Arxiv
2 Sentyabr 2019, 12:10 | ƏDƏBİYYAT
Səmimi duyğular, bənzərsiz düşüncələr

Akif Cabbarlı


Qəbələyə növbəti gəlişim həmişəki kimi dostlarımın və şagird yoldaşlarımın ürəyindən oldu. Ənənəyə görə ildə azından dörd-beş dəfə “sinif uşaqları” olaraq bir yerə yığışır, ötən illərə qiyabi səyahətə çıxır, dərd-sərimizdən, problemlərimizdən danışır, sevincimizi bölüşür, rayonun adla tanınan, amma cibimizə uyğun restoranlarının birində də Qəbələ nemətlərindən, bişintilərindən dadıb özümüz üçün əməlli-başlı dincəlirik. Bunlar öz yerində. Əyalət “uşaqları”nın bir məsələyə görə nə qədər sevindiyini, qürurlandığını deməsəm, yazmasam, ola bilsin sonralar ən çox özüm-özümü qınayardım.


Nohur gölü ətrafında, Sini meşəsinin qalın kölgəliyində oturub ləzzətli samovar çayından nuşcanlıqla içirdik ki, Mirhəsən çantasından çıxardığı kitabları bir-bir qənşərimizə qoyub - yəqin ki, məndən bundan qiymətli pay gözləmirsiniz, hə? – deyə özünəməxsus zarafatından qalmadı. - Heç kimə də olmasa, əgər kitabımı oxusalar, Nərimanla Akifə gücüm çatandan bir kənd payı göndərərəm, necə də olsa şəhərdə yaşayırlar axı – dedi.


Bu fikirlə hamı razılaşdı. Sədiyar, Fəxrəddin, Sahib, Mirzəcan, Nizami, Mirzəmməd və sonralar sıralarımıza qoşulmuş Tofiq qardaş bu fikirə ürəkdən “Amin” dedilər. Mirhəsən Ağayevin – Mirzəbəyli kəndinin say-seçmə ağsaqqal ziyalılarından və Qəbələnin üzdə olan söz adamlarından biri kimi tanınan dostumuzun bizə bağışladığı sayca üçüncü kitabı – “O, mənim Anam deyil” şeir və hekayələr toplusu dostum, kimyaçı alim Nəriman Cavadov üçün də, mənə görə də əsl dost hədiyyəsi idi. Bakıya qayıdanda elə maşındaca Mirhəsən müəllimin ürəyinin süzgəcindən keçirdiklərini birnəfəsə oxudum və “sinifkomumuzun” ədəbi düşüncələrinin dağ çayları, şəlalələr tək saf, duru olduğunu, qranit kimi kəsərliliyini, bal tək şirinliyini bir daha tam əlvanlığı ilə duydum, yaşadım.

 

Səndə əzəmət də, vüqar da vardır,

O uca dağların zirvəsi qardır.

Payızın, qışın da sanki bahardır,

Qızıldan, gümüşdən qaşlı Qəbələ.

 


Göründüyü kimi, şair sadə, işlək ifadələrdən rəssam tək yüz cür naxışlı, əlvan palitralı peyzaj yarada bilib.


Bir neçə gün sonra Nərimanla kitabın məziyyətləri, şagird dostumuzun, sadə kənd müəlliminin səmimi duyğu və düşüncələrinə necə poetik don biçdiyini öz aramızda müzakirə də etdik. Nəriman da qayıdıb bircə kəlmə dedi ki, kitab haqqında fikir söyləmək bir qələm adamı kimi sənin öhdənə düşür.


Təbii ki, Nəriman Hacallı kənd orta məktəbinin 1967-ci il buraxılışının əksər məzunlarına xas olan bir ərkyanalıqla missiyamı yada salırdı və mən də kitab haqqında qısaca dost sözü söyləməyə qərar verdim.


“O, mənim Anam deyil” kitabı ADPU-nun nəşriyyatında çap olunub. Kitabın redaktoru fəal və ədəbiyyatçı “sinif uşaqları”ndan olan, hazırda Qəbələnin Tüntül kənd orta məktəbinin Ana dili və ədəbiyyat müəllimi Fəxrəddin Babayev, rəyçi isə Azərbaycan Yazıçılar Birliyinin və Jurnalistlər Birliyinin üzvü, rayonun Bum kəndində “Bal baba” kimi tanınan Emin Baratoğludur. “Bal baba” titulunun açması ilə bağlı inşallah başqa bir yazıda...


Mirhəsən Mirzəbəyli yeni kitabına bir neçə bədii və sənədli hekayə, avtobioqrafik oçerk, vətənpərvərlik mövzusunda yazılar, şeirlər daxil edib. Ömrü boyu kənddə yaşayan, gənc nəslin təlim-tərbiyəsi ilə məşğul olan, idmanı özünün və ətrafındakıların gündəlik həyat tərzinə çevirməyi ustalıqla bacaran sadə bir insanın şahidi olduğu hadisələr, yaşadığı ülvi hisslər nəsrin və poeziyanın əzəli qanunları çərçivəsində, ədəb-ərkan və milli dəyərlər səviyyəsində oxuculara təqdim olunur. “O, mənim Anam deyil” hekayəsi günümüzün reallıqlarını doğru-dürüst əks etdirən, valideyn-övlad münasibətlərinə geniş spektrdə işıq salan bədii nümunə kimi olduqca dəyərlidir. Müəllif oxucuya ən əsası onu demək istəyir ki, kasıbçılıq, ehtiyac saf ailə qurmğa mane olmamalıdır, vətənə, elə bağlılıq, sədaqət fonunda yüksək tərbiyəli, savadlı övladlar yetişdirməkdə əngələ çevrilməməlidir. Əksinə, çətinliklər görmək, aza da, çoxa da qane olmaq gələcəyin insanının bərkdən-boşdan çıxması, hər cür əzaba sinə gərmək bacarığına yiyələnməsi yolunda məhək daşına çevrilməlidir. İradə, Fərid, Xuraman və Vaqif kimi obrazların həyata baxışı Mirhəsən müəllimin ürəyindən keçənlərin sınanmış barometrinə çevrilirsə, deməli, müəllif məqsədinə çata bilmişdir.


Mirhəsən müəllimin anası Balaxanım nənəni yaxşı xatırlayıram. Bu xanım-xatun qadın doxsan üç il ömür sürdü. Ömrünün son həftələrində də yaddaşı üstündəydi. Onunla hər görüş bizim üçün əsl bayrama çevrilərdi. Bayatılar söylər, xatirələr danışar, Azərbaycanın müxtəlif guşələrində, Dağıstanda keçirdiyi xoş məqamları yada salardı. On uşaq böyütmüş “Qəhrəman ana” adına layiq görülmüşdü. Onun qardaşı Baba Babayev də məsul vəzifələrdə çalışsa da, əsl ürək adamı idi, bir neçə şeirlər kitabı çıxmışdı. Mirhəsənin atası Əlbala müəllim rayonun adlı-sanlı ziyalılarından, ağsaqqallarından olub. Belə bir mühitdə doğulub boya-başa çatan qardaşımız yazmaya bilməzdi və onun poetik dünyası gəncliyindəki kimi, yenə zəngindir, gözəl duyğularla dopdoludur. Mirhəsənin “İsmayıl bəy Qutqaşınlının əziz xatirəsinə”, “Xocalı”, “Yavaş-yavaş qoclıram”, “Mənim üçrəngli bayrağım” və digər şeirlərində keçmişə ehtiram, gələcəyə inam, insana sevgi, vətənə məhəbbət hissləri obrazlı ifdələrlə, parlaq simvolizə yolu ilə təqdim olunur.

 

Vaxt yetişər, düşmənləri əzərik,

Şuşanı, Laçını bir-bir gəzərik.

Gül-çiçəklə o yerləri bəzərik,

Düşməni qovarıq yuvasınadək,

...İndi gedəmmirik biz Qarabağa.

 

Mirhəsən müəllim öz poetik ümidlərinin reallaşacağı həsrətindədir. O günə isə az qalıb, əziz qardaşım. İnşallah, arzun çiçək açar, Qarabağa yol alarıq, sən də bizimlə bir sırada.

BU KATEQORİYADAN OLAN DİGƏR XƏBƏRLƏR
+ Arxiv
Aksiya zamanı 147 nəfər saxlanılıb 17 Noyabr 2019, 00:53 Güclü qara görə məktəblər bağlandı 17 Noyabr 2019, 00:37 Türkiyədə zəlzələ oldu 17 Noyabr 2019, 00:19 Azərbaycan xalqının Dirçəliş Günü - VİDEO 17 Noyabr 2019, 00:00 “Qrupdakı bütün komandalar Azərbaycan yığmasından yaxşıdır” - Nikola Yurçeviç 16 Noyabr 2019, 23:56 Aqşin Yeniseyin vəziyyəti ağırlaşdı - YENİLƏNİB 16 Noyabr 2019, 23:42 Suriyada terror: 10 ölü 16 Noyabr 2019, 23:20 İŞİD-in daha  615 üzvü təslim oldu 16 Noyabr 2019, 23:03 Azərbaycan millisi Uelsə uduzdu 16 Noyabr 2019, 22:51 İranda xalq ayağa qalxdı - FOTOLAR 16 Noyabr 2019, 22:16 İraq İranla sərhədi bağladı 16 Noyabr 2019, 21:23 Gürcüstan parlamentinin qarşısında növbəti aksiya 16 Noyabr 2019, 20:55 Bakıdakı ağır qəzada 4 nəfər yaralandı 16 Noyabr 2019, 20:34 Azərbaycan Uelslə bu heyətlə oynayacaq 16 Noyabr 2019, 20:19 Xədicə İsmayılova "Müsavat" rəhbərliyini istefaya çağırdı 16 Noyabr 2019, 20:01 “Xəyal belə etmədiyim bir yerdəyəm” – Demet Özdemir Bakıda 16 Noyabr 2019, 18:00 Sumqayıtda yolu keçən qadını maşın vurdu 16 Noyabr 2019, 17:59 “Sovet hakimiyyəti başa düşürdü ki, Meydan hərəkatı xalqı müstəqilliyə aparır” - Tapdıq Fərhadoğlu 16 Noyabr 2019, 17:46 Milli Qəhrəmanlara heykəl qoyma ənənəsi davam etdiriləcək? 16 Noyabr 2019, 17:18 Benzin bahalaşdı, İran qarışdı - ölən və yaralananlar var 16 Noyabr 2019, 16:53 İlham Əliyev Latviyalı həmkarına məktub göndərdi 16 Noyabr 2019, 16:45 Məzahir Pənahov: “22 min 529 nəfərin namizədliyi qeydə alınıb” 16 Noyabr 2019, 16:31 Prezident Oman Sultanını təbrik etdi 16 Noyabr 2019, 16:22 BDU kollektivi universitet ərazisinə 650 ağac əkdi 16 Noyabr 2019, 16:07 Zakir Həsənov orduya əmr etdi: təlimlərin sayı artırılsın 16 Noyabr 2019, 15:56 Vilayət Eyvazov İnterpolun yeni rəisini şəxsi heyətə təqdim etdi 16 Noyabr 2019, 15:45 “Azəriqaz” qazanxalara qaz verməyə başladı - iki dövlət qurumu ANLAŞDI 16 Noyabr 2019, 15:33 Göygöldə hadisə yerindən qaçan sürücü tutuldu 16 Noyabr 2019, 15:15 Paytaxt istiliksiz qaldı: “Azəriqaz” “Azəristiliktəchizat”a qaz vermir - PROBLEM 16 Noyabr 2019, 14:51 Leyla Məmmədovadan fermerlərə MÜRACİƏT: “Onlara inanmayın” 16 Noyabr 2019, 14:26 Arpa ilə bədənin TƏMİZLƏNMƏSİ 16 Noyabr 2019, 14:08 Siz hardasınız, XANKƏNDLİLƏR? 16 Noyabr 2019, 13:46 Ərdoğan Atatürkdən sonra Türkiyənin ən böyük lideridir? 16 Noyabr 2019, 13:37  “Azərsu” sədri Mingəçevirdə qəbul keçirdi 16 Noyabr 2019, 13:28 Daha bir jurnalist bələdiyyə seçkilərinə QATILDI 16 Noyabr 2019, 13:27