Modern.az

Rusiyanın “Vostok”  televiziyası Azərbaycanla bağlı layihələrə başlayır 

Rusiyanın “Vostok”  televiziyası Azərbaycanla bağlı layihələrə başlayır 

16 Avqust 2019, 13:38

““Vostok”  televiziyasında Azərbaycanla bağlı iki yeni layihəyə  başlayırıq. Əslində,  hər zaman Rusiya teleməkanında Azərbaycanla  bağlı nələrinsə olmasını istəyirdim. Deyəsən,  “Vostok” ailəsi olaraq biz bunu edəcəyik”.

Bunu Modern.az-a açıqlamasında  Rusiyanın “Vostok” Media Holdinqinin yeni vitse-prezidenti seçilən azərbaycanlı jurnalist Şəhriyar İmanbəyli  deyib.

Şəhriyar İmanbəylinin sözlərinə görə, ilk layihə Sovet dövründə çəkilən filmlərlə bağlı olacaq:

“İlk olaraq Sovet dövründə çəkilən Azərbaycan filmlərini silsilə şəkildə efirə verəcəyik. Digər layihəmiz isə sırf Azərbaycan tarixi, mədəniyyəti incəsənəti ilə bağlı olacaq. Bele ki, “Vostok” televiziyasının  çəkiliş qrupu Azərbaycana gələcək və Azərbaycanın bölgələrini gəzərək, verilişi hazırlayacaqlar. Bu isə ona imkan verir ki, bütün Rusiya, həmçinin MDB məkanı gözəl Azərbaycanımızı daha yaxından tanıyacaq”.

Qeyd edək ki, Rusiyada jurnalist kimi fəaliyyət göstərən həmyerlimiz Şəhriyar İmanbəyli bu yaxınlarda Rusiyanın “Vostok” Media Holdinqinin vitse-prezidenti seçilib. O, həmçinin, həmin media holdinqin tərkibindəki "Vostok" telekanalının icraçı direktoru vəzifəsini də yerinə yetirir.

Whatsapp
Bizə yazın!
Keçid et
Bakıdan Ermənistana xəbərdarlıq: Kəndləri boşaldın,ya da...