İspaniyanın "Barselona" klubunun hücumçusu Robert Levandovski "Çikago Fayr" (ABŞ) ilə razılıq əldə edib.
Modern.az "Diario Sport"a istinadən xəbər verir ki, tərəflər transferlə bağlı artıq bütün detalları razılaşdırıblar.
37 yaşlı futbolçunun MLS təmsilçisi ilə müqaviləsinin müddəti 2 il olacaq. Sözləşməyə müddətin daha 1 il uzadılması variantı da daxil ediləcək. Keçidlə bağlı rəsmi açıqlamanın növbəti həftə veriləcəyi gözlənilir.
Polşalı hücumçunun yeni klubundakı mövsümlük maaşı təxminən 10 milyon dollar təşkil edəcək. Ona karyerasını bitirdikdən sonra "Çikago Fayr"ın səfiri olmaq təklifi də edilib.
Qeyd edək ki, Robert Levandovski bir müddət öncə "Barselona"dan ayrıldığını açıqlamışdı.
