Ötən gecə Çempionlar Liqasının səkkizdəbir final mərhələsi çərçivəsində daha iki oyun keçirilib.
Modern.az xəbər verir ki, Fransanın "Lion" klubu öz meydanında İtaliyanın "Yuventus" klubunu qəbul edib. Oyun meydan sahibinin 1:0 hesablı qələbəsi ilə yekunlaşıb.
Oyunda yeganə qolu 31-ci dəqiqədə Tuzar vurub.
Digər oyunda İspaniyanın "Real Madrid" klubu İngiltərənin "Mançester Siti" klubunu qəbul edib. Matç qonaqların 1:2 hesablı qələbəsi ilə yekunlaşıb.
Oyunda qolları İsko (60-cı dəqiqə), Qabriel Jesus (78-ci dəqiqə) və Kevin De Brüyne (83-cü dəqiqə, penalti) vurublar.