Arxiv
4 Oktyabr 2019, 14:51 | PARLAMENT
Müharibə ehtimalı artır: “Prezident mühüm siyasi mesajlar verdi”

Oktyabrın 3-də Rusiyanın Soçi şəhərində “Valday” Beynəlxalq Diskussiya Klubunun sessiyasında çıxış edən Azərbaycan Prezidenti İlham Əliyev Dağlıq Qarabağ münaqişəsindən danışarkən Ermənistanın işğalçı olduğunu vurğulayıb.

İlham Əliyev Ermənistanın işğalının nəticələrinə diqqət yetirib, BMT Təhlükəsizlik Şurasının münaqişənin nizamlanmasına dair qəbul etdiyi 4 qətnamənin 25 ildən çoxdur yerinə yetirilmədiyini xatırladıb.

Azərbaycan Prezidenti Ermənistan baş naziri Nikol Paşinyanın bir müddət öncə səsləndirdiyi “Qarabağ Ermənistandır və nöqtə” bəyanatının yalan olduğunu vurğulayaraq deyib: “Qarabağ Azərbaycandır və nida işarəsi”.

Son zamanlar Qarabağ münaqişəsilə bağlı Ermənistanla Azərbaycan arasındakı diplomatik danışıqlarda irəliləyişin olmaması, cəbhə xəttində gərginliyin artması, atəşkəsin tez-tez pozulması nəticəsində insan itkisinin qeydə alınması belə qənaət yaradır ki, işğalçı dövlət məsələnin həll olunmasını istəmir, prosesi uzatmağa çalışır.


Məsələyə bu konteksdən yanaşdıqda Prezident İlham Əliyevin Soçidə  beynəlxalq auditoriyaya hesablanmış kifayət qədər sərt bəyanatını başa düşmək olar.

Bəs belə olan halda müharibə riski gözlənilirmi? Hazırkı vəziyyəti necə qiymətləndirmək olar?


Milli Məclisin deputatları mövzuyla bağklı fikirlərini Modern.az-la bölüşüblər.


Deputat Rasim Musabəyov
deyir ki, ermənilər inadkarlığı davam etirib məsələni uzatsalar, müharibə olması ehtimalı daha da artacaq:

“Bir ildir ki, masa arxasında həmsədrlər tərəfindən təklif edilən sənəd var.  Ermənistan tərəfi də həmin sənədə münasibət bildirmək əvəzinə, sürünməklə məşğuldur və buna görə də danışıqlarda irəliləyiş yoxdur. Danışıqlar imitasiya xarakteri daşıdığı halda, cəbhə xəttində vəziyyət daha da gərginləşəcək”.


Milli Məclisin digər üzvü Hikmət Babaoğlu
deyir ki,  “Qarabağ Azərbaycanındır və nida işarəsi” -  cümləsi işğalçı ölkənin başı üstündə ildırım kimi çaxdı:

“Azərbaycan  Prezidenti cənab İlham Əliyevin  Soçidə təşkil olunan “Valday” diskussiya klubundakı çıxışı mühüm siyasi ismarıclarla yadda qaldı. Hər şeydən öncə qeyd etmək lazımdır ki, Valday diskussiya klubu dünyanın beyin mərkəzlərindən biri olmaqla qlobal və regional kontekstdə  ən aktual məsələlərin müzakirə olunduğu bir platformadır. Budəfəki tədbirdə dünyanın 40 -a qədər ölkəsindən çoxsaylı dövlət xadimi, ictimai nüfuzlu şəxslər və  media nümayəndələri iştirak edirdi. Belə mühüm bir  platformada Azərbaycan Prezidentinin səsləndirdiyi fikirlər ölkəmiz barədə həqiqətlərin  bir daha yeni rakursdan dünyaya çatdırılması idi. Prezident İlham Əliyev ilk növbədə  Ermənistanın baş naziri  Nikol Paşinyana və onun “sərsəm” bəyanatlarına  elə qətiyyətli və tutarlı cavab verdi ki, bu, işğalçı ölkənin başı üstündə ildırım kimi çaxdı. Nəzərə almaq lazımdır ki, işğalçı ölkəyə məhz Rusiya Federasiyasından, Valday  diskussiya klubu kimi nüfuzlu  platformanın tribunasından cavab verilməsinin özü olduqca ciddi bir ismarıcdır. Prezident  İlham Əliyev  “Qarabağ xalqı”  kimi təxribatçı  ifadələrə də cavab verərək, qeyd  etdi ki, bu, kökündən yanlış ifadədir, Qarbağ əhalisi var və bu azərbaycalı və erməni icmasından ibarətdir . Münaqişə başlayanda  bu nisbət 25/75-ə  azərbaycanlıların lehinə olub. Prezident bir daha bəyan etdi ki, problem BMT Təhlükəsizlik Şurasının məlum qətnamələri, Helsinki yekun aktının  prinsipləri və Azərbaycanın ərazi bütövlüyü çərçivəsində həll olunmalıdır. Bu mövqe  bir daha Azərbaycanın qəti mövqeyinin dünya ictimaiyyətinə çatdırılması idi”.


Deputat Sevinc Fətəliyeva
təəssüflər qeyd edib ki, Ermənistan-Azərbaycan, Dağlıq Qarabağ münaqişəsinin həlli istiqamətində aparılan danışıqlar hələ ki heç bir nəticə vermir:


“Bunun səbəbi Ermənistanın qeyri-konstruktiv mövqe tutmasıdır. Son vaxtlar Ermənistan rəhbərliyi tərəfindən səslənən təxribatçı bəyanatlar vəziyyəti daha da gərginləşdirir, qeyri-adekvat yanaşma gərginliyə səbəb olur. Avqust ayından başlayaraq Nikol Paşinyan bu il Ermənistanda keçiriləcək bələdiyyə seçkiləri ərəfəsində və gələn il keçiriləcək parlament seçkiləri ərəfəsində ölkəsində mövqelərini möhkəmləndirmək üçün "Qarabağ Ermənistandır" tipli bəyanatlar verir. Onun fikrincə, rəsmi İrəvanın əsl məqsədinin işğalçılıqdan başqa bir şey olmaması bunun növbəti təsdiqidir. Nikol Paşinyan və Ermənistanın digər yüksək vəzifəli şəxslərinin bu kimi açıqlamaları bütövlükdə Ermənistanın dövlət səviyyəsində işğalçılıq siyasəti yürütməsinin və buna görə Ermənistanın beynəlxalq hüquqi məsuliyyət daşımasının sübutudur. Azərbaycanın işğal olunmuş ərazilərinin ilhaqına çağırışla Ermənistan beynəlxalq hüququn norma və prinsiplərini, BMT Nizamnaməsini, Helsinki Yekun Aktını ayaq altına atır, təhqir edir və beynəlxalq ictimaiyyətə, xüsusilə münaqişənin danışıqlar yolu ilə həllinə məsul olan ATƏT-in Minsk qrupunun həmsədrlərinə total hörmətsizlik nümayiş etdirir.

BMT-də xarici işlər nazirlərinin görüşü ərəfəsində, bu, danışıqlar prosesinin pozulmasına yönəlmiş təxribat kimi görünürdü, Paşinyan ABŞ-da da həmin təxribatçı fikirləri səsləndirdi. Hesab edirəm ki, bütün bunlar planlaşdırılmış təxribatların davamıdır. Ancaq reallıq budur ki, bu, çox təhlükəli bir tendensiyadır və Ermənistan rəhbərliyi ölkə daxilindəki mövqelərini gücləndirməyin səhv yolunu seçir. Çünki bu addımlar münaqişənin yenidən alovlanmasına səbəb ola bilər”.


S.Fətəliyeva qeyd edib ki, Azərbaycan Prezidenti İlham Əliyev Soçidə erməni tərəfinə tutarlı cavab verib və Qarabağın əzəli Azərbaycan torpağı olduğunu qətiyyətlə bəyan edib.

“Ermənistan anlamalıdır ki, Azərbaycan bir qarış torpağını da güzəştə getməyəcək.Bilirsiniz ki, bütün dünya ölkələri, o cümlədən beynəlxalq təşkilatlar Dağlıq Qarabağı Azərbaycanın ərazisi kimi tanıyırlar. Ona görə də beynəlxalq birlik Ermənistanı işğalçılıq siyasətinə son qoymağa, təxribatçı hərəkətlərdən çəkinməyə məcbur etməlidir. Əks halda, bu gərginlik müharibənin yenidən alovlanması ilə nəticələnə bilər”.

BU KATEQORİYADAN OLAN DİGƏR XƏBƏRLƏR
+ Arxiv
İsmayıllıda ağırqəzası - 1 ölü, 7 yaralı 20 Yanvar 2020, 13:14 Prezidentin köməkçisindən Qorbaçovla bağlı ÇAĞIRIŞ 20 Yanvar 2020, 12:57 Sabah hava necə olacaq? 20 Yanvar 2020, 12:48 20 Yanvar faciəsində harada idiniz: Elçin Şıxlı, Rəşad Məcid, Elşad Eyvazlı… 20 Yanvar 2020, 12:39 Tanınmış jurnalist vəfat edib 20 Yanvar 2020, 12:09 Azərbaycanda 1 dəqiqəlik sükut 20 Yanvar 2020, 12:01 Pərvin Kərimzadə şəhid ailələrini ziyarət edib-FOTO 20 Yanvar 2020, 11:53 Fəzail Ağamalı şəhid ailələri və kənd ağsaqqalları ilə görüşdü - FOTO 20 Yanvar 2020, 11:45 Jalə Əliyeva seçicilərlə görüşüb - FOTO 20 Yanvar 2020, 11:36 “Ağla, qərənfil, ağla” – şerin müəllifi, mərhum Məmməd Aslanın qızı danışdı 20 Yanvar 2020, 11:27 Şəhidlər xiyabanı  BU GÜN 20 Yanvar 2020, 11:18 Azərbaycanın əsas xarici ticarət tərəfdaşları 20 Yanvar 2020, 11:09 Tariximizin QANLI və ŞANLI səhifəsi: 20 Yanvar necə anılmalı... 20 Yanvar 2020, 11:00 Lənkəranda 20 Yanvar faciəsi qurbanları yad edilib - FOTO 20 Yanvar 2020, 10:55 Əhəd Abıyev 20 Yanvar faciəsi ilə bağlı görüb bildiklərini danışdı - VİDEO 20 Yanvar 2020, 10:50 “İnsanlar baş verən dəyişikliklərə biganə yanaşmırlar” - Məzahir Pənahov 20 Yanvar 2020, 10:43 Siyavuş Novruzov: “Biz insanlarla birbaşa yaşadığı ünvanlarda görüşməyə üstünlük veririk” 20 Yanvar 2020, 10:35 Bərdə seçiciləri Zahid Orucu belə qucaqladılar - FOTOLAR   20 Yanvar 2020, 10:30 Məcburi köçkünlərin yaşadığı binada YANĞIN 20 Yanvar 2020, 10:23 Bakı metrosunda 1 dəqiqəlik sükut olacaq 20 Yanvar 2020, 10:16 Parlament seçkilərində “exit-poll” keçirmək istəyənlər üçün SON GÜN   20 Yanvar 2020, 10:08 İlham Əliyev Şəhidlər Xiyabanını ziyarət etdi - VİDEO 20 Yanvar 2020, 10:00 Rəşad Camalov seçicilərlə ilk görüşünü keçirib - FOTO 20 Yanvar 2020, 09:54 Şuşa TV-nin keçmiş əməkdaşı: “20 Yanvarda AzTV partladılmışdı, ermənilər də bizim televiziyanın işinə əngəl törədirdilər”   20 Yanvar 2020, 09:47 Ceyhun Məmmədov məcburi köçkünlərlə görüşüb - FOTO 20 Yanvar 2020, 09:38 20 Yanvardan sonra qaboy yas müsiqi alətinə çevrildi – Kamil Cəlilov: “Şəhidlərin ah-naləsinə qaboyum ağlayırdı” 20 Yanvar 2020, 09:29 Cəbhədə gərginlik artıb - Düşmən pulemyotları işə saldı 20 Yanvar 2020, 09:20 Bakıda QƏZA: Xəsarət alan var 20 Yanvar 2020, 09:10 Quba sakininin evindən qanunsuz ov tüfəngi götürülüb 20 Yanvar 2020, 09:02 Ağcabədidə təhlükəli tapıntı - FOTO 20 Yanvar 2020, 08:53 ABŞ Konqresində “Qara Yanvar” faciəsi yad olunub 20 Yanvar 2020, 08:40 “20 Yanvar tariximizin şərəf və qəhrəmanlıq səhifəsidir”  - İlham Əliyev 20 Yanvar 2020, 01:06 Qənirə Paşayeva  Əyyublu kəndində seçicilərlə görüşdü - FOTO 20 Yanvar 2020, 00:46 Cəlilabad sakini bir neçə nəfər tərəfindən döyülüb 20 Yanvar 2020, 00:21 "20 yanvar 1990-cı il Azərbaycanın tarixinə ən faciəli günlərdən biri kimi daxil olub" - Mehriban Əliyeva 20 Yanvar 2020, 00:12
SORĞU Yeni parlamentdə kimlər olsun?