İran İslam İnqilabı Keşikçiləri Korpusunun (SEPAH) rəsmi nümayəndəsi Hüseyn Möhəbbə bildirib ki, iyulun 17-dən etibarən İran Silahlı Qüvvələri ABŞ-yə məxsus 11 hərbi hava vasitəsini yerdəcə məhv edib.
Modern.az xəbər verir ki, o, bu barədə Tasnim agentliyinə müsahibəsində danışıb.
Möhəbbənin sözlərinə görə, iyulun 17-dən bəri İran Silahlı Qüvvələri regionda yerləşən ABŞ hərbi bazalarında olan 11 qırıcı və digər hərbi təyyarəni sıradan çıxarıb.
O qeyd edib ki, məhv edilən texnikalar arasında bir ədəd F-15 qırıcısı, bir ədəd P-8 Poseidon uzaqmənzilli kəşfiyyat təyyarəsi, bir ədəd C-17 hərbi-nəqliyyat təyyarəsi, həmçinin səkkiz yanacaqdaşıyan təyyarə var.
SEPAH rəsmisi əlavə edib ki, İranın həyata keçirdiyi hücumlar zamanı 17 kəşfiyyat və döyüş təyinatlı pilotsuz uçuş aparatı da məhv edilib.
