Türkiyə Prezidenti Rəcəb Tayyib Ərdoğan İraqın Baş naziri Əli əl-Zeydi ilə enerji və müdafiə sənayesi sahəsində əməkdaşlıq məsələlərini müzakirə etdiyini açıqlayıb.
Modern.az xəbər verir ki, Ərdoğan İraq tərəfinin Türkiyəyə gündə 1 milyon barel neft tədarük etməyə hazır olduğunu bildirdiyini deyib.
“Bizə dedilər ki, Türkiyəyə gündə 1 milyon barel neft göndərə bilərik. Bu halda başqa mənbələrdən asılı olmağa ehtiyac qalmaz. Qonşumuz İraqdan bu həcmdə neft tədarükü başlasa, tələbatımızı ödəyə bilərik”, – deyə Türkiyə Prezidenti bildirib.
Ərdoğan əlavə edib ki, Ankara da öz növbəsində İraqın ehtiyac duyduğu müdafiə sənayesi məhsullarının tədarükünə töhfə verməyə hazırdır.
