Ermənistandan Rusiyaya gedən əmək miqrantlarının sayı kəskin azalıb.
Modern.az Ermənistan mətbuatına istinadən xəbər verir ki, bunu Mərkəzi Bankın rəhbəri Martin Qalstyan mətbuat konfransında deyib.
Onun sözlərinə görə, buna səbəb iki ölkədə maaşlar arasındakı fərqin əhəmiyyətli dərəcədə azalmasıdır.
"Rusiyada işləyən vətəndaşlar rublla pul alırlar, Ermənistanda milli valyutaya dəyişdirildikdə isə burada, məsələn, tikinti sektorunda çalışaraq, təxminən eyni məbləğdə pul alırlar", - o bildirib.
