09Sentyabr | Ana Səhifə - Yazılar - Şair Balasadığın pərtliyi
Şair Balasadığın pərtliyi

Mahir QABİLOĞLU


Günlərin bir günü Qabil şair Balasadıqla Yazıçılar Birliyindən çıxırlar. Üz tuturlar Bulvara. Milli Təhlükəsizlik Nazirliyinin Sərhəd Qoşunları idarəsinin qarşısına çatanda Qabil dayanır. Qapıda dayanan əsgərə deyir ki, bacanağım Abbasa (MTN-in müavini, Sərhəd Qoşunlarının komandanı general-mayor Abbasəli Novruzova) denən ki, gözləyirik onu burda. Xəbəri həmən çatdırırlar. Abbasəli qapıda peyda olur. Qabil ərklə deyir:

–      Abbasəli, gedək vurmağa.

Xoşbəxtlikdən prezident Heydər Əliyev xarici səfərdə olduğundan bu təklif generalın ürəyinə yağ kimi yayılır. Tez 00-01 SQ dövlət nömrə nişanlı “İnfiniti” markalı hökumət maşınını qapıya çağırır. Oturub gedirlər restorana. Yeyirlər-içirlər. “Hazır” vəziyyətdə yenidən minirlər maşına. Qabaqda Qabil oturur, arxada isə Balasadıqla general. 71 yaşlı Qabilin şıltaqlığı tutur:

–      Abbasəli, birinci məni aparıb düşürün yaşadığım evin blokunun qapısında.

Qabilin arzusu yerinə yetirilir. Qabil maşından düşür və Abbasəliyə ərklə:

–      Abbasəli, indi də Balasadığı aparırsan Razinə (Bakıxanov qəsəbəsi). Düşürürsən düz bloklarının qapısında. Bildin? Birdən taksiylə yola salarsan ha...

Bununla da söhbət bitir. Ertəsi günü şair Qabil gəlir Yazıçılar Birliyinə. 
Girir məşhur Məsləhətçilər otağına. Görür ki, Balasadıq qanıqara oturub:

–      Alə, noolub?

–      Heç nə.

–      Bəs niyə pörtmüsən?

Balasadığın üzü həmişə qırmızı olurdu. Pörtməyi, içkili olması heç vaxt bilinməzdi.

–      Heç.

–      Nə “heç”? 

Qabil nəsə şübhəli qalır. Birdən dünənki məclis yadına düşür.

–      Abbasəli xətrinə dəyib?

–      Yox.

–      Səni evəcən yola salmayıb?

–      Dediyin kimi də etdi.

–      Tələsmə. Bircə-bircə danış necə oldu.

–      Qabil, səndən ayrıldıq. Yol aldıq Razinə. 

–      Hə.

–      Mədəniyyət sarayına çatanda döndük sağa. 

–      Hə. Tələsmə. Bitdə-bitdə de.

–      Girdik həyətə. Şofer – sən deyən kimi – sürdü düz həyətə, blokun qapısının ağzına.

–      Hə!


–      Abbasəli müəllim düşdü maşından. 

–      Hə.

–      Gəldi mənim qapımı açdı.

–      Hə.

–      Qolumdan tutub bir təhər maşından düşürtdü.

–      Hə.

–      Mənim nəzərlərimsə ətrafdaydı.

–      Hə.

–      Qucaqlaşıb-öpüşdük, sağollaşdıq.

–      Hə.

–      Mənim nəzərlərimsə yenə ətrafdaydı.

–      Hə.

–      Sonra general blokun qapısını açdı.

–      Hə.

–      Mən isə yenə ətrafa baxırdım.

–      Hə.

–      Mən də girdim bloka, qalxdım evə.

–      Abbasəliyə nə demişdimsə, hamısını eləyib. Bəs sənin qanın niyə qaradır, hə?

–      Ay Qabil, səhərdən axşamacan həyətdəki besedkada oturan, avaralanan, domino vuran curlarımdan biri də həyətdə yox idi.

–      Nə olsun ki?

–      Görmədilər. Görmədilər general maşınıyla həyətə girməyimi. Görmədilər generalın qapımı açmağını. Görmədilər generalın məni maşından düşürməyini. Görmədilər generalla qucaqlaşıb öpüşməyimi. Görmədiıər generalın məni blokun qapısınacan ötürməyini.

–      Görmədilər görmədilər də... Nə olsun.

–      İndi bütün bunları onlara necə sübut edim? Danışsam deyəcəklər ki, gopa basırsan.

 

... QURBAN OLUM!

 

Atamın xalası qızının əri Mübariz Mədətov (“Xəzər Dəniz Gəmiçiliyinin” sabiq rəis müavini), onun dostu (mənim də dostum) Akif Məlikov və Mahmud Hacınski restoranda oturub yeyib-içirlərmiş. Adam yeyib-içəndən, dəmləşəndən sonra nə edir? Düz tapdınız. Əzizləri yada düşür. O da kim olsa yaxşıdır? Leçkomissiyada xəstə yatan şair Qabil. Qərara alırlar ki, xəstəxanaya gedib ona baş çəksinlər. Gəlirlər ora. Girirlər palataya. Əvvəlcə Mübariz görüşərək, Qabili qucaqlayıb öpür. Qabil onun ağzından gələn araq iyini həmən duyur. Sonra Akif Məlikov Qabili qucaqlayır öpür. Qabil onun da ağzından araq iyi gəldiyini həmən duyur. Sonra Mahmud Hacınski Qabili qucaqlayır öpür. Qabil ondan da... Bilir ki, uşaqlar yemək-içməkdən gəlirlər.

Qohumlar Qabilə ürək-dirək verirlər, şəfa diləyirlər. Araq içməsinə həkimlər tərəfindən qadağa qoyulan, yemək-içməkdən uzaq düşən Qabil isə deyir:

 – Ay Mübariz, ay Akif, ay Mahmud, ağzınızdan gələn araq iyinə qurban olum.

MÜƏLLİFİN DİGƏR YAZILARI
Prezidentdən xatırlatma: “O vaxtlar rayonlarda ümumiyyətlə, qaz deyilən şey yox idi” 19 Sentyabr 2020, 16:10 Putin “Avanqard” raket kompleksinin müəllifinin adını açıqlayıb 19 Sentyabr 2020, 15:55 Hərbi Dəniz Qüvvələrindən TƏKZİB: “Bədniyyətli şəxslərdir” 19 Sentyabr 2020, 15:22 Dünyanın ən yaşlı sakini yeni REKORD VURDU 19 Sentyabr 2020, 15:11 İranda virusdan ölənlərin sayı 24 mini keçdi 19 Sentyabr 2020, 14:56 Prezident təməlqoyma mərasimində... - YENİLƏNİB 19 Sentyabr 2020, 14:52 Türkiyə televiziyasında “Üç cizgi” adlı Azərbaycan proqramı yayımlanacaq  19 Sentyabr 2020, 14:48 1,8 milyon manatı mənimsəyən şirkət rəhbəri ilə bağlı istintaq aparılıb 19 Sentyabr 2020, 14:40 Erməni hakerlər Tarix İnstitutunun araşdırmalarını dərc edən KİV-ə hücum ediblər 19 Sentyabr 2020, 14:30 “Ölkəmizin həm siyasi, həm iqtisadi nailiyyətləri böyük dərəcədə neft-qaz amilinə söykənir” 19 Sentyabr 2020, 14:16 Azərbaycan neftinin qiyməti ucuzlaşdı 19 Sentyabr 2020, 14:14 Oğuzda heyvanların kütləvi zəhərlənməsinin qarşısı alınıb 19 Sentyabr 2020, 14:05 Deputat Tofiq Yaqublu ilə bağlı qərarı “cəza siyasətinin humanistləşdirilməsi” sayır 19 Sentyabr 2020, 14:01 Müxalifət niyə birləşə bilmir? – Sabir Rüstəmxanlı səbəbləri AÇIQLADI 19 Sentyabr 2020, 13:50 SOCAR 2035-ci ilə qədər planlarını ELAN ETDİ 19 Sentyabr 2020, 13:41 Paşinyanin arvadı erməni qadınlarını yenidən hərbi təlimə TOPLAYIR 19 Sentyabr 2020, 13:32 Çay haqqında bilmədiklərimiz 19 Sentyabr 2020, 13:25 Bağlanmış bankların əmanətçilərinə qaytarılan MƏBLƏĞ 19 Sentyabr 2020, 13:12 Prokurorluq fəhlənin ölümü ilə bağlı məlumat yaydı 19 Sentyabr 2020, 12:55 Əmək pensiyaları ilə bağlı hansı dəyişikliklər olacaq?  19 Sentyabr 2020, 12:33 FHN Bakıdakı yanğınla bağlı MƏLUMAT YAYDI 19 Sentyabr 2020, 12:29 Ermənilər “parlamenti” Şuşaya köçürür – YENİ TƏXRİBAT 19 Sentyabr 2020, 12:18 Şimşək çaxacaq, yağış yağacaq - Sabahın hava PROQNOZU 19 Sentyabr 2020, 12:17 Magistraturaya plan yerlərinin 85 faizi dolub 19 Sentyabr 2020, 12:05 Daha bir rayonda qazlaşdırma 100%-ə çatdırıldı 19 Sentyabr 2020, 12:03 Gürcüstanda virusa yoluxanların sayı yeni REKORD VURDU 19 Sentyabr 2020, 11:51 İxtisas seçimi edən abituriyentlərin sayı AÇIQLANDI 19 Sentyabr 2020, 11:48 Ermənistanda koronavirusa yoluxanların sayı 50 minə YAXINLAŞIR 19 Sentyabr 2020, 11:42 “Əlilliyin müəyyən olunması meyarları” layihəsi Nazirlər Kabinetinə təqdim edilib 19 Sentyabr 2020, 11:39 Ərini bıçaqlayan qadına cinayət işi açıldı 19 Sentyabr 2020, 11:30 Etibar Əliyev: “Bəzən sosial şəbəkələr söyüşün simvoluna çevrilir” – MÜSAHİBƏ 19 Sentyabr 2020, 11:28 Zakir Həsənov COVID-19-la bağlı generallara TAPŞIRIQ VERDİ 19 Sentyabr 2020, 11:24 DTX-dan “Rusiyaya xidmət edən azərbaycanlıların siyahı”sına REAKSİYA 19 Sentyabr 2020, 11:13 Bir şəklin tarixçəsi: Rəsul Quliyev erməni spikerlə hansı razılıq əldə etmişdi? 19 Sentyabr 2020, 11:01 Naqif Həmzəyev seçiciləri qəbul edib - FOTOLAR 19 Sentyabr 2020, 11:00