Arxiv
29 Noyabr 2018, 08:53 | MEDİA
Bizimkilər - Qızılgül Abdinova: “Düzünü deyim, həmişə sıxılmışam bu peşədə” - FOTOLAR  

“Facebook-da şivən qoparan jurnalistlərə əsəbləşməmək olmur”


Modern.az saytında “Bizimkilər” rubrikasına davam edirik. Bu rubrikada özümüzünkülərdən – jurnalist həmkarlarımızdan yazır, onları oxucularla daha yaxından tanış edirik. Rubrikamızın növbəti qonağı tanınmış jurnalist Qızılgül Abdinovadır.


Qızılgün Abdinova 1973-cü ildə Bərdə rayonunda doğulub. 1998-ci ildə Bakı Dövlət Universitetinin jurnalistika fakultəsini bitirib. “7 gün”, “Üc nöqtə”, “Avropa”, “Xalq Cəbhəsi”, “Mərkəz”, “Aydın yol” qəzetlərində, “Media forum” saytında işləyib. Hazırda tərcüməçiliklə məşğuldur. Ailəlidir, 2 övladı var.

 

- Jurnalistikaya gəlməyinizdən danışmağınızı istərdik.  

 

- Orta məktəbdə oxuyanda belə bir arzum olmuşdu. Amma sonralar hüquqşünas olmaq istəmişdim. Test üsulunun ilk tətbiq olunduğu illərdə ixtisas seçimi əvvəlcədən aparılırdı. Mən də birinci yerə hüquq, ikinci yerə jurnalistikanı yazmışdım. Hüquq fakültəsinə balım çatmadığı üçün jurnalistikaya düşdüm.    

 

- Necə düşünürsünüz, jurnalistikada irəliləmək asandır?

 

- İndiki jurnalistikada, yox, asan deyil. Amma bütövlükdə bu peşə əmək itirməyən peşədir. Başqa sahələrə nisbətən burada tez tanınmaq olur.

 

- Bu günə qədər haralarda işləmisiniz?

 

- Siz soruşun ki, haralarda işləməmişəm? Harda iş olub, gedib, işləmişəm. Redaktor da işləmişəm, müxbir də... Gördüyünüz kimi, tərcüməçilik də edirəm.   

 


- Jurnalistikadan sıxıldığınız anlar olub?

 

- Düzünü deyim, həmişə sıxılmışam bu peşədə. (Baxmayaraq ki, deyilənə görə, pis jurnalist olmamışam). Əvvəllər imzamın tanınması, hansısa yazımın təriflənməsi məni həvəsləndirirdi. İndi başa düşürəm ki, bunlar keçici şeylərdir. İş ya yaxşı pul gətirməlidir, ya da rahat olmalıdır. Bizim jurnalistikada bunların heç biri yoxdur.  

 

- Bəzən ailə həyatı xanımların karyerasının geriləməsinə səbəb olur, bəs sizdə necə? Ailə həyatı sizin jurnalist fəaliyyətinizə necə təsir edib?

 

- Məncə, biz əvvəlcə aydınlaşdırmalıyıq ki, “karyera” deyəndə nəyi nəzərdə tuturuq? Yəni Azərbaycanda “karyera qazanmaq” deyərkən nəzərdə tutulan proseslə, müasir dünyadakı prosesin arasında ciddi fərq var. Amma bütün hallarda ailə qadının nəinki karyera  qazanmasına, adi bir işdə işləməsinə də maneə yaradır. Mənim də işləməyimə ailəli olmağım ciddi əngəl törədib. Hətta Amerikada belə işləyən ailəli qadın əziyyət çəkir. Bizdə isə bu, əməlli-başlı məşəqqətdir.      

 

- Bildiyimizə görə, mərhum ananız alman mənşəli olub. Nə zamansa Azərbaycandan çıxıb getmək fikrinə düşmüsünüz?

 

-  Anamın anası – nənəm alman olub. Ailəlikcə repressiyaya, təzyiqlərə, təqiblərə məruz qalıblar.  Ulu babam həbs olunaraq, güllələnib. Nənəm sürgün olunub. Anam və qardaş-bacısı oxuduqları məktəbdə diskriminasiya ilə üzləşiblər. İndi Almaniyada məcburi surətdə vətəndən uzaq düşmüş və təbii ki, böyük əziyyətlər görmüş nəsillərin geri dönməsini mümkün edən qanunlar qəbul edilib. Bundan əvvəl də alman mənşəli insanlar Almaniya hökumətinə  fərdi qaydada müraciət edərək, bu ölkənin vətəndaşlığını ala biliblər.  O cümlədən mənim qohumlarım arasında da belə adamlar olub. Mənə gəlincə... hələ ki, burdayam.   

 


- Övladlarınızın gələcəkdə hansı sahəni seçməsini istərdiniz?

 

- Mən dayanmadan, yorulmadan onlara yaxşı insan olmağı öyrədirəm. Necə deyərlər, “gerisi təfərrüatdır”. 

 

- İllərin jurnalistisiniz, həmkarlarınızın hansı yanlışları gözünüzə çarpır?

 

-  Son vaxtlar məni narahat edən bir tendensiya yaranıb. Müəyyən bayram günlərində hansısa nazirliklər redaksiyalara hədiyyələr göndərir. Əslində mən daxilən bununla barışmıram, özümdən asılı deyil. Amma neyləmək olar, ümumi vəziyyəti hamımız bilirik. Di gəl ki, bəzi jurnalistlər  “mən qaldım” deyib, Facebook səhifələrində şivən qoparanda, əsəbləşməmək olmur. Adam, doğrudanmı sənin 20 manatın yoxdur, gedib bir tort alıb yeyəsən?! Bu ləlöyünlük nəyə lazımdır axı?  

 


- Öz xarakterinizdən danışmağınızı istərdik, necə birisiniz?

 

- Bu sualı oxuyanda dostlarımın üzlərində yaranacaq ifadəni düşünüb, ürəkdən gülürəm. Hamı mənim acıdilliyimdən dad edir. Amma hamı da bunu “Qızılgül filan vaxtı mənə belə dedi” deyə lətifə şəklində danışıb, gülür. Məsələn, bu yaxınlarda Facebook-da mənim statusuma şərh yazan bir dostuma “bircə anbardar Məmmədxanın yeri əksik idi” deyə reaksiya verdim. Düşünürdüm ki, o, bu zarafata ürəkdən güləcək. Əksinə, məndən bərk incidi. Yəni zarafatım belə acıdırsa, görün, acı sözüm necə ola bilər... Ümumən isə, deyəsən, yaxşı adamam.  Bir də... gülləri, şəkil çəkdirməyi, “koket” qadınları sevmirəm.

 

-  Yəqin ki, bütün müsahibələriniz, yazılarınız sizin üçün əzizdir. Onların içində xüsusilə unutmadığınız müsahibəniz var?

 

- Yazılarıma qarşı çox səhlənkaram. Onları yığıb saxlamıram. İndi də yadıma sala bilmirəm ki, hansı müsahibəm daha çox xoşuma gəlib? Belə bir şey danışa bilərəm sizə. “7 gün” qəzetində işləyəndə Yaponiya səfirini müsahibəyə dəvət etmişdik. Xanımı ilə redaksiyamıza gəlmişdi. Baş redaktor Emin Eminbəyli də daxil redaktorlar hamısı müsahibədə iştirak edirdi. Mən də onda siyasət müxbiri idim. Hamı ciddi, ağır suallar verirdi. Axıra yaxın səfir özü dedi ki, “xanım jurnalist heç sual vermir”. Mən də qayıtdım ki, “yapon qadınlar gözəldir, yoxsa azərbaycanlılar?”. Ab-hava dəyişdi, məlum oldu ki, səfir çox incə yumoru olan bir adam imiş. Xanımı da söhbətə qoşuldu, maraqlı bir müsahibə alındı...
Yeri gəlmişkən, səfir demişdi ki, azərbaycanlı qadınlar daha gözəldir.   

BU KATEQORİYADAN OLAN DİGƏR XƏBƏRLƏR
+ Arxiv
Azərbaycana qarşı təxribata əl atanlar cəzalandırıldı 16 İyul 2019, 22:18 Göyçayda gənc qadın özünü kanala atdı 16 İyul 2019, 22:04 “Biz azarkeşlərimizi sevindirmək istəyirik” - Qurban Qurbanov 16 İyul 2019, 21:39 Bakıda gənc oğlan bıçaqlandı 16 İyul 2019, 21:28 Ombudsman boşanmalardan danışdı 16 İyul 2019, 21:12 "Mərhələ adlamaq üçün əlimizdən gələni edəcəyik" - Baş məşqçi 16 İyul 2019, 20:59 Bərdə Müalicə-Diaqnostika Mərkəzində ölüm 16 İyul 2019, 20:43 Diplomatların Bakı müzakirəsi 16 İyul 2019, 20:30 “Dövlət müstəqilliyimizi fədakarlıqla qorumalıyıq” - Əli Nağıyev 16 İyul 2019, 20:17 Beynəlxalq Valyuta Fondunun baş direktoru istefa verdi 16 İyul 2019, 20:01 Bakıda axundu qətlə yetirən şəxsin istintaqı başa çatıb 16 İyul 2019, 19:42 İranda mikroavtobus aşıb, 11 nəfər ölüb 16 İyul 2019, 19:37 Almaniya silahlarının əsas müştərisi Türkiyədir 16 İyul 2019, 19:32 Metronun "Nərimanov" stansiyasında uşaq itib   16 İyul 2019, 19:25 Ələtdə 70 yaşlı kişi nəvəsi ilə birlikdə dənizdə boğularaq ölüb 16 İyul 2019, 19:11 Azərbaycan və Gürcüstan vətəndaşları qızışdırıcı çağırışlara uymamalıdır 16 İyul 2019, 18:54 Serj Sarkisyan Baden-Badendən Yunanıstana getdi 16 İyul 2019, 18:32 Şəkidə turistlərlə bağlı növbəti insident – xəsarət alan yoxdur 16 İyul 2019, 18:19 Gəncədə BMT-nin də iştirakı ilə dinləmə keçirildi 16 İyul 2019, 18:16 Bakıda cərrahi əməliyyat olunan Qusar sakini bir həftə sonra öldü 16 İyul 2019, 18:06 Baş nazir Keşikçidağda törədilən insidentdən danışdı 16 İyul 2019, 17:55 Nigeriyada 10  türkiyəli dənizçi girov götürüldü 16 İyul 2019, 17:30 Məşhur iş adamı Xəzərin sahilini hasarladığına görə cərimələndi 16 İyul 2019, 17:24 Xüsusi qabiliyyət tələb edən ixtisaslara qeydiyyat bu gün başa çatır 16 İyul 2019, 17:20 Manat və dolların sabahkı məzənnəsi 16 İyul 2019, 17:05 Rövşən Rzayev vətəndaşları qəbul etdi 16 İyul 2019, 16:59 Şəmkirdə muzey əşyaları ilə bağlı təqdimat keçirildi 16 İyul 2019, 16:54 Türk alimləri süni ürək və qaraciyər hazırlayır 16 İyul 2019, 16:43 Pomidor ucuzlaşacaq – Nazirlikdən AÇIQLAMA 16 İyul 2019, 16:42 Dövlət Sərhəd Xidmətinin rəisi tapşırıqlar verdi 16 İyul 2019, 16:35 Elmar Məmmədyarov komitə sədrləri ilə görüşdü 16 İyul 2019, 16:32 51 abituriyentin qiymətində dəyişiklik edildi 16 İyul 2019, 16:31 “Ermənilər görəcəklər ki, bu bekar söhbətlərdir” - Deputatlardan Konqresin qərarını REAKSİYA 16 İyul 2019, 16:18 "Qarabağ"ın oyunu üçün xüsusi avtobuslar ayrıldı 16 İyul 2019, 16:11 Biləsuvarda köçkün qəsəbəsinin su təchizatı yaxşılaşdırır 16 İyul 2019, 16:06