Fövqəladə Hallar Nazirliyində (FHN) kadr dəyişikliyi baş verib.
Modern.az-ın məlumatına görə, nazir Kəmaləddin Heydərovun müvafiq əmri ilə Fövqəladə Hallar Nazirliyinin Dövlət Yanğın Nəzarəti Xidmətinin rəisi, daxili xidmət general-mayoru İsrayıl Əliyev vəzifəsindən azad edilib.
Digər əmrlə, bu vəzifəyə polkovnik Hikmət Abbasov təyinat alıb.
Qeyd edək ki, H.Abbasov bu təyinatadək Bakı Regional Mərkəzinin rəisi vəzifəsində çalışıb.
FHN-nin mətbuat katibi Gülçin Mehdiyeva Modern.az-ın sorğusuna cavab olaraq kadr dəyişikliyini təsdiqləyib. O bildirib ki, daxili rotasiya əsasında Bakı Regional Mərkəzinin rəisi, polkovnik Hikmət Abbasov Dövlət Yanğın Nəzarəti Xidmətinin rəisi təyin olunub:
“Dövlət Yanğın Nəzarəti Xidmətinin rəisi, daxili xidmət general-mayoru İsrayıl Əliyev isə Bakı Regional Mərkəzinin rəisi vəzifəsinə təyinat alıb”.
