Ukraynanın Lvov şəhərinin mərkəzində cümə günü öldürülən sabiq deputat İrina Farionla vida mərasimi keçirilir.
Modern.az BBC-yə istinadən xəbər verir ki, tanınmış siyasətçi və filoloq sui-qəsd cəhdindən sonra xəstəxanada dünyasını dəyişib.
Farion Ukrayna Ali Radasının ifrat sağçı "Svoboda" partiyasından keçmiş deputatıolub, Ukrayna dilini dəstəkləyən radikal bəyanatları ilə məşhurdur. Qatil siyasətçini evindən çıxarkən başından güllələyib. Sui-qəsdin əsas versiyası keçmiş deputatın siyasi fəaliyyəti və ədavətdir.
Dilçi alim və keçmiş xalq deputatı ilə vidalaşmaq üçün minlərlə insan şəhərin mərkəzindəki Qarnizon kilsəsinin yaxınlığında toplaşıb. BBC-nin müxbiri Svyatoslav Xomenkonun hadisə yerindən verdiyi məlumata görə, kafedrala gələn növbə durmadan artır. Farion Liçakiv qəbiristanlığında dəfn ediləcək.
