Azadlığın və Sülhün Müdafiəsi Beynəlxalq Təşkilatının təşəbbüsü ilə hüquq müdafiəsi mövzusunda yazan jurnalistlərin şəbəkəsi yaradılıb. Modern.az saytının məlumatına görə, şəbəkədə müxtəlif media qurumlarını təmsil edən jurnalistlər yer alıb. Qurumun əsas məqsədi insan hüquqları sahəsində cəmiyyətdə baş verən qanun pozuntularına qarşı operativ reaksiya göstərəmək, bu sahədə problemin həllinə yardımçı olmaq, problem həll olunanadək onu gündəmdə saxlamaqdır. Bundan başqa, şəbəkə tərəfindən insan hüquqları ilə bağlı bütün sahələrdə araşdırmanın aparılması, cəmiyyəti narahat edən ən aktual məsələlər başda olmaqla, digər problemlərin həlli yollarının nəzərdən keçiriməsi planlaşdırılır. Bununla yanaşı, hər hansı problemlə bağlı şəbəkədə təmsil olunan bütün jurnalistlər birgə mübarizə aparacaq və planlı şəkildə işləyəcəklər. Şəbəkənin işinin planlı şəkildə aparılması üçün səsvermə yolu ilə koordinator seçiləcək.
Hələlik qurumda 10-a yaxın mətbu orqanın nümayəndəsi təmsil olunsa də, şəbəkənin daha da genişlənməsi nəzərdə tutulub. Qeyd edək ki, şəbəkədə təmsil olunmaq istəyən jurnalistlər quruma müraciət edə bilər.
Aqil LƏTİFOV