«Gənc Liderlər» Uşaq və Gənclər Təşkilatının(UGT) təşəbbüsü ilə reallaşdırılan uşaq və gənclər üçün  «Liderlik Məktəbi»ndə növbəti görüş keçirilib. Bu dəfə iştirakçılar yazıçı-publisit, Nazirlər Kabinetinin mətbuat xidmətinin rəhbəri Akif Əli ilə görüşüblər.  

Modern.az xəbər verir ki, Görüşdə Akif Əli Azərbaycan ədəbiyyatı, mədəniyyəti və mətbuatı ilə bağlı fikirlərini gənclərlə bölüşüb. Ölkəmizin inkişafa doğru irəlilədiyini bildirən yazıçı-publisist, bu tərəqqinin bütün sahələri, o cümlədən ədəbiyyat və mətbuat sahəsini də əhatə etdiyini  deyib. Dövlət qulluğunda çalışmağı xalqa xidmət kimi dəyərləndirən Akif Əli həyatının müxtəlif məqamlarından iştirakçılara misallar gətirib. İştirakçıların suallarına cavab olaraq ədəbiyyatımızda nəsillərarası mübarizədən çox, əqdiələr arası qarşudurmanın olduğunu bildirən A.Əli bu məsələdə yenilikçi gəncliyin tərəfində olduğunu deyib.

«Gənc Liderlər» UGT-nin sədri isə Fərid Şahbazlı «əsl dövlət məmuru necə olmalıdır?» sualının bu gün aktual olduğunu deyərək, liderliyə iddialı olan bütün gənclərin bu mövzuda daha çox öyrənməsinin vacibliyini vurğualyıb.

Görüş müzakirələrlə sona yetib.