Qəzza zolağında 1 milyondan çox uşaq var.
Modern.az xəbər verir ki, bu barədə BMT-nin Uşaq Fondunun (UNICEF) icraçı direktoru Ketrin Rassel bildirib.
O, fondun məlumatlarına istinadən qeyd edib ki, Qəzza zolağında eskalasiya başlayandan indiyədək 4,6 minə yaxın uşaq həlak olub, 9 minə yaxın azyaşlı isə yaralanıb.
"Bir çox uşaq itkin düşüb və onların bina və evlərin dağıntıları altında qaldığı güman edilir", - Rassel vurğulayıb.
UNICEF daha əvvəl açıqlayıb ki, Qəzza zolağında hərbi əməliyyatların başlamasından sonra 300 mindən çox uşaq evlərini tərk etmək məcburiyyətində qalıb.
