Rəsmi Berlin Ukrayna tərəfinin Rusiyanın veto hüququndan məhrum edilməsi ilə bağlı təklifinə münasibət bildirib.
Modern.az xəbər verir ki, bunu Almaniyanın xarici işlər naziri Annalena Berbok ARD telekanalının efirində deyib.
O qeyd edib ki, Almaniya Ukrayna prezidenti Volodimir Zelenskinin Rusiyanı BMT Təhlükəsizlik Şurasında veto hüququndan məhrum etmək təklifini dəstəkləmir.
Qeyd edək ki, Rusiya BMT TŞ 5 daimi üzvündən biri kimi veto hüququna malikdir. Rəsmi Kiyev Rusiyanın bu hüquqdan məhrum edilməsini təklif edib.
