Rusiyanın Amur vilayətinin Blaqoveşensk şəhərində silahlı insident qeydə alınıb.
Modern.az TASS-ə istinadla xəbər verir ki, hadisə İnşaat və Kommunal Kollecində baş verib.
Hadisəyə kollecin 4-cu kurs tələbəsinin dərsdən qovulması səbəb olub.
Buna əsəbləşən tələbə yenidən otağa girərək tələbə yoldaşlarına atəş açıb. Nəticədə 1 nəfər ölüb, 3 nəfər ağır yaralanıb.
Qətli törədən şəxs isə polisə silahlı müqavimət göstərdiyi üçün zərərsizləşdirilib.