Arxiv
17 Oktyabr 2019, 18:17 | AKTUAL
65 xarici jurnalist 3 gün Azərbaycanda – FOTOLAR

Oktyabrın 14-də “Qloballaşma dövründə medianın inkişaf trendləri: Risklər və imkanlar" mövzusunda Bakı Beynəlxalq Media Konfransı keçirilib.

 

Qlobal Jurnalistlər Şurasının və Azərbaycan Mətbuat Şurasının birgə təşkilatçılığı ilə keçirilən konfransda Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov, yerli və xarici media nümayəndələri iştirak ediblər.

 

Modern.az xəbər verir ki, tədbirin açılışında Azərbaycanın və Türkiyənin dövlət himnləri səsləndirilib. Mətbuat Şurasının sədri, Milli Məclisin deputatı Əflatun Amaşov tədbiri açaraq, bu media konfransının gələcəkdə qlobal məsələlərin müzakirə olunduğu platformaya çevriləcəyini deyib. O, ölkəmizdə media azadlığının təmin olunduğunu vurğulayaraq son vaxtlar internet medianın inkişaf etdiyini, jurnalistlərin sərbəst fəaliyyəti üçün lazımi şəraitin yaradıldığını diqqətə çatdırıb.

 

Türkiyə divləri Bakıda

 

Qlobal Jurnalistlər Şurasının sədri Mehmet Ali Dim çıxışında Azərbaycan ilə Türkiyə arasında dostluq və qardaşlıq münasibətlərindən danışıb. Azərbaycan və Türkiyə mediasının ortaq hədəflərinin olduğunu qeyd edən Mehmet Ali Dim Türkiyədə çoxsaylı media təşkilatlarının olduğunu deyib. O bildirib ki, bu sahədə tənzimləməyə, yeni bir nəfəsə ehtiyac var. Qlobal Jurnalistlər Şurası Xarici İşlər naziri Mövlud Çavuşoğlunun dəstəyi ilə yaradılıb. Türkiyədə fəaliyyət göstərən xarici media orqanları da bu təşkilatın sıralarında yer alır. Bu dev qurumların nümayəndələri Azərbaycana gəlib.

Konfransda çıxış edən Prezidentin köməkçisi Əli Həsənov bildirib ki, bu gün türk dünyasının gözü Bakıda keçirilən Türk Şurasının Zirvə Görüşündədir. Bu ildən Türk Şurasına sədrlik Azərbaycana keçir və bu qurumla bağlı mühüm qərarlar Bakıda qəbul olunacaq.

“Bilirsiniz ki, biz Azərbaycan mediasının həm regional, həm də qlobal media trendlərini inkişaf etdirdiyimiz kimi, bizə aid olan bəzi faktların, informasiyanın, həqiqətlərin regionumuzda və dünyada yayılmasında, gördüyümüz işlər haqqında hər kəsin məlumatlanmasında maraqlıyıq”, - deyən Əli Həsənov Azərbaycanda müxtəlif xalqların və dinlərin nümayəndələrinin multikultural cəmiyyətdə yaşadıqlarını vurğulayıb. Qeyd edib ki, azərbaycançılıq məfkurəsi ölkəmizdə yaşayan bütün xalqların və dinlərin nümayəndələrinin birliyini, vahid amal uğrunda mübarizəsini, dövlətin onların bütün məsələlərdə yanında olmasını hədəfləyən ideologiyadır.

Prezidentin köməkçisi daha sonra deyib: “Təəssüf ki, bu gün dünyada haqqa, ədalətə qarşı olan dövlətlər də var. Onların qurduğu rejimlər sülhü təhdid edir, terror aktları törədərək xalqların dinc həyatını pozur, insanları yurd-yuvasından didərgin salır. Bu gün Yaxın və Orta Şərqdə, Avropada müşahidə olunan qaçqın-köçkün fəlakətini biz 20 il əvvəl yaşamışıq. Ermənistan Azərbaycan torpaqlarının 20 faizini işğal edib, 1 milyondan çox azərbaycanlını yurd-yuvasından didərgin salıb. Bu gün onlar qaçqın və məcburi köçkün həyatı yaşayırlar. Biz o insanlar üçün haqq, ədalət axtarırıq. Beynəlxalq təşkilatların qəbul etdiyi qərarlar isə ikili standartlar səbəbindən həyata keçmir. BMT Təhlükəsizlik Şurasının dörd qətnaməsində torpaqlarımızın qeyd-şərtsiz azad edilməsi, didərgin salınmış insanların doğma yurdlarına qayıtması üçün şəraitin yaradılması tələb olunur. Ermənistan isə 20 ildən çoxdur ki, bu qətnamələri yerinə yetirilmir. Təəssüf ki, müasir dünyanın ədalətsizlikləri fonunda bu işğal davam edir”.

Əli Həsənov Türkiyənin də haqsızlıqlarla üzləşdiyini bildirərək qeyd edib ki, 100 il bundan əvvəl baş vermiş hadisələri qardaş ölkənin adına yazaraq onları soyqırımı törətməkdə ittiham edirlər. Lakin erməni terrorist qrupları həm türklərə, həm də azərbaycanlılara qarşı dəfələrlə soyqırımı aktları törədiblər. Türk diplomatlarına qarşı müxtəlif vaxtlarda terror hücumları həyata keçirilib. Həmçinin ötən əsrin ortalarınadək azərbaycanlılara qarşı üç dəfə soyqırımı törədilib. Bu soyqırımıları nəticəsində ümumilikdə 100 minə yaxın, Dağlıq Qarabağ münaqişəsi zamanı isə 30 minədək azərbaycanlı qətlə yetirilib. Bütün bunların səbəbkarı erməni millətçiləridir.

Bu konfransın ölkəmiz haqqında həqiqətlərin dünyaya çatdırılması üçün yeni imkanlar yaratdığını vurğulayan Prezidentin köməkçisi deyib ki, Azərbaycan bu gün bölgənin və dünyanın ən inkişaf etmiş ölkələrindən biridir: “Biz neftdən gələn gəlirləri digər sahələrin inkişafına yönəldərək müasir infrastruktur yaratmışıq. Neft gəlirlərindən istifadə edərək Azərbaycan mediası üçün də yaxşı imkanlar yaratmışıq. Azərbaycan mediası hazırda bölgə üçün ən qabaqcıl nümunələrdən birinə çevrilib. Bu gün Azərbaycanda media azad şəkildə inkişaf edir. İnternet tam azaddır. Sosial şəbəkələrin və internetin yaratdığı imkanlar beynəlxalq və region mediaları ilə əlaqələrimizin intensivləşməsinə şərait yaradır və biz bundan bəhrələnirik. Dövlətimiz azad mediaya dəstək verir. KİV-lərə qrantlar verilir, jurnalistlərin problemlərinin həllinə yaxından kömək göstərilir, onların mənzil-məişət şəraiti yaxşılaşdırılır”.

Əli Həsənov, həmçinin qeyd edib ki, Azərbaycan mediasının imkanlarından istifadə edərək həm ölkəmizin, həm də Türkiyənin problemlərini dünyaya çatdırmağa çalışırıq. Diasporumuzu və mediamızı birləşdirməli və haqsızlıqlara qarşı birgə mübarizə aparmalıyıq. Azərbaycan Türkiyənin “Sülh çeşməsi” əməliyyatına dəstək verir. Haqq işində Azərbaycan Türkiyənin yanındadır. Ümummilli lider Heydər Əliyevin “Bir millət, iki dövlət” formulu bu gün bizim bütün sahələr üzrə birliyimizə xidmət edir.

 

“Habertürk” televiziyasının əməkdaşı Bülent Aydemir bu gün Türkiyənin şanlı mübarizəsinə qarşı əks təbliğat aparıldığını söyləyərək bildirib ki, Suriyada aparılan əməliyyat təhlükəsizliklə bağlıdır, terrorçuluqla mübarizədir, işğal məqsədi daşımır. Türkiyənin öz sərhədləri yaxınlığındakı əraziləri terrorçulardan təmizləməyə gücü və hüququ var. Onun haqq işinin bütün dünyaya çatdırılmasında medianın köməyi də önəmlidir.

 

Media hegemonluğu…

 

Sonra çıxış edən “Yeni Azərbaycan” qəzetinin baş redaktoru, Milli Məclisin deputatı Hikmət Babaoğlu bugünkü tədbirin Türk Şurasının yubiley Zirvə Görüşü ilə eyni vaxta təsadüf etdiyini bildirib. Türkiyənin Suriyada keçirdiyi əməliyyatlara toxunan H.Babaoğlu qeyd edib ki, bu gün müharibə təkcə hərbi müstəvidə deyil, eyni zamanda, informasiya müstəvisində gedir. Belə olan halda dost və müttəfiq ölkələrin informasiya resurslarının birgə fəaliyyət göstərməsi də günün aktual məsələsidir. Əgər 20-30 il bundan əvvəl informasiya sadəcə məlumat əldə etmək və onu ötürmək, məlumat mübadiləsi funksiyasını yerinə yetirirdisə, bu gün dünyada informasiya müharibəsi gedir. Bütün müharibələrin ən təhlükəlisi məhz informasiya müharibəsidir.

Yeni media mövzusuna toxunan Hikmət Babaoğlu qeyd edib ki, bu gün informasiya institusionallaşdırılaraq idarəetmə vasitəsinə çevrilib. Hazırda informasiya həyatımıza müdaxilə etməklə həm onun keyfiyyətini müəyyənləşdirir, həm də insanda yeni bir sosial kimlik formalaşdırır.

 

Qarabağ İcması ilə görüş

 

Silsilə tədbirlər üçün Bakıda olan Qlobal Jurnalistlər Şurasının üzvləri oktyabrın 15-də “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin idarə heyətinin rəhbərliyi ilə görüşüblər. Tədbirdə çıxış edən İctimai Birliyin idarə heyətinin sədr müavini Elçin Əhmədov xarici jurnalistlərə Ermənistan-Azərbaycan Dağlıq Qarabağ münaqişəsinin tarixi kökləri və ağır nəticələri barədə məlumat verib. O qeyd edib ki, münaqişə nəticəsində Azərbaycan ərazisinin 20 faizi işğal olunub, 1 milyondan çox azərbaycanlı etnik təmizləməyə məruz qalıb. Bu insanlar 30 ilə yaxındır ki, qaçqın və köçkün vəziyyətində yaşayırlar. BMT Təhlükəsizlik Şurasının Ermənistan qoşunlarının işğal etdiyi Azərbaycan ərazilərindən çıxarılmasını tələb edən dörd qətnaməsi dünyada mövcud olan ikili standartlar nəticəsində 25 ildən çoxdur ki, yerinə yetirilmir. ATƏT, AŞPA, İslam Əməkdaşlıq Təşkilatı və digər beynəlxalq təşkilatlar dəfələrlə erməni təcavüzünü pisləyən sənədlər qəbul ediblər. Əfsuslar olsun ki, həmin sənədlərin də münaqişənin həllinə müsbət təsiri olmayıb.

 

İctimai Birliyin İdarə Heyətinin sədri Tural Gəncəliyev çıxışında qurumun fəaliyyəti barədə ətraflı məlumat verib. Ermənistanla informasiya müharibəsinin davam etdiyini bildirən icma rəhbəri deyib ki, işğalçı Ermənistan hakimiyyəti və onların Dağlıq Qarabağdakı əlaltıları olan cinayətkar ünsürlər Azərbaycana qarşı informasiya müharibəsi aparırlar. Ermənistanın Azərbaycana hərbi təcavüzü nəticəsində Dağlıq Qarabağda etnik təmizləmə aparılıb və yüz minlərlə soydaşımız öz torpaqlarından didərgin düşüb.

İcma rəhbəri çıxışında vaxtı ilə Şuşada erməni qonşuları ilə birgə sülh şəraitində yaşadığı günləri xatırlayaraq, azərbaycanlı icmanın erməni icması isə təmaslar qurmağa və konstruktiv dialoq aparmağa hazır olduğunu diqqətə çatdırıb.

Tural Gəncəliyev xarici jurnalistləri slayd vasitəsilə işğal altında olan ərazilərimizdə ermənilər tərəfindən məhv edilmiş dini və mədəniyyət abidələrimizin vəziyyəti ilə tanış edib.

 

65 xarici jurnalist Quba məzarlığında

 

Səfərin üçüncü günü isə Qlobal Jurnalistlər Birliyinin üzvləri Quba şəhərində olub, Quba Soyqırımı Memorial Kompleksini ziyarət ediblər. Birliyin sədri Mehmet Ali Dim jurnalistlərə açıqlamasında bu fikirləri söyləyib:

“Azərbaycana Türkiyə və dünyanın bir çox ölkəsindən olan 60-dan çox media nümayəndəsi ilə birlikdə gəlmişik. Bir millət, iki dövlət olduğumuzdan bizim mediamız da bərabərdir. Türk mediası olaraq bir yerdəyik. Təşkilatçılara minnətdaram ki, çox gözəl səfər proqramı hazırlayıblar. Bizi Azərbaycanda gözəl qarşıladılar. Azərbaycanın qayğıları, kədəri, narahatlıqları, sevinci bizə də eyni dərəcədə təsir edir. Hazırda olduğumuz Quba Soyqırımı Memorial Kompleksi tarixdən dərs çıxarılacaq bir məkandır. Mən buraya 2007-ci ildə kütləvi məzarlıq yeni aşkarlandığı zaman da gəlmişdim. O vaxt da çox təsirlənmişdim. Burada saysız-hesabsız dinc sakin ermənilər tərəfindən qətlə yetirilib. İndi bu ərazidə memorial yaradılıb. Bu da bizi son dərəcə məmnun etdi. Amma əlbəttə ki, türk mediası olaraq səylərimizi birləşdirməliyik. Ən azından Xocalı soyqırımının ildönümü öncəsi ortaq manşetlərlə, xəbər bülletenləri ilə yayımlanmağımız lazımdır. “Sülh çeşməsi” əməliyyatları zamanı da gördük ki, Türkiyənin ən yaxın dostları elə türk dövlətləridir. Bakıda keçirilən Türkdilli Dövlətlərin Əməkdaşlıq Şurasının VII Zirvə Görüşündə də gördük ki, qardaş ölkələr Türkiyənin haqlı mübarizəsinə dəstək nümayiş etdirdilər. Biz həmişə bir-birimizə sahib çıxmalıyıq”.

 

Daha sonra Turizm Agentliyinin sədri Fuad Nağıyev Qlobal Jurnalist Birliyinin nümayəndələri ilə birlikdə "Atəşgah məbədi"nə səfər edib. Jurnalistlərə "Atəşgah məbədi"nin tarixi ilə bağlı məlumat verilib.

 

BU KATEQORİYADAN OLAN DİGƏR XƏBƏRLƏR
+ Arxiv
Türkiyədə sel dörd nəfərin həyatına son qoyub 14 İyul 2020, 00:44 “Ermənistan törətdiyi bütün qanunsuz əməllərin cavabını verəcəkdir” - XİN 14 İyul 2020, 00:31 Naftalanda ağır qəza: ölənlər var 14 İyul 2020, 00:19 Heydər Əliyevin hakimiyyətə gəlməsindən 51 il ötür 14 İyul 2020, 00:13 “Ermənistan regionda gərginliyi artırmağa çalışır” - Hikmət Hacıyev 13 İyul 2020, 23:59 “Ermənistanın təcavüzünü pisləyirik” - İranlı sabiq deputat 13 İyul 2020, 23:42 Nazir Avropa İttifaqını cəbhədəki vəziyyətlə bağlı məlumatlandırdı 13 İyul 2020, 23:18 356 COVİD-19 xəstəsinin vəziyyəti ağırdır - FOTO 13 İyul 2020, 22:52 Şəmkirdə yağışın yaratdığı fəsadlar aradan qaldırılır 13 İyul 2020, 22:39 Çindən  ABŞ rəsmilərinə qarşı sanksiya 13 İyul 2020, 22:29 "Ölü" doğulan körpə basdırılarkən ağladı 13 İyul 2020, 22:14 Ukraynadan erməni təxribatına REAKSİYA 13 İyul 2020, 22:02 “Can Azərbaycana canımız fəda” - Mövlud Çavuşoğlu 13 İyul 2020, 21:51 Koronavirus Türkiyədə daha 19 can aldı 13 İyul 2020, 21:36 İranlı deputat koronavirusdan öldü 13 İyul 2020, 21:24 Ermənilərin 20-dən çox hərbçisi və texnikası məhv edildi - VİDEO 13 İyul 2020, 21:11 Cəlilabadda baş həkimin evi yandı 13 İyul 2020, 21:00 Quba-Xınalıq yolu BAĞLANDI 13 İyul 2020, 20:50 Elmar Məmmədyarov türkiyəli həmkarı ilə telefonla DANIŞDI 13 İyul 2020, 20:34 Gürcüstanın XİN başçısı azərbaycanlı həmkarına zəng etdi 13 İyul 2020, 20:29 Ermənilərin atdığı top mərmisi bu evə düşdü - VİDEO 13 İyul 2020, 20:18 Mətbuat Şurası cəbhədəki vəziyyətlə bağlı məlumat yaydı 13 İyul 2020, 20:09 Leysan yağışlar bu rayonlarda sel yaratdı -FAKTİKİ HAVA 13 İyul 2020, 20:00 Həmsədrlər cəbhədəki gərginliklə bağlı BƏYANAT yaydılar 13 İyul 2020, 19:50 Xarici işlər nazirlərinin üçtərəfli görüşü keçirildi 13 İyul 2020, 19:44 Spiker: “Azərbaycan əsgəri düşmənin istənilən həmləsinin qarşısını almağa qadirdir” 13 İyul 2020, 19:25 Gürcüstan prezidenti sərhəddəki gərginliklə bağlı bəyanat yaydı 13 İyul 2020, 19:17 Dərsliklərə yeni mövzular salınacaq - Təhsil Nazirliyi 13 İyul 2020, 19:00 Buraxılış imtahanlarının nəticələri ilə bağlı Apellyasiya komissiyası yaradıldı 13 İyul 2020, 18:50 Ermənistan ordusu Tovuzun Dondar Quşçu kəndini toplardan atəşə tutub 13 İyul 2020, 18:40 İdeyalarını reallaşdırmaq istəyənlər üçün fürsət: “EduHack” hakatonu   13 İyul 2020, 18:33 Müdafiə Nazirliyi Erministan tərəfinin iddialarını YALANLADI 13 İyul 2020, 18:25 ABŞ-da virusdan ölənlərin sayı 140 minə YAXINLAŞIR 13 İyul 2020, 18:21 Şəhid oğullarımızın qanı yerdə qalmayacaq - Bəyanat 13 İyul 2020, 18:17 Qarabağ həqiqətlərinin dünyada təbliği müzakirə olundu 13 İyul 2020, 18:12