27 Noyabr 2019, 23:56 | Ana Səhifə - Yazılar - Bir vaxt dərs dediyim döyüşçü qadın...
Bir vaxt dərs dediyim döyüşçü qadın...

Firuz Mustafa

Xatırlayıram, 80-ci illərin sonu idi. Qonşu ölkə ilə başlayan münaqişə get-gedə şiddətlənirdi. O vaxt Elmlər Akademiyasının Fəlsəfə kafedrasında çalışırdım. Bu quruma az-çox bələd olanlar bilir: Akademiyanın və ölkədəki ali məktəblərin aspirant və dissertantları həmin kafedrada imtahan və “minimum” verməli idilər. Bir sözlə, gələcək alimlərin sabah hansı sahə üzrə işləyəcəklərindən asılı olmayaraq, bu imtahan “prosedurundan” keçməli idi.

Dəds dediyim gələcək elm adamları arasında istedadlı aspirantlar çox idi. Mühazirə və seminarlarda öz maraqlı mühakimə və sualları ilə seçilənlərdən biri barədə danışmaq istəyirəm. Bu, birləşmədəki rəfiqələrinin “Gülya” deyə çağırdığı bir qız idi. Səhv etmirəmsə, dəqiq elmlər üzrə təhsil almışdı. Orta boylu, zərif, alagöz bir xanımdı...

Günlərin bir günü “Gülya” dərsə gəlmədi. Dedilər ki, könüllü olaraq cəbhə bölgəsinə gedib. Az sonra bu zərif xanımın bu cür gözlənilməz jestindən sonra “arxa cəbhədə” qalmağı mənəvi cəhərdən həzm edə bilməyən oğlanların da bir çoxu odlu nöqtələrə üz tutdu...

Aradan illər keçdi. Mətbuat üçün ordudan tez-tez yazılar hazırlayan kiçik qardaşım bir gün mənə dedi ki, hərbi hissələrin birində qulluq edən “bir qadın komandir” sənə salam göndərdi. Sən demə, həmin xanım qardaşımla söhbət əsnasında deyib ki, “mən əvvəllər aspiranturada oxumuşam, Firuz Mustafayev müəllimimiz olub”.
Mən həmin komandirin kim ola biləcəyini təxmin elədim. “Komandir xanım” onu da deyibmiş ki, Firuz müəllimin yolu bu tərəflərə düşsə, əsgərlər qarşısında çıxışını təşkil edərik. (Əlbəttə, elə dərs dediklərim var ki, mən özümü onların müəllimi hesab etmirəm. Və elə dərs demədiyim adamlar var ki, onlar məni özlərinə müəllim hesab edirlər).

Bir müddətdən sonra qardaşımla yolumuzu həmin hərbi hissədən saldıq.

Bizi hərbi geyimli bir qadın qarşıladı. Bu, bizim keçmiş aspirant idi. Əl tutub görüşdük. O, xeyli dəyişmişdi. Gizir rütbəsində idi. Qara saçlarına dən düşmüşdü. Əslində buna heç “dən” demək də düzgün olmazdı; səliqə ilə daranmış gür telinin üstündə nəzərə çarpan ağ saçlar arxaya doğru uzanırdı; sanki qaranlıq gecənin içindən ağ bir işıq yolu keçib gedirdi. Zərif sifəti sərtləşmişdi. Ala gözlərində bir yorğunluq vardı; Allah bilir, bəlkə də ötən günkü ağır döyüşdən sonra dincəlməyinə ehtiyac vardı; amma buna baxmayaraq, o, özünü əsl döyüşçü kimi təmkinli aparırdı.

“Atüstü”, qısa, yığcam bir söhbətimiz oldu.

Yadımdadır, üz-gözündən yorğunluqla bərabər bir mərdlik və dözümlük yağan xanıma belə dedim:

-Siz öz aspirant həmkarlarınızdan fərqlənirdiniz. İntellektual bir elm adamı idiniz. Bəlkə də elə elmlə məşğul olsaydınız, vətənimiz üçün daha faydalı olardı.

O, gülümsəyərək dedi:

-Müəllim, vətənimiz olmayandan sonra bizim elmimiz kimə gərəkdir?..

Bu sözlərin müqabilində ta nə demək, nəyi əlavə etmək olardı?

Mühazirə söyləməyə ehtiyac qalmadı.

Görüşüb ayrıldıq. Əli ağac kimi qabarlı və möhkəm idi...

Bir vaxt dərs dediyim döyüşçü qadının mərd sifəti hələ də gözüm önündədir. İndi bilmirəm o, haradadır. Çox güman ki, ordudan tərxis olunub, öz adi həyatını yaşayir. Lap elə təsadüfən bu kiçik yazını da oxuya bilər.

P.S. Bu, real bir həyat hadisəsinin qısa təəssüratı və təsviridir. Mən bir çox nəsr və səhnə əsərlərimdə döyüşça qadın obrazları da yaratmışam.
P.P.S. Vətənimiz, torpaqlarımız uğrunda döyüşən hər bir qazimizin, xüsusən silaha sarılan döyüşçü qızlarımızın-qadınlarımızın əllərini öpürəm.

MÜƏLLİFİN DİGƏR YAZILARI
Azərbaycanda koronavirusa yoluxma AZALDI 30 Noyabr 2020, 17:36 Gəncə Şəhər Baş Polis İdarəsinə yeni rəis təyin edildi 30 Noyabr 2020, 17:30 “Oğlum öz şəklinə baxıb dedi ki, bir gün burada şəhid görəcəksən” - Şəhid anası 30 Noyabr 2020, 17:25 Azərbaycanın axtarışa verdiyi jurnalist Laçına gəldi 30 Noyabr 2020, 17:20 FHN-in Laçındakı inzibati binasının lövhəsi hazırdır 30 Noyabr 2020, 17:14 Ermənilər daha bir tarixi məscidimizi tövləyə çevirdi - FOTO 30 Noyabr 2020, 17:09 Laçının yol nişanları hazırlanıb 30 Noyabr 2020, 17:03 Ombudsman beynəlxalq ictimaiyyətə müraciət edib 30 Noyabr 2020, 16:58 İşğaldan azad olunmuş ərazilərə getməyə nə vaxt icazə veriləcək? - AÇIQLAMA 30 Noyabr 2020, 16:53 “Nar”ın 4G istifadəçilərinin sayı 35 % artıb   30 Noyabr 2020, 16:50 Rusiyanın Qafqazda rolu necə olacaq? - ŞƏRH 30 Noyabr 2020, 16:45 “Qəbələ” - “Qarabağ” matçının vaxtı açıqlandı 30 Noyabr 2020, 16:39 YAP Gəncə şəhər təşkilatının gəncləri şəhid ailələrini ziyarət ediblər - FOTO   30 Noyabr 2020, 16:34 Putin də Paşinyandan üz çevirdi – Moskva səfəri ləğv olundu 30 Noyabr 2020, 16:29 Biləsuvarda avtomobil kanala aşdı 30 Noyabr 2020, 16:26 Azərbaycan dövlətçiliyinin islahatlar və zəfər mərhələsi - Ədalət Vəliyevin YAZISI 30 Noyabr 2020, 16:20 Erməni bayrağını erməninin özünə endirtdi - VİDEO 30 Noyabr 2020, 16:16 Atambayev barədə məhkəmə hökmü ləğv edildi 30 Noyabr 2020, 16:11 Deputatın adına saxta profil açıldı   30 Noyabr 2020, 16:07 Sülhməramlılar münaqişə zonasından 600-dən çox cəsəd çıxarıb 30 Noyabr 2020, 16:05 İtaliyanın daha iki bələdiyyəsindən Azərbaycana DƏSTƏK 30 Noyabr 2020, 16:03 Azərbaycanda 8 siyasi partiya sədri vəfat edib 30 Noyabr 2020, 16:00 Şuşa uğrunda şəhid olan müəllim 30 Noyabr 2020, 15:55 Baş Prokurorluq əhaliyə müraciət etdi - VİDEO 30 Noyabr 2020, 15:50 Şuşa türməsində Dilqəm Əsgərovun şeir dəftəri TAPILDI - FOTO 30 Noyabr 2020, 15:45 Gəncədə erməni terroruna qarşı aksiya keçirildi - VİDEO 30 Noyabr 2020, 15:44 Ermənistanın dinc əhaliyə qarşı cinayətlərinin STATİSTİKASI 30 Noyabr 2020, 15:40 Evini tərk edən daha iki nəfər COVİD-19 xəstəsi saxlanıldı 30 Noyabr 2020, 15:37 Dil- xalqı birləşdirən DƏYƏR 30 Noyabr 2020, 15:31 İcra başçısı vətəndaşlarla növbəti onlayn qəbul keçirib - FOTO   30 Noyabr 2020, 15:28 Milli Məclisin Elm və təhsil komitəsi iclas keçirib 30 Noyabr 2020, 15:23 "Qarabağın məşhur müəllimləri" - Ənvər Rza 30 Noyabr 2020, 15:18 Şuşa yolu minalardan təmizlənir 30 Noyabr 2020, 15:12 Azad olunmuş yerlərə icazəsiz gedənlər: mülki şəxsləri oralara kim buraxır? 30 Noyabr 2020, 15:06 Bu rayonların minalardan təmizlənməsinə başlanıldı 30 Noyabr 2020, 15:00
SORĞU Cəbhə xəbərlərini hansı mənbədən alırsınız?