16 Yanvar 2019, 12:32 | Ana Səhifə - Yazılar - Facebook, İnstagram çıxardanın evi yıxılsın!
Facebook, İnstagram çıxardanın evi yıxılsın!

Aida Eyvazlı


Dünən  yenə Facebook sosial şəbəkəsində gəzişərkən Azərbaycandakı bəzi saytların dayanmadan bir əxlaqsızlıq təbliğ edən videonu paylaşdıqlarını gördüm.

Və... iyrəndim...

Vaxtilə “Space” TV-də işləyən həmkarlarım və yaxın dostlarımın yaxşı yadındadır, orada kriminal verilişlər aparır və materiallar hazırlayırdım. İşlədiyim illər ərzində bir dəfə də olsun, efirə insanlarda ikrah doğuran kadrlarla çıxıb, sensasiya yaratmadım. Hətta bir dəfə bir cinayət işinin məhkəməsindən hazırladığım videoreportajda ittihamnamədə  yazılan  sözü efirə vermək üçün  çalışıb-vuruşub, ona aid söz tapmadığımdan, gülməli bir məqam yaranmışdı. Həmin məqamda  Şöhrət Eldəniz köməyimə çatıb, məni dardan qurtarmışdı. Yəni biz belə işlədik. Cəmiyyətə hər zaman milli dəyərlərimizi təbliğ etdik.

Uşaqlıq yaddaşımdan silinmir. Azərbaycanın elə rayonları var idi ki, “Raykom katibləri”nin qorxusundan kişilər qadınları ilə bazara getmirdilər ki, ağsaqqal  eşidər, acığına gələr. Və bu xətir-hörmət bir çox rayonlarda illərlə oturuşub, milli mentalitetimizin yüksək dəyəri kimi kök salmışdı.

Bir kişi, əgər ona “kişi” demək mümkünsə, gecə vaxtı arvadını güdür... və özü ağlında olan arvadı da evə yad və həm də tanış kişi gətirir. Bunları bir yataqda tutan “qeyrətli ər” hadisəni videoya çəkib, sosial şəbəkələrdə yayır. Nə qədər iyrənc bir mənzərə...

Əvvəla onu deyim ki, bunu edən kişinin arvadı başqa cür ola bilməzdi. Dostunu-tanışını arvadınla bir yerdə tutmusansa, döy, qanına qəltan elə. Öldürmə. Öldürmək günahdır. Xarab arvadı boşayarlar. Ancaq bunu sosial şəbəkəlrdə yaymaq nə demək?

10-15 il bundan əvvəl ailələr öz sirrlərini evdən çölə çıxarmazdılar. İnsanlar alaçıqları, divarları, damları ona görə tikdilər ki, evləri sirr qalası olsun. Bizim elin özəl bir məsələi var. İndikilər bilməzlər. Çünki bilsəydilər belə işlər də baş verməzdi. “Üzündə göz izi var, sənə kim baxdı yarım...”.

Əsl kişi arvadının gözünə baxanda bilməlidir ki,o nə istəyir, hansı yolu gedəcək və  ya gedib. Əgər bir qadın kişiyə xəyanət edirsə, onu aşağılayırsa, bu qadının deyil, kişinin problemidir. Çünki vaxtında arvadının üzündəki o “göz izini” görməyib.

Facebook, İnstagram çıxardanın evi yıxılsın. Bu şəbəkələr cəmiyyəti kütləyə çevirdi. Kütlənin sözü isə cəmiyyətin sözü olmamalıdır. Sosial şəbəkələr bir bazardır. Buranın da öz alıcıları və satıcıları var. Ucuz adamlar ucuz mal alar, dəyərli adamlar dəyərli mal satıb, dəyərli mal alarlar. Bunu quran Mark  deməmişdi ki, öz ailənizin sirrini yayın.


Yaxşı, tutaq ki, bu  o “kişilərin” öz işidir, arvadlarına yaxşı baxmayıblar. Bəs belə kişiləri efirə gətirib, onların ailə sandıqlarını açıb, xalqın qənşərinə tökən veriliş aparıcılarına nə deyəsən?


Əfsuslar olsun ki, ötən illər ərzində reytinq qazanmaq istəyən televiziyalar və o televiziyaların üzdəniraq aparaıcıları milləti əxlaqsızlığa öyrətdilər... Hamı  bir-birini çəkib reportyorluq edir.  Rusiyanın televiziyalarında bu gün də  filmlər nümayiş etdirəndə, ekrana  +12, +16 loqoları vurulur. Bu o deməkdir ki, bu filmi həmin yaş göstəricisi olanlardan yuxarılar izləyə bilərlər.


Tamaşaçıya nə versən, ona da baxacaq.  O səfeh-səfeh mafioz və ailə münaqişələrini əks etdirən seriallara ayrılan və xərclənən pula, vətənpərvərlik və ailə dəyərlərini təbliğ edən filmlər çəkilsə, daha yaxşı olmazdımı. Hanı Şeyx İbrahim Şirvanşah, Hanı Mübariz İbrahimov, hanı qazilərimiz, apardığımız müharibə, balaca Zəhra? Nə tez unutdunuz?  Ucuz filmlər çəkib, bu xalqın mentalitetini ucuzlaşdıranlar. Unutmayın ki, sizin övladlarınız da bu xalqın, bu millətin nümayəndəsidirlər. Səpdiyiniz mənəviyyatsızlıq toxumlarını öz ailənizdən götürüb, virus kimi bu ölkəyə yaymağı dayandırın! Bəsdirin bu xalqı, bu milləti aşağıladınız!


Mən mətbuata, televiziyaya, cavabdeh olan bütün dövlət adamlarından xahiş edirəm ki, bu əxlaqsız verilişlərin, xəbərlərin qarşısını almaq üçün tədbir görsünlər. Buna görədir ki,məktəbə gedən dərs oxumur, işə “düzələn” iş görə bilmir. Milli dəyərlərimizi təbliğ edən proqramlar, yazılar hazırlamaq bütün saytların, qəzetlərin, televiziyaların qarşısında  şərt kimi qoyulsun. Bu qaydaya əməl etməyənləri yenə cəzalandırın. Plan qoyun həmin saytların, qəzetlərin qarşısında, milli dəyərləri nə qədər təbliğ etdikləri barədə hesabat istəyin.

Belə getsə, qeyrət-namusu da, əxlaqı da  UNESCO-nun  maddi irs siyahısında axtaracağıq.

MÜƏLLİFİN DİGƏR YAZILARI
Bir gündə 8,5 milyard ton buzlaq əridi 1 Avqust 2021, 11:08 Mersində daha iki yanğın söndürüldü 1 Avqust 2021, 11:05 Daşkəsəndə iki nəfər dumanlı havada itkin düşdü 1 Avqust 2021, 11:04 Sabahdan bağçalar elektron qəbula keçir   1 Avqust 2021, 11:01 Xarici jurnalistlər Gəncədə erməni terroru ilə tanış oldular  1 Avqust 2021, 10:58 Türkiyədə yanğınsöndürənlərimizə təşəkkür etdilər 1 Avqust 2021, 10:51 İlk övladını görmək ona qismət olmadı, amma... - 27 yaşlı şəhidimizin SON SÖZÜ 1 Avqust 2021, 10:47 Bitkoinin qiyməti 42 min dollara yaxınlaşdı 1 Avqust 2021, 10:38 Yeyib-içdilər, ortaya qan düşdü 1 Avqust 2021, 10:30 Toy qaydalarını pozanlar məsuliyyətə cəlb olundu 1 Avqust 2021, 10:27 İsraildə 80 min vaksin məhv ediləcək 1 Avqust 2021, 10:18 “Tokio-2020”: daha 18 nəfərdə virus aşkarlandı 1 Avqust 2021, 10:08 Göygöldə gənci bıçaqlayan 20 yaşlı oğlan tutuldu  1 Avqust 2021, 10:04 Gədəbəydə “Xaş-xaş-2021” əməliyyatı 1 Avqust 2021, 10:00 Suraxanıdakı yanğının səbəbi məlum oldu: yararsız sayğaclar... 1 Avqust 2021, 09:59 İordaniya Suriya ilə sərhədi bağladı 1 Avqust 2021, 09:58 Qaxda 39 yaşlı kişini bıçaqlayan qandallandı 1 Avqust 2021, 09:51 Yoluxma sayı 530 mindən çox artdı 1 Avqust 2021, 09:47 Vahid Əhmədov: Jirnovski anlamalıdır ki... 1 Avqust 2021, 09:39 Ermənilər Naxçıvanı atəşə tutdu 1 Avqust 2021, 09:30 “Yanmış bölgələri yenidən bərpa edəcəyik” - Nazir   1 Avqust 2021, 09:28 Türkiyə yenə silkələndi 1 Avqust 2021, 09:27 ABŞ-da atışma: Yaralılar var 1 Avqust 2021, 09:26 Binəqədidə yanğın oldu 1 Avqust 2021, 09:20 Sumqayıtda üçotaqlı ev yandı 1 Avqust 2021, 09:19 Mingəçevirdə təcili yardım maşını qəzaya düşdü 1 Avqust 2021, 09:14 Türkiyədə 107 yanğından 98-i söndürülüb   1 Avqust 2021, 09:12 Ağstafada 38 yaşlı kişi bıçaqlandı 1 Avqust 2021, 09:10 "Tokio-2020": Atıcımız 281 xal qazandı 1 Avqust 2021, 09:05 1 avqust - Azərbaycan Əlifbası və Azərbaycan Dili Günü! 1 Avqust 2021, 09:00 Sabirabadda birmərtəbəli ev alovlandı 1 Avqust 2021, 08:59 Gürcüstanda itkin düşən avstraliyalı qadının meyiti tapıldı 1 Avqust 2021, 08:58 İsveçrədə karantin rejiminə qarşı etiraz aksiyası 1 Avqust 2021, 08:51 Şəmkir sakini qolundan bıçaq xəsarəti aldı 1 Avqust 2021, 08:45 Kürdəmirdə 30-a yaxın toy sahibi cərimələndi 1 Avqust 2021, 00:55