Ermənistanın Baş naziri Nikol Paşinyanın seçki kampaniyası çərçivəsində vətəndaşlarla görüşü zamanı başına maraqlı hadisə gəlib.
Modern.az xəbər verir ki, həmin anlar sosial şəbəkələrdə yayılıb.
Belə ki, sakinlərdən birinin ona simvolik jest olaraq verdiyi göyərçini havaya buraxmağa çalışsa da, ilk cəhd uğursuz alınıb və quş yerə düşüb. Baş nazir daha sonra ikinci dəfə cəhd göstərsə də, göyərçin yenə havaya qalxa bilməyib.
Hadisə yerində lentə alınan görüntülər qısa müddətdə sosial şəbəkələrdə yayılıb. İstifadəçilər görüntülərlə bağlı fərqli fikirlər səsləndirərkən, video Ermənistanın seçki kampaniyası fonunda diqqət çəkən məqamlardan birinə çevrilib.
