Türkiyədə zəlzələ bölgəsində çox güclü afterşoklar meydana gəlir.
Modern.az-ın xəbərinə görə, bu barədə Türkiyənin Fövqəladə Halların İdarə Olunması Agentliyi (AFAD) bildirib.
"Zəlzələ bölgəsində çox güclü afterşoklar meydana gəlir. Qeyri-adi vəziyyətlə üz-üzəyik. İndiyə qədər ümumilikdə 3858 afterşok qeydə alınıb. Kahramanmaraş mərkəzli zəlzələlərdə yer qabığında yerdəyişmələr 7,3 metrə qədər olub", - deyə məlumatda əlavə edilib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 35 mindən çox insan həyatını itirib.
