Türkiyədə ultra-sağçı Zəfər Partiyasının sədri Ümit Özdağ sabiq baş nazir və XİN başçısı, Gələcək Partiyasının sədri Ahmet Davutoğlunu məhkəməyə verib.
Modern.az xəbər verir ki, Özdağ bu barədə X-də paylaşım edib.
"Ahmet Davutoğlunu məhkəməyə verəcəyimi demişdim. Verdim", - o yazıb.
Özdağ Davutoğlunu "ABŞ-ın adamı" adlandırıb: "İndi Amerikan dövlətinin intellektual bazisini formalaşdıran "Foreign Affairs" jurnalına görə ABŞ-ın Ankaradakı adamı olan Davutoğlu ilə məhkəmədə hesablaşacağıq".
Hələlik Davutoğlu məsələyə münasibət bildirməyib.
Qeyd edək ki, iki siyasətçi arasında bundan əvvəl də söz atışması səviyyəsində qalmaqal yaşanıb.
