“Yanacağın bahalaşması heç bir halda sərnişindaşımaya təsir etməyəcək”.
Bunu Modern.az-a açıqlamasında Nəqliyyat Nazirliyinin mətbuat katibi Namiq Həsənov bildirib. Nazirlik rəsmisi qeyd edib ki, narahatlıq üçün əsas yoxdur:
“Qiymət artımı ilə bağlı Tarif Şurasına müraciət edilməyib”.
Tarif Şurasının bu gün qüvvəyə minən qərarı ilə yol vergisi əlavə olunmaqla Aİ-92 markalı avtomobil benzininin pərakəndə satış qiyməti 1 litr üçün 72 qəpik, dizel yanacağının pərakəndə satış qiyməti isə 1 litr üçün 62 qəpik müəyyən edilib. Bu bahalaşma vətəndaşlar arasında ciddi narahatlı doğurub. Əhali avtobuslarda gediş haqlarının artırılacağından narahatdır.
Gülşən RAUFQIZI
