Azərbaycanın qərb rayonları ilə Naxçıvan arasında Ermənistan ərazisindən keçən nəqliyyat əlaqələrinin bərpası üzrə işlər baş nazir müavinlərinin himayəsi altında Üçtərəfli İşçi Qrupu çərçivəsində həyata keçirilir.
Modern.az xəbər verir ki, bunu Rusiyanın Azərbaycandakı səfiri Mixail Yevdokimov “Utro” jurnalına müsahibəsində “Zəngəzur dəhlizi” barədə danışarkən deyib.
“Bakı ilə Tehran arasında İran ərazisindən keçməklə alternativ marşrutun yaradılmasına dair razılaşmalar var. Bu layihənin həyata keçirilməsi Rusiya-Azərbaycan-İran xətti boyunca Şimal-Cənub nəqliyyat dəhlizinin qərb qolunun inkişafına töhfə verəcək”, - deyə səfir bildirib.
