ABŞ-nin İranın bir sıra əyalətlərində infrastruktur obyektlərinə endirdiyi zərbələr nəticəsində azı 9 nəfər ölüb, 20-dən çox insan yaralanıb.
Modern.az xəbər verir ki, bu barədə İranın rəsmi IRNA xəbər agentliyi məlumat yayıb.
Bildirilib ki, gecə saatlarında ABŞ tərəfindən həyata keçirilən hücumlar nəticəsində Hörmüzgan əyalətində 8 nəfər həyatını itirib, 20 nəfər yaralanıb.
Yarımmüəyyən “Tasnim” xəbər agentliyi isə Çabahar şəhərinin liman ərazisinə endirilən zərbə nəticəsində bir nəfərin öldüyünü açıqlayıb.
İran rəsmiləri ABŞ-nin gecə saatlarında həyata keçirdiyi hücumlar nəticəsində ölən və yaralananların sayı ilə bağlı hələlik rəsmi açıqlama verməyib.
Qeyd edək ki, İran Səhiyyə Nazirliyinin məlumatına görə, ABŞ-nin iyul ayında ölkəyə həyata keçirdiyi hücumlar nəticəsində ölənlərin sayı 38-ə çatıb, yaralananların sayı isə 400-ü keçib.
