“Metroya, avtobusa, eləcə də bütün ictimai nəqliyyata tibbi maska taxmadan daxil olmaq qadağandır”.
Bunu Modern.az-ın sorğusuna cavab olaraq, Daxili İşlər Nazirliyinin (DİN) mətbuat katibi, polis polkovniki Ehsan Zahidov bildirib.
E.Zahidov qeyd edib ki, əks halda vətəndaşlar metroya və avtobusa buraxılmayacaq:
“Onlar yaxınlıqda olan apteklərdən, metroda təşkil edilən səyyar satış məntəqələrindən maska əldə edə bilərlər”.
DİN rəsmisi metropolitendə karantin qaydalarını pozanların konkret sayının olmadığını açıqlayıb:
“Karantin qaydalarının pozulması tibbi maskadan istifadə edilməməsi və sosial məsafənin gözlənilməməsidir. Belə olan halda da onlar ictimai nəqaliyyata buraxılmırlar”.