“Bir müddət əvvəl Sabirabad RMX-na qarayara diaqnozu ilə daxil olan hər iki xəstənin vəziyyəti həkimlər tərəfindən yaxşı qiymətləndirilir”.
Bu barədə Səhiyyə Nazirliyinin (SN) mətbuat xidmətindən Modern.az-a verilən məlumatda bildirilib. Rəsmi məlumata görə, xəstələrin 20-21 sentyabr tarixlərində evə buraxılacaqları gözlənilir.
Qeyd edək ki, sentyabrın 9-da 2 nəfər Sabirabad sakini 34 və 26 yaşlarında kişi qarayara diaqnozu ilə Rayon Mərkəzi Xəstəxanasına yerləşdiriliblər.