Rusiyanın Kemerovo bölgəsində iki tramvay toqquşub.
Modern.az Rusiya mətbuatına istinadən xəbər verir ki, tramvay kəskin döngədə əyləc edə bilməyib və bu zaman iki sərnişin tramvaydan yerə düşüb.
Daha sonra nəqliyyat vasitəsi dayanacaqda duran tramvaya çırpılıb. Qəza nəticəsində 90-dan çox insan xəsarət alıb, onlardan 7-si uşaqdır. Son məlumatlara görə, qəza zamanı bir nəfər ölüb.
İstintaq Komitəsi təhlükəsizlik tələblərinə cavab verməyən xidmətlərin göstərilməsi ilə bağlı cinayət işi açıb.
