"Larinin dəyərdən düşməsi barədə ajiotaj müvəqqəti hadisədir".
Modern.az xəbər verir ki, bunu Gürcüstanın maliyyə nazirinin müavini Mixail Dundua bildirib.
“Fundamental amillər yüksək səviyyədədir və lari ilə bağlı problemlər müvəqqəti, tələsik amillərdən qaynaqlanır Həm bu il, həm də gələcək ildə iqtisadi artım proqnozu yaxşılaşdırılıb”, - Dundua bildirib.
Ay ərzində Gürcüstan valyutası dollara nisbətdə 7% ucuzlaşıb. Mayın 14-də lari məzənnəsi 2,6804 lari/$1, iyunun 13-də isə 2,8664 lari/$1 olub.
