"Ukraynanı tərk etmiş və hərbi xidmətə yararlı olan kişilərdən gələn il çağırış mərkəzlərinə müraciət etmələrini istəyirik".
Modern.az xəbər verir ki, bunu Ukraynanın müdafiə naziri Rustem Umerov "WELT TV"-yə bildirib.
Lakin o, bəzi sanksiyaların da tətbiq oluna biləcəyini açıqlayıb: "Onlar könüllü gəlməsələr nə baş verəcəyini hələ də müzakirə edirik".
Xatırladaq ki, bu yaxınlarda Ukrayna Ali Radasının xalq deputatı Maryana Bezuqlaya xaricə gedən və vətəndaşlığını qaytarmayanların səfərbərlikdən məhrum edilməsi ideyasını nəzərdən keçirməyi təklif etmişdi.
