İranın Çindən təxminən bir milyon hərbi texnika maketi aldığı təxmin edilir.
Modern.az xarici KİV-ə istinadən xəbər verir ki, həmin maketlər tez bir zamanda yerləşdirilə və başqa yerə köçürülə bilər. İranın hava hücumundan müdafiə sistemi ABŞ və İsrail dronlarının kəşfiyyat imkanlarını minimuma endirdiyindən, bu cür hədəfləri uzaq mənzilli hava kəşfiyyatı zamanı real obyektlərdən ayırmaq çətindir.
Daha real görünüş üçün elektrik kabelləri və istilik sistemləri ilə təchiz olunmuş, real obyektlərə bənzəyən maketlər də mövcuddur.
Hesab olunur ki, hərbi maketlər İranın ABŞ-İsrail hücumlarına qarşı daha az itki ilə çıxmasına yol açan səbəblərdən biridir.
