ABŞ Prezidenti Donald Tramp və İsrailin Baş naziri Benyamin Netanyahu İranla bağlı hərbi əməliyyatların yenidən başlanması ehtimalını müzakirə ediblər.
Modern.az xəbər verir ki, bu barədə “Axios” mənbələrə istinadən məlumat yayıb.
Bildirilib ki, ötən gün baş tutan telefon danışığı zamanı iki ölkənin lideri İranla aparılan danışıqların vəziyyətini və hərbi əməliyyatların nə qədər tez bərpa edilməli olduğunu müzakirə ediblər.
Netanyahu ABŞ-ın çərşənbə axşamı keçiriləcək aralıq seçkilərdən dərhal sonra İrana zərbə endirməsində israr edir. Lakin ABŞ prezidenti hələlik danışıqların öz axarı ilə davam etməsinə imkan vermək niyyətindədir.
Mənbələrin bildirdiyinə görə, bu strategiya İsrailin Baş nazirində narahatlıq yaradır.
