“Siqaret çəkmənin məhdudlaşdırılması haqqında” qanun layihəsi yaz sessiyasına qaldı

“Siqaret çəkmənin məhdudlaşdırılması haqqında” qanun layihəsi yaz sessiyasına qaldı

Parlament

21 Oktyabr 2009, 11:01

“Siqaret çəkmənin məhdudlaşdırılması haqqında” qanun layihəsi Milli Məclisin payız sessiyasında müzakirə olunmayacaq. Bu barədə Modern.az-a layihəni hazırlayan işçi qrupun rəhbəri Musa Quliyev dməlumat verib.

Onun sözlərinə görə, sənəd hazırdır: “Biz layihəni payız sessiyasının gündəliyinə təklif etmişdik. Sənədin işləmə mexanizmi yoxdur. Bu, elə qanunlardandır ki, gərək qüvvəyə minən kimi işləsin. Əks halda, bu sənədin əhəmiyyəti olmayacaq. Problem ondan ibarətdir ki, qanunun icrasına nəzarət  kimin tərəfindən həyata keçiriləcək? Bəzi ölkələrdə bunu bələdiyyələr həyata keçirir. Bizdə bələdiyyələrin buna nə hüququ, nə də gücü var. Bəzi ölkələrdə isə buna polis, digərlərində vergi və ya səhiyyə orqanları nəzarət edir. Mən qanunun icrasına nəzarəti polislə, vergi orqanlarına verilməsinin əleyhinəyəm. Əlində silah olan qurumlara daha geniş səlahiyyətin verilməsini istəmirəm. Çünki “lazım olanda” silahlı adam siqaret çəkməyəni də siqaret çəkən kimi göstərə bilər. Digər tərəfdən, cərimələrin ödənilməsi və məbləgi də problem yaradan məsələdir. Azərbaycanda 3 milyona yaxın insan siqaret çəkir, onların böyük əksəriyyəti 16-35 yaş arasındadır. Onların içərisində işləməyənlər də var. Bu adamlar cəriməni necə verəcəklər, verməsələr necə olacaq?”

Deputatın sözlərinə görə, bu məsələlələrin ictimai müzakirələrə böyük ehtiyacı var: “Ona görə də biz layihəni Milli Məclisə çıxarmağı yaz sessiyasına qədər təxirə saldıq”.

Musa Quliyev deyib ki, Azərbaycanda təxminən 3 milyon insan siqaret çəkir. Bunun 300 minə yaxını qadındır: “Bir qutuda 20 siqaret olduğunu nəzərə alsaq, Azərbaycanda hər gün 60 milyon ədəd siqaret çəkilir. Bunu bir yerə yığsan, böyük bir təpə əmələ gələr. Onun hamısını bir yerdə yandırsan, Bakını böyük tüstü dumanı bürüyər”.

“Siqaret çəkmənin məhdudlaşdırılması haqqında” qanun layihəsi 1

2 maddədən ibarətdir. Layihəyə əsasən, ölkədə televiziya və radio yayımçıları, təhsil və səhiyyə nazirlikləri ilə birgə siqaretçəkmənin zərərli tərəfləri haqqında proqram hazırlanmalıdır. Bu proqram bir ay ərzində 90 dəqiqədən az olmayaraq yayımlanmalıdır.

 

 

 

 

Youtube
Kanalımıza abunə olmağı unutmayın!
Keçid et
Ukrayna hərbçilərinin dəhşətli görüntüləri yayıldı