Həbs edilən şəxslərin daha bir neçə evdən oğurluq etdiyi müəyyənləşib.
Bu haqda Daxili İşlər Nazirliyinin mətbuat xidmətindən Modern.az saytına verilən məlumatda qeyd edilib.
Belə ki, iyunun 23-də tutulan Əliyusif Fərəcovun, Ruslan Hüseynovun, Ələkbər Hüseynovun, Əlvan Zeynalovun və Orxan Zeynalovun ətrafında Sabunçu RPİ 13-cü PB əməkdaşları tərəfindən aparılmış əməliyyat tədbirləri ilə onların ötən il fevralın 11-dən cari il aprelin 13-dək olan müddətdə daha 12 evdən pul, qızıl və məişət əşyaları oğurlamaları da müəyyən edilib.
Bundan başqa, Qaradağ RPİ 10-cu PB əməkdaşları tərəfindən aparılmış əməliyyat tədbirləri ilə iyunun 9-da tutulan Nurlan Hacıyevin ötən ilin sentyabrın 21-dən cari il aprelin 22-dək olan müddətdə daha 4 evdən pul və qızıl əşyalar oğurlaması da müəyyən edilib.
Gülşən RAUFQIZI
