Fransa Prezidenti Emmanuel Makron 2027-ci ildə səlahiyyət müddəti başa çatdıqdan sonra artıq siyasətlə məşğul olmayacağını açıqladı.
Modern.az xəbər verir ki, bu barədə "Le Figaro" qəzeti məlumat yayıb.
Makron on il vəzifədə olduqdan sonra 2027-ci ildə Yelisey Sarayından ayrıldıqdan sonra artıq siyasətlə məşğul olmayacağına söz verib.
"Mən əvvəllər siyasətlə məşğul olmamışam və bundan sonra da məşğul olmayacağam", - deyə o, Aİ liderlərinin qeyri-rəsmi sammitində iştirak etmək üçün rəsmi səfərdə olduğu Kiprin paytaxtı Nikosiyadakı Franko-Kipr Məktəbində məktəblilərlə söhbətində bildirib.
O, həmçinin qeyd edib ki, prezidentliyinin son onilliyinin ən çətin hissəsi nailiyyətlərini müdafiə etməklə yanaşı, "tamamilə" nail ola bilmədiyi şeyləri düzəltmək üçün enerjiyə sahib olmaqdır.
"9 ildən sonra ən çətin şey yaxşı etdiyinizi qorumaq və irəliləməyə çalışmaqdır, amma bəzən səhv etdiyiniz şeyi düzəltməlisiniz", - deyə Fransa lideri bildirib.
Fransada prezident seçkiləri 2027-ci ilin aprelində keçiriləcək.
