2026-cı ilin əvvəlindən etibarən Rusiyanın ən varlı biznesmenlərinin ümumi sərvəti təxminən 22 milyard dollar artıb.
Modern.az xəbər verir ki, bu barədə Bloomberg agentliyinin məlumatında bildirilib.
Milyarderlər İndeksinin 1 iyun tarixinə olan məlumata görə, reytinqə Rusiyadan 20 biznesmen daxildir. Rusiyalılar arasında birinci yeri Aleksey Mordaşov tutur. O, “Severstal” və “Nordgold” şirkətlərinin sahibidir və sərvəti 29,9 milyard dollar olaraq qiymətləndirilir. “Bloomberg”in hesablamalarına görə, ilin əvvəlindən onun sərvəti 3,66 milyard dollar artıb. Mordaşov dünya zənginlərinin ümumi reytinqdə 81-ci yerdədir.
Reytinqdə iştirak edən rusiyalılar arasında sərvət artımına görə ən böyük yüksəlişi Andrey Melniçenko göstərib. O, EuroChem və SUEK şirkətləri ilə əlaqəlidir. İlin əvvəlindən ona məxsus aktivlərin dəyəri reytinq tərtibatçılarının qiymətləndirməsinə görə 5,63 milyard dollar artaraq 24,6 milyard dollara çatıb. Melniçenko reytinqdə 104-cü yerdədir.
Ən böyük kapital artımını isə amerikalı Elon Musk nümayiş etdirib. 2026-cı ilin əvvəlindən onun aktivlərinin dəyəri 116 milyard dollar artıb. SpaceX-in təsisçisi və Tesla-nın baş icraçı direktoru olan Mask 735 milyard dollarlıq sərvətlə reytinqə başçılıq edir.
Valentina Matviyenko, yəni Rusiya Federasiya Şurasının sədri, Aleksey Mordaşova məxsus vəsaitlərin ofşor zonalardan Rusiyaya köçürülməsini təklif edib. Buna cavab olaraq “Severstal” şirkəti bildirib ki, Mordaşovun ofşor aktivləri yoxdur, onun bütün aktivləri Rusiyadadır və özü beynəlxalq sanksiyalar altındadır.
