 Dekabr 2021, 13:04 Bu dövlət qurumlarına yeni səlahiyyət VERİLDİ 2 Dekabr 2021, 13:00 AFFA millinin baş məşqçisi De Byazi barədə QƏRAR VERDİ 2 Dekabr 2021, 12:54 Son 1 həftədə yol qəzalarında 14 nəfər ölüb 2 Dekabr 2021, 12:48 Rusiyada 1221 nəfər virus qurbanı oldu 2 Dekabr 2021, 12:43 Qarabağın azad olunması hər kəsdə özünəinam yaratdı - Nobel mükafatçısı 2 Dekabr 2021, 12:38 “Walt Disney”ə ilk dəfə qadın rəhbərlik edəcək 2 Dekabr 2021, 12:34 Belarus və Rusiya Ukrayna sərhədində təlimlər keçirəcək 2 Dekabr 2021, 12:31 İlham Əliyev ərəb Şeyxini TƏBRİK ETDİ 2 Dekabr 2021, 12:27 Noyabrda 9 nəfər mina qurbanı olub - FAKTLAR 2 Dekabr 2021, 12:25 Sabahın hava proqnozu 2 Dekabr 2021, 12:20 Metroda telefon oğurladı - TUTULDU 2 Dekabr 2021, 12:16 İcra hakimiyyətlərinin ləğvi gündəmdə - Cəmi 14 regional icra başçısı ola bilər - SİYAHI 2 Dekabr 2021, 12:11 İcra başçısı şəhidin evində 2 Dekabr 2021, 12:07 Diaspor nümayəndələrinin Şuşaya növbəti səfəri  2 Dekabr 2021, 12:03 Saakaşvilinin məhkəməsi keçirilir 2 Dekabr 2021, 12:00 Xocavənddə ermənilərin atıb qaçdığı silah-sursat aşkarlandı 2 Dekabr 2021, 11:57
SORĞU Kommunal xərciniz ən çox hansı xidmətə gedir?