Arxiv
19 İyul 2019, 10:37 | HADİSƏ
Nikahdankənar doğulan uşaqlara da aliment - dövlət rüsumu isə çoxdur

Ombudsman Elmira Süleymanova Milli Məclisə Aliment Fondunun yaradılması ilə bağlı müraciət edib.

Bəs Aliment Fondu yaradılması problemləri həll edə bilərmi?

 

Ailə, Qadın və Uşaq Problemləri üzrə Dövlət Komitəsi İnformasiya və analitik araşdırmalar şöbəsinin müdir müavini Aynur Veysəlova Modern.az-a bildirib ki, alimentlərin ödənilməsi ilə bağlı çətinliklərlə üzləşən  yüzlərlə qadın onlara müracət edir.

 

“Çoxu var ki, neçə vaxtdır boşanıblar ancaq övladlarına veriləcək alimenti ala bilmirlər. Təbii ki, bu məsələdə bir neçə yanaşma var. İlk öncə valideyn məsuliyyəti var. Tərəflər bir-biriləri ilə  boşana bilər, ancaq övladları ilə bağlı vəzifə və öhdəlikləri davam etməlidir. Təbii ki,  bu  bütün qanuvericilik sənədlərində, uşaq hüquqları haqqında konvesiyalarda da öz əksini tapır.  Uşaqların ehtiyaclarının ödənilməsi,  onların sağlam böyüməsi,  müdafiəsi üçün  valideynlər öz vəzifə və öhdəliklərini hərzaman yerinə yetirməlidirlər”.

 

A.Veysəlovanın sözlərinə görə, bir çox valideyn müxtəlif səbəblərdən öhdəlikdən boyun qaçırır.

“Bunun da nəticəsi olaraq uşaqlar təminatsız qalırlar və qadınlar da çətinlik çəkirlər. 

Nəzərə alaq ki,  bir çox boşanan  qadının  peşəsi, işləmək üçün daimi iş yeri yoxdur. Ona görə də bu  çətinlik biraz da dərinləşir.

 

Alimenti ödəməyən valideynlərlə bağlı İnzibati Xətalar Məcəlləsində məsuliiyətlər müəyyən olunub. Təbii ki, Aliment Fondunun yaradılması  bir tərəfdən yaxşı  olacaq ki, qadınların işi  xeyli  yüngülləşəcək. Qadınlar öz övladlarının maddi təminatını yaxşılaşdıracaqlar. Bu məsələdə yükləri xeyli azalmış olacaq”.

 

Komitə nümayəndəsi deyib ki, ayrı-ayrı ölkələrdə alimentin ödənilməsi dövlət vəsaiti  hesabına həyata keçirilir.

 

“Aliment Fondunun yaradılması sayəsində himayəsində  uşaq olan valideyn məhkəmə qətnaməsi ilə, borclu tərəfdən gözləməyərək , dövlətdən birbaşa aliment ala bilir. Bundan sonra da məhkəmə icraçıları alimenti ödəməli olan valideynə, dövlətin ödədiyi  miqdarda aliment məbləğini alır. Bununla da ödənilmiş vəsait  yenidən dövlətin hesabına geri qayıdır”.

 

Bəs nikahdankənar doğulan uşaqlara aliment düşürmü?

 

A.Veysəlova bununla bağlı bildirib ki, nikahdankənar doğulan uşağın atalıq hüququnun təsdiqi əsas götürülür.

 

“Nikahdankənar doğulan uşaqların şəhadətnaməsi alınarkən  iki statistika aparılır. Birincisi hər iki valideynin  ərizəsi əsas götürülür. Bu o deməkdir ki, ailə normaldır, lakin  müəyyən səbəblərdən ailənin rəsmi nikahları yoxdur. Elə ailə var ki, 5 uşağı var, amma rəsmi nikahı yoxdur.  Hər iki tərəfin iştirakı ilə atalıq müəyyənləşir və nəticədə uşağın doğum haqqında  şəhədatnaməsi alınır. Bu tip ailələrdə sənədləşmə problemi var.

 

Biri də var ki, tək ananın ərizə ilə müraciət olunur. Təbii ki, burda  sənədlər araşdırılır. Bununla bağlı Ədliyyə Nazirliyinə də müraciət olunur, orda araşdırılır ki, niyə tək müraciət olunub. Bəzən olur ki, ata rəhmətə gedir, ya da qadın hamilə vəziyyətində boşanıb uşaq dünyaya gəlib.  Ancaq hər bir halda uşaqların və qadınların hüquq və mənafeləri ön planda dayanır”.

 

“Təmiz Dünya” Qadınlara Dəstək İctimai Birliyinin sədri Mehriban Zeynalova  Aliment fondunun yaradılması ilə bağlı danışarkən qeyd edib ki, bəzi qadınlar uşağa sənəd almırlar. Məqsəd isə budur ki, kişi nə vaxtsa insafa gələr, öz atalığını verər.

 

“Aliment Fondunun  yaradılması  məsələsini  dəstəkləyirəm.  Düzgün verilmiş bir təklifdir. Əslində bu məsələ çoxdan müzakirə olunurdu.

 

“Bir çox qadın çətin şəraitdə yaşayırlar. Mən belə təklif edirəm ki, buçıxılmaz bir vəziyyətdə  olan qadınlara da şamil edilsin . Birinin usağı  balacadırsa,  işləyə bilmir, peşəsi yoxdursa bu kimi qadınlara fonddan pul ayrılsa daha yaxşı olardı . Müddət olaraq da 3  ay olsa  daha məqsədəuyğun olardı ki,  alimenti verən şəxs tapılsın”.

M.Zeynalova təklif edib ki, həmin qadınların təcili işlə təmin olunması üçün  Əmək və Əhalinin Sosial  Müdafiəsi  Nazirliyi  tədbir görməlidir.  

 

“Əslində aliment uşağa lazımdır. Təəssüf ki,  bəzi kişilər  məsuliyyətsizlikdən , qisas hissindən, iqtisadi asılılıq yaratmaq məqsədilə alimenti ödəmirlər. Bax bu məsələdə qadınlara  dəstək proqramı lazımdır”.

O, nikahdankənar dünyaya gələn uşaqlara aliment ödənilməsi qaydasından da danışıb:

 

“Əgər atalıq faktı təsdiq olunursa , qadın məhkəməyə müraciət edirsə, bu yolla aliment almaq olur. Bu məsələdə müəyyən  çətinliklər yaranır. Əslində atalıq faktını  verməyən  kişilər əmindirlər ki, qadınların məhkəməyə  ödəyəcək rüsumu  olmayacaq.  Bunu heç qadının qohumları da ödəyə bilməyəcək. Çünki dövlət rüsumu kifayət qədər böyük məbləğdir. Hardasa 2400 manat təşkil edir. Nəticədə atalıq faktını da təsdiq etmək olmur. Bir imkan da var ki, o məbləği qadın hardansa götürüb ödəyə bilər. Əgər ata imtina edirsə, atadan o pul alınıb geri qaytarılır. Əslində bir çox maarifləndirici verlişlər olmalıdır ki, qadınlar bu məsələni anlaya bilsinlər”.

 

M.Zeynalova düşünür ki , rüsumların müvəqqəti ödənilməsi və kişidən alınıb fonda qaytarılması məsələsi də Ombudsmanın təklif etdiyi sənədə daxil  ola bilər.

 

“Yəni atalıq faktı təsdiq olunandan sonra , atadan məhkəmə rüsumu alınıb Fonda ödənilər. Nəticədə qadın alimentini almış olar. Çünki kişilər arxayın olur ki, dövlət verəcək. Beləliklə də aliment ödəməkdən boyun qaçırırlar. Bu hal da biabırçılıq hesab olunur”.

 

Jalə MEHDİ

BU KATEQORİYADAN OLAN DİGƏR XƏBƏRLƏR
+ Arxiv
Tamara Sinyavskayanın sağlamlıq durumu haqda yeni XƏBƏR 12 Noyabr 2019, 15:22 Qoşunlarının təmas xəttində növbəti monitorinq keçiriləcək 12 Noyabr 2019, 15:21 İzmirli iş adamları Azərbaycana işgüzar səfər ediblər 12 Noyabr 2019, 15:17 Ordumuz əməliyyat təlimləri keçirir - FOTO - VİDEO 12 Noyabr 2019, 15:13 BMT-nin xoşməramlı səfiri Azərbaycanda əlilliyi olan gənclərlə görüşdü 12 Noyabr 2019, 15:07 “Dövlətqaçqınkom” Nərimanovdakı yataqxanada araşdırma aparıb 12 Noyabr 2019, 14:51 Bakıda tələbələrin sənədli filmləri nümayiş olunub 12 Noyabr 2019, 14:46 Polis Arif Hacılını saxladı 12 Noyabr 2019, 14:28 “Dünyaya üç baxış” keçirilib - FOTOLAR 12 Noyabr 2019, 14:26 Azercell Bakının mərkəzində ilk 5G şəbəkəsini işə salır! 12 Noyabr 2019, 14:24 Azərbaycanda maye qaz istehsalı nə vaxt bərpa olunacaq? - SOCAR-dan AÇIQLAMA 12 Noyabr 2019, 14:23 Prezident fahişə ilə yazışan deputata ACIQLANDI 12 Noyabr 2019, 14:19 Hava dəyişəcək, temperatur 8 dərəcə düşəcək - Nazirlikdən XƏBƏRDARLIQ 12 Noyabr 2019, 14:16 Göygöldə oğurluq edən şəxslər saxlanıldı - FOTO 12 Noyabr 2019, 14:12 “Çoxuşaqlı ailələrlə bağlı müavinət sisteminə yenidən baxılsın” - TƏKLİF 12 Noyabr 2019, 14:08 Dünyanın dini liderləri Bakıya TOPLAŞIR 12 Noyabr 2019, 14:06 Deputat məmurların gəlir deklarasiyası məsələsini QALDIRDI 12 Noyabr 2019, 14:05 Eks-prezidentin beynində əməliyyat aparılacaq 12 Noyabr 2019, 13:59 “İcra başçısı təyin olunacağımı gözləmirdim” - Elşad Həsənovdan ilk AÇIQLAMA 12 Noyabr 2019, 13:53 Azərbaycanlı MMA döyüşçüsü “Bellator”da 12 Noyabr 2019, 13:53 Gəncədə yolu keçmək istəyən qadını maşın vurdu 12 Noyabr 2019, 13:49 “Hadi Rəcəblini istəməyənlərdən kimsə onu hədəfə götürüb” - Mehdi Mehdiyev 12 Noyabr 2019, 13:45 “Elə etməliyik ki, seçkilərdə pozuntular olmasın” - MSK sədri 12 Noyabr 2019, 13:42 Mikayıl Cabbarov: “Azərbaycan yeni inkişaf drayverlərini işə salmalıdır” 12 Noyabr 2019, 13:38 Xətainin yeni icra başçısı müharibə veteranıdır - DOSYE 12 Noyabr 2019, 13:32 Sabahın hava PROQNOZU açıqlandı 12 Noyabr 2019, 13:20 Milli Məclisin komitə sədri:Durub buna görə bizi tənqid edirlər 12 Noyabr 2019, 13:17 Samir Şərifov: “Gələn ilin büdcə zərfi yeni layihələr nəzərə alınmaqla tərtib olunub” 12 Noyabr 2019, 13:11 İlham Əliyev Xətai rayonuna yeni icra başçısı təyin etdi 12 Noyabr 2019, 13:06 Prezident deputatı icra başçısı təyin etdi 12 Noyabr 2019, 13:04 Yasamalın icra başçısı vəzifəsindən azad edildi - Başqa rayona aparıldı 12 Noyabr 2019, 12:59 Prezident Suraxanının icra başçısına yeni vəzifə verdi 12 Noyabr 2019, 12:58 Şirvanın icra başçısı vəzifədən azad olundu - Ora yeni başçı gətirildi 12 Noyabr 2019, 12:54 Prezident Zərdabın icra başçısını işdən çıxardı - Yeni TƏYİNAT imzaladı 12 Noyabr 2019, 12:52 Məhkəmə-hüquq islahatlarının ikinci paketinə nələr daxildir? - AÇIQLAMA 12 Noyabr 2019, 12:49