Gürcülərin 50%-dən çoxu hesab edir ki, eks-prezident Mixail Saakaşvili əfv edilməlidir.
Modern.az xəbər verir ki, bunu "Formula" telekanalının sifarişi ilə "Edison Research" şirkətinin sorğusunun məlumatları sübut edir.
Sorğunun nəticələrinə görə, vətəndaşların 58%-i prezident Salome Zurabişvilinin Saakaşvilini əfv etməsinin lehinə, 42%-i isə əleyhinə olub. Sorğuda 18 yaşdan yuxarı 1500 Gürcüstan vətəndaşı iştirak edib.
Müxalifət dəfələrlə Zurabişvilini Saakaşvilini əfv etməyə çağırıb.
Qeyd edək ki, Saakaşvili Ukraynadan Gürcüstüna qayıtdığı 2021-ci ilin oktyabr ayından bəri həbsdədir. O, dəfələrlə aclıq aksiyası keçirib. Səhhətində ağır problemlər yaranan eks-prezident bir müddət əvvəl müalicə müəssisəsinə köçürülüb.
