Arxiv
5 Oktyabr 2019, 14:51 | TƏHSİL
Deputat: ““Müəllimlər günü” ilə bağlı ilk olaraq qaynanamı təbrik etdim” – SORĞU  

5 oktyabr - Beynəlxalq Müəllimlər günüdür. Müəllimlər günü UNESCO-nun qərarı ilə 1966-cı ildən qeyd edilir. Həmin il təşkilat tərəfindən müəllimlərin statusunun artırılması ilə bağlı tövsiyə xarakterli sənəd də qəbul olunub. Beynəlxalq Müəllimlər günü həyatını xalqın işıqlı gələcəyinə həsr edən müqəddəs peşə sahiblərinin bayramıdır.

Ölkəmizdə müəllimlər günü 1993-cü ildən qeyd edilməyə başlanıb.

 

Bu gün Azərbaycan müəllimləri də öz peşə bayramlarını qeyd edirlər.

Hər kəs özünün ibtidai məktəbdə, birinci sinifdə oxuduğu illəri xoş xatirə kimi anır və bu xatirələrdə ən əziz yeri, əlbəttə ki, ona sevgi və qayğı ilə qələm tutmağı, yazı yazmağı, kitab oxumağı öyrədən müəllim tutur.

 

Müəllimlər yeni cəmiyyət quruculuğunun memarlarıdır. Hər birimizin layiqli vətəndaş kimi yetişməyində müəllimlərimizin əvəzsiz xidmətləri olmuşdur. Bu gün xalqın hər ziyalısı topladığı bilik və bacarıqları məhz müəllimləri sayəsində qazanıb. Gəlin görək, bu gün işlərinin peşəkarı olan şəxsiyyətlərimiz öz müəllimlərini təbrik edibmi?

 

Modern.az bu gün öz müəllimlərini təbrik edən fərqli ixtisas sahibləri arasında sorğu keçirib.

 

Milli Məclisin deputatı Sona Əliyeva üzərində zəhməti keçən müəllimlərini təbrik edib.

“Mənim həyatımda böyük rolu olan iki müəllimim olub ki, onun biri rəhmətə gedib. Digər müəllimim isə mənim sinif rəhbərim olub və mənim uşaqlarımın da sinif rəhbəro olub. Həmin müəllim bizim ailədə yeri, hörməti olan adamdır. Universitet (ADPU) müəllimlərimlə əlaqəm yoxdur, amma məktəb müəllimlərimdən həyatda olanlar var. Onlardan hansıyla səmimi münasibətim varsa onları təbrik etmişəm ”.

 

Sona Əliyeva bildirib ki, qaynanası da müəllimdir və o, birinci məhz onu təbrik edib.

“Mən ailəmdə qaynanam da müəllimədir. İlk növbədə onu təbrik etmişəm. Bütün müəllimlərə can sağlığı, bu şərəfli, lakin çətin peşədə onlara səbr arzulayıram. Demək istəyirəm ki, müəllimlər həqiqətən bu millətin, xalqın yaradıcılarıdır. Onların hazırladıqları insanlar bu cəmiyyətin bünövrəsini təşkil edir. Ona görə də müəllimlik peşəsi ən çətin, ləyaqətli peşə olmaqla yanaşı həm də ən məsuliyyətli  sənətdir. Bu baxımdan  onlara böyük qüvvət, səbr və uğur arzu edirəm. Azərbaycan müəlliminin bu cəmiyyətdə həmişə yeri böyük olub və olacaq. Azərbaycan xalqının müəllimə qoyduğu hörmət, dəyər digər heç bir yerlə müqayisə oluna bilməz. Bu məhz o dəyərdir ki, bir nəfər başqasına hörmət əlaməti olaraq müraciət edəndə “müəllim” deyə səslənir. Azərbaycan müəllimlərinə bu şərəfli peşəni şərəflə daşımağı arzu edirəm”.

 

Teletənqidçi, Əməkdar jurnalist, BDU-nun professoru Qulu Məhərrəmli Modern.az-a bildirib ki, hər il olduğu kimi bu il də müəllimlərini yad edib və onları təbrik edib.

“Mənim orta məktəb müəllimim sağdır, onu təbrik etmişəm. Ümumilikdə isə işini layiqincə görən müəllimləri, Yalçın Əlizadəni (1992-2012-ci illərdə BDU-nun Jurnalistika fakültəsini dekanı) təbrik etmişəm. Əvvəllər ən birinci Şirməmməd müəllimə zəng edib onu  təbrik edirdim. İndi dünyada yoxdur, amma ruhunu yad edirəm. Mənə dərs deməyən, lakin tanıdığım şərəfli müəllimlər var ki, onları burdan təbrik etmişəm”.

 

Qulu Məhərrəmli bildirib ki, müəllimliyin müqəddəsliyini içində yaşamasan onun nə demək olduğunu bilməyəcəyik.

“ Təəssüf ki, layiqsiz, adını müəllim qoyan insanlar da gördük. Amma həqiqətən bu peşənin müqəddəsliyini özündə yaşadan şərəfli müəllimlər çoxdur. Biz orta məktəb müəllimləri ilə  tez-tez əladə oluruq, görürük ki, necə işıqlı, enerjili, millətin övladlarına dərindən bilik öyrədən müəllimlər var və həmin müəllimlər insanın gələcəyə ümidlərini artırır. Ona görə də həyat da, tədris və təhsil də o müəllimlərindi. Onların bayramını təbrik edirəm ”.

 

Politoloq, “Atlas” Araşdırmalar Mərkəzinin rəhbəri Elxan Şahinoğlu da saytımız vasitəsi ilə öz müəllimlərini təbrik edib.

“Mən əvvəllər ümumtəhsil məktəbində, 2 il sonra isə Fizika-Riyaziyyat təmayüllü məktəbdə oxumuşam. Əlbəttə ki, müəllimləri xatırlayıram, daha çox Fizika-Riyaziyyat təmayüllü məktəbdəki müəllimlərim bizə qarşı çox mehriban olub. İmkan tapdıqca gedib məktəbimə də baş çəkirəm. Məktəbimiz elə oxuduğum universitetin (BDU) yanındadır”.

 

Elxan Şahinoğlu qeyd edib ki, bu gün nəyəsə qadiriksə bu, müəllimlərimizin sayəsində olub.

 “İndi politoloq kimi fəaliyyət göstərirəmsə bunda tarix və coğrafiya müəllimlərimin çox böyük əməyi var. Düzdür, öz üzərimdə də çox çalışırdım, amma müəllimlərimizin zəhmətini dana bilmərik. Bir qismi dünyasını dəyişib, Allah onlara rəhmət eləsin. Bir qisim müəllimlərim sağdır, onlara fəaliyyətlərində uğurlar arzulayıram və inanıram ki,yetişkin gənclər üzərində dayanmadan çalışacaqlar ”.

 

Yazıçı, jurnalist, “525-ci qəzet”in Baş redaktoru Rəşad Məcid bildirib ki, bütün müəllimlərini xatırlamasa da, ilk müəlliməsini unutmayıb.

 

“Mənim ilk müəlliməm Fəridə müəllimə idi. Ağdamda 1 nömrəli orta məktəbi bitirmişəm. Onu həmişə xoş xatırlayıram. Həmin Ağdam orta məktəbin müəllimlərin çoxu məcburi köçkün oldu. Bəzən onlardan hansınasa rast gəlirəm və ya övladlarıyla rastlaşıram, onlar vasitəsilə müəllimlərimə salamlarımı çatdırıram”.

 

Rəşad Məcid bildirib ki, hazırda müəllimləri ilə konkret əlaqələri yoxdur.

“ 9-10-cu sinifi Fizika-Riyaziyyat təmayüllü məktəbdə oxumuşam, həmin müəllimlərimlə də ara-sıra rastlaşıram. Universitet (BDU) müəllimlərimlə tez-tez təmasda oluram, görüşürəm. Qohum-əqrəbada da müəllimlər var. Bütün müəllimlərin bayramını təbrik edirəm ”.

BU KATEQORİYADAN OLAN DİGƏR XƏBƏRLƏR
+ Arxiv
Bakı Ali Neft Məktəbində SPE-nin regional sammiti keçirilib   18 Oktyabr 2019, 14:42 Prezident “Dövlətqaçqınkom”un sədrini qəbula ÇAĞIRDI 18 Oktyabr 2019, 14:41 “Maşın” şounun qalibi məlum oldu - FOTO 18 Oktyabr 2019, 14:37 Uşaqlarda piylənmə - Metobolik sindrom 18 Oktyabr 2019, 14:24 Tanınmışlar Müstəqillik Günü təbrikləri aldılarmı? - “Heç kəs təbrik etməyib” 18 Oktyabr 2019, 14:18 Milli qəhrəmanları təhqir edənlər necə cəzalandırılmalıdır?.. 18 Oktyabr 2019, 14:05 Tramp türklərlə kürdləri dalaşqan uşaqlara BƏNZƏTDİ 18 Oktyabr 2019, 14:03 Paşinyan Təhlükəsizlik Şurasının təcili iclasını çağırdı - Qarabağa görə 18 Oktyabr 2019, 13:52 Azərbaycanın davamlı iqtisadi inkişaf modeli qələbələrimizin rəhnidir - Eks-nazir 18 Oktyabr 2019, 13:49 Oqtay Şirəliyev  vəzifədən gedir?... - Nazirlikdən AÇIQLAMA 18 Oktyabr 2019, 13:30 ““Barış pınarı” dayanmayıb, biz atəşkəs deyil, fasilə vermişik” - Çavuşoğlu 18 Oktyabr 2019, 13:28 Anar Cəbrayıllı: “Ciddi nəzarət olmasa, uşaqlar düzgün yolda addımlamaqda çətinlik çəkər” - MÜSAHİBƏ 18 Oktyabr 2019, 13:20 Sabahın HAVASI: Yağış yağacaq, külək əsəcək 18 Oktyabr 2019, 13:15 Türkiyə Suriyada əməliyyatları bərpa edib? - Rusiya mətbuatından İDDİA 18 Oktyabr 2019, 13:13 Kəlbəcərli şair: “Əminliklə deyirəm ki, ermənilər torpaqlarımızı atıb qaçacaq” - MÜSAHİBƏ 18 Oktyabr 2019, 13:11 Prezident Administrasiyasının məsul işçisi icra başçısı ilə bu kəndə getdi - SƏBƏB 18 Oktyabr 2019, 13:10 Türkiyə terrorçuların yalanlarını ifşa etdi - FOTOLAR 18 Oktyabr 2019, 12:43 Səhiyyə Nazirliyindən küçəyə atılmış birgünlük uşaqla bağlı AÇIQLAMA 18 Oktyabr 2019, 12:37 “Barış Pınarı”na qarşı çıxan erməni deputata azərbaycanlı həmkarından CAVAB 18 Oktyabr 2019, 12:29 Əli Həsənov yeni müxalifətdən YAZDI 18 Oktyabr 2019, 12:28 “Bəlkə gələcəkdə 3-cü erməni dövləti yaratmaq istəyəcəklər?” 18 Oktyabr 2019, 12:17 Masallıda 30-dan çox uşaq günərzi xidmətlərlə təmin edilib 18 Oktyabr 2019, 12:17 Zahid Oruc: “Prezidentin hədəfli mesajları masa üzərindəki açıq və qapalı informasiyalara dayanır” 18 Oktyabr 2019, 12:02 Quzunun qoç ola bilməməkliyi 18 Oktyabr 2019, 11:46 Qərbi Azərbaycan İcması BƏYANAT verdi: “Prezidentin bu çağırışına qoşuluruq!” 18 Oktyabr 2019, 11:25 Milli Məclis gələn həftə toplanır 18 Oktyabr 2019, 11:14 Sizin icra başçınız: Qazaxlılar Rəcəb Babaşovdan razıdırlar, narazı?.. 18 Oktyabr 2019, 11:12 Ermənilər Qarabağda top atışları həyata keçirdi - FOTOLAR 18 Oktyabr 2019, 11:01 Qaradağ və Xəzər rayonlarında qaz KƏSİLƏCƏK - SƏBƏB 18 Oktyabr 2019, 10:54 Əkrəm İmamoğludan Müstəqillik günü TƏBRİKİ - FOTO 18 Oktyabr 2019, 10:16 Nəsimidə dələduz saxlanılıb - FOTO 18 Oktyabr 2019, 10:10 Meral Akşənərdən Azərbaycanca təbrik - FOTO 18 Oktyabr 2019, 09:58 Bu ərazilərdə qaz kəsiləcək 18 Oktyabr 2019, 09:49 Ermənilər atəşkəsi 21 dəfə pozdu 18 Oktyabr 2019, 09:42 Kişilər olub e! 18 Oktyabr 2019, 09:37